ข้อพระคัมภีร์ยอดนิยมจาก JOHN 15

แบ่งปัน

“Aku inŭh tŭngŭn anggor, ka angān inŭh bara daan-i. Kambŭi daya rŭŭ darŭm Aku, ka Aku darŭm ngara, ngara re buān bagŭ buwa; amai angān dŭh bisa ndai ani ani kambŭi dŭh so Aku.

Rŭŭ darŭm Aku, ka Aku rŭŭ darŭm angān. Daan anggor dŭh bisa buān sadi adŭp-i, kambŭi-i dŭh bikanjak so tŭngŭn-i. Simŭnŭ gŭh angān dŭh bisa buān, kambŭi angān dŭh rŭŭ darŭm Aku.

Kambŭi angān rŭŭ darŭm Aku ka pinganang Ku rŭŭ darŭm angān, angān bisa mite tadŭ tadŭ kayuh adi angān raan, ka angān re dapŭd-i.

Angān dŭh mien Aku; Aku mien angān ka tijuan angān da panu ka pijadi bagŭ buwa, buwa adi tan adu adu. Ka Sama meh re nggen di angān tadŭ kayuh adi angān mite ngga adŭn Ku.

Pinyirindu adi bās dŭ adi daya biyŭn yŭn bara dingan-i inŭh taran asŭng adŭp-i yŭn bara dingan-i anŭ.

Barang daan adi darŭm Aku adi dŭh buān Ayŭh japa, ka barang daan adi buān buwa Ayŭh pibisig isa-i buān rabis bagŭ buwa.

Pinyipesan Ku inŭh sakati: rindu dingan ngan, nimun Aku rindu angān.

Bragah Sama Ku tatŭng kan angān buān bagŭ buwa; ka simŭnŭ inŭh angān bisa jadi murid Ku.

“Aku inŭh tŭngŭn anggor adi sawŭ, ka Sama Ku inŭh tukang-teya anggor.

Ngara adi dŭh rŭŭ darŭm Aku dog taran keya ka daan kayuh; daan anŭ rayu ka dog nguruk ka dog taran ka darŭm apui da sau.

“Aku kidaan di angān kayuh ati isa pinyigaŭn Ku bisa agi ngga angān, ka isa pinyigaŭn ngan bisa jadi gŭgŭp.

Kambŭi angān sita pinyipesan Ku, angān re bijijŭ darŭm pinyirindu Ku, nimun Aku mbŭh sita pinyipesan Sama Ku ka bijijŭ darŭm pinyirindu-I.

Ati inŭh kayuh adi Aku bada angān ndai: Rindu dingan ngan.

Kambŭi angān tung ong, ong taŭn-i rindu angān adi mbŭh tung adŭp-i. Pak Aku mbŭh mien angān so ong ati, ka angān mbŭh dŭh tung ong; anŭ inŭh sabab-i tiru di angān.