ข้อพระคัมภีร์ยอดนิยมจาก JOHANA 15

แบ่งปัน

Kei grêp hrui chu ka ni, nangni a pêngte chu in ni; tu pawh keimaha awm renga, kei pawh amaha ka awm rengna chu, chu mi chu tam takin a rah ṭhîn; keimah lovin eng mah in ti thei si lo.

Keimahah awm reng rawh u, kei pawh nangmahniah ka awm reng ang. Pêng chu grêp hruia a awm reng loh chuan amahin a rah thei lo ang bawkin, nangni pawh keimaha in awm reng loh chuan in rah thei lo vang.

Nangni keimaha in awm renga, ka thu nangmahnia a awm reng bawk chuan, in duh apiang dîl rawh u, in tân tihin a awm zêl ang.

Nangnin mi thlang lo, keiman ka thlang zâwk che u a, va rah tûr leh in rah awm reng tûrin ka ruat bawk a che u; ka hminga Pa hnêna in dîl apiang a pêkna tûr che uin.

Mihringin a ṭhian aia a nun a paih aliama hmangaihna nasa zâwk tu mân an nei lo.

Ka zawmpui pêng rah lo apiang a paih ṭhîn a; a rah apiang a tithianghlim ṭhîn, a rah tam lehzual nân.

Hei hi ka thupêk a ni, keiin ka hmangaih che u ang bawkin nangni inhmangaih ula.

Hemi avângin ka Pa chu chawimawiin a awm ṭhîn, tam taka in rah hian; chutichuan, ka zirtîrte in ni ang.

Kei grêp hrui tak tak ka ni, ka Pa a huan enkawltu a ni.

Mi keimaha a awm reng loh chuan, pêng anga paih chhuahin a awm a, a vuai ṭhîn; tin, an fawm a, meiah an paih a, a kâng ṭhîn.

Ka lâwm nangmahnia a awm reng nân leh, in lâwm a kim nân hêng thu hi in hnênah ka sawi hi.

Nangnin ka thupêkte in zawm chuan, ka hmangaihin in awm reng ang; keiin ka Pa thupêkte ka zâwm a, a hmangaihin ka awm reng ang bawk hian.

In inhmangaih theih nân hêng thu hi ka pe a che u.

Nangni khawvêla mi ni ula, khawvêlin amaha mi a hmangaih tûr; khawvêla mi in ni si lo va, khawvêla mi ka thlan chhuah zâwk che u avâng hian khawvêlin a hua che u a ni e.