ข้อพระคัมภีร์ยอดนิยมจาก John 16

แบ่งปัน

Nanghon keija lungmonna namu theina dinguva, thu hicheng hi najah uva kasei ahi. Vannoi'a hesoh gentheina nanei dingu ahi; ahivangin kipah-un; keiman vannoi kajoutai, ati.

Thutah Lhagao chu ahung teng vangle, ama chun thutah lam jouse-a nangho napuihoi dingu ahi; ijeh-inem itile aman achama asei lou ding, ajah chan asei dingbou ahi; chule aman khonung thil hunglhung dingho namusah dingu ahi.

Tu geihin nanghon kaminin ima nathum hihlai juve; nakipanao suhchamkima aumna dingin, thumun chutile namu dingu ahi.

Hijongle keiman nangho thutahbeh kaseipeh nahiuve; kache dinghi nangho dinga phajo ahi; ijeh-inem itile keima kache loule Lhamonsah chu naheng uva hung lou ding ahi; kache vangle, keiman ama chu naheng uva kahinsol ding ahi. Chule Ama chu ahung teng, vannoi mitehi chonset thudol, chonphat thudol, chule thutan thudola themmo achan aphotchet ding ahi

Hiche banga chu nangho jong tu-a nalunghemu ahi; ahivangin keiman nangho kamukit ding nahiuve, chutengle nalungu kipah ding, chule hiche nakipanao chu koiman nalahpeh lou dingu ahi. Hiche nikho chule keima imacha neidoh lou dingu ahi. Keiman nangho tahbeh beh-a kaseipeh nahiuve, Pa henga ipihile keima mina nathum channu chu, aman napeh dingu ahi.

Keiman nangho tahbeh beh-a kaseipeh nahiuve, Nangho nakauva chule namao dingu, vannoi mite vang kipah ding ahiuve; nangho nalunghem dingu, ahivanga nalunghemnau chu kipana hung sohdoh ding ahi.