ข้อพระคัมภีร์ยอดนิยมจาก MATIYU 7

แบ่งปัน

Ka Yisa daa laa n‑yɛli, “Ya susima ka nin deaai yan susi seelli maa; ya booma ka nin nya yan boori seelli maa; ya kpaasima ka ba nin yoaai kyɛburu maa n‑ti ya.

Dama ŋɔnkam susira deaari ni; ŋɔnkam boora nyari ni; ka ŋɔnkam kpaasira, ba nin yoaai n‑ti u.

Ni, “Dizugu ŋɔnkam zaa wum n yɛligu ka dɔli ka, u ŋmanni la yam daansɔ ŋɔn daa mɛ u yiri n‑tɔm tampii zugu.

Ni, “Dinŋɔna yan boori ni niriba niŋi seem n‑ti ya zaa, see ka ya niŋi lala n‑ti ba gba. Zaaligu yɛla maa zaa nla, ni anabidima maa bulisigu m‑paasi.”

Sɔseaa n bɛ ni, ka ka za'anɔri poora, ka soori maa bu yɛlima; ka mun wa la nyɔvuri ziiya, amaa niriba ban nya ka n‑dɔla bu zoaai.”

Ni, “See ka ya dɔli la za'anɔbila maa n‑kpɛa. Dama za'anɔri bɛ ni n‑yɛlima, ka sɔsuŋŋu gba bɛ ni, ka a mun wa la bugum ni sa'aŋŋu ziiya - halli niriba pam n dɔli anŋɔ maa!

Tɔ! ya nyɛ la ninvugseeba bam mari teesibeeri ya beebu ni, ka halli yarima gba yi mi yan zaŋŋi piinisuma n‑tiri ya biisi; ka dinŋɔna ya Ba ŋɔn bɛ saazugu ku zaŋŋi u piinisuma n‑ti ban susiri u?”

Yisa daa laa n‑yɛli ba, “Ya di teesiri taaba yɛla, ka Naawunni ku ti teesi ya gba yɛlibeeri. Ka yan ma'asiri n‑tiri ya taaba seem, lala ka Naawunni nin ti ma'asi n‑ti ya gba.”

Ŋɔnkam zaa mun wum n yɛligu ka bu dɔli ka, u ŋmanni la gyɛrigu sɔ ŋɔn daa mɛ u yiri n‑tɔm tambisigu ni.

U daa laa m‑boosi ba, ni, “Ni wula ka i nya muŋŋa i mabii nimbiri ni ka zaantɔliga dee n‑sa i maŋtoori dinni ni ka i bu nya ka? Bee wula ka i nin toaai n‑yɛli i mabiiya, ni, u kyɛ ka i yiisi munseaa kan bɛ u nimbiri ni, ka zaantɔliga maa kpalim m‑bɛ i maŋtoori dinni ni?

Ni, “Ya baŋŋma, ka ziri anabidima m bɛ ni. Ba ŋmani la kunduna ban yeeri peesi gbana, ni ba ti la'am ni peesi maa n‑gbaai ba. Ba wala nin kyɛ ka ya baŋŋi ba. Goaa bu wanni sisibi ka kpikpaliga mun ku toaai n‑wali kinkama.

Tiseaa kan mari alaafɛ wanni la walisuma. Tiseaa kan ka alaafɛ muna - walibeeri ka ka nin wali.

Tiseaa kan mari alaafɛ ku toaai n‑wali walibeeri, halli ka kan ka alaafɛ ku toaai n‑wali bunsuma.

Tiseelli kam kan bu wanni walisuma, ba nin ŋmaai ka m‑basi, ka zaŋŋi ka n‑niŋi bugum ni.