ข้อพระคัมภีร์ยอดนิยมจาก Philipianaich 1

แบ่งปัน

'S e Dia a thug air an obair mhath seo tòiseachadh annaibh, 's tha mi làn chinnteach gun cùm e a' dol i gus an cuir e crìoch oirre air an là a thilleas Iosa Crìosd.

'S e seo an ùrnaigh a th'agam. Tha mi ag iarraidh gum bi ur gràdh a' sìor fhàs nas motha, 's gum bi tuigse agus gach seòrsa breithneachaidh agaibh còmhla ris. Mar sin bidh e nur comas na rudan anns a bheil fìor luach aithneachadh, 's bidh sibh glan agus gun choire air an là a bheir Crìosd breith oirbh.

Air mo shon-sa 's e Crìosd mo bheatha, agus mar sin, 's e buannachd a th'anns a' bhàs.

Chan eil uair a tha mi a' cuimhneachadh oirbh nach eil mi a' toirt taing dham Dhia air ur son.

'S e seo a tha cudthromach — gum bi sibh beò còmhla ri chèile anns an dòigh a tha a' freagairt air Soisgeul Chrìosd. Co‑dhiù a thilleas mi gur faicinn, no gun cluinn mi mur deidhinn 's mi air falbh bhuaibh, tha mi ag iarraidh gum bi sibh a' seasamh gu daingeann anns an aon spiorad, 's a' strì còmhla mar aon duine airson creideamh an t‑Soisgeil.

'S e rùn mo chridhe agus mo dhùrachd nach bi mi air mo nàireachadh ann an nì sam bith, ach gum bi mi air mo lìonadh le dànachd aig gach àm 's gu h‑àraid an dràsda fhèin, gus am bi Crìosd air a ghlòrachadh nam chorp, co‑dhiù bhios mi beò no marbh.

Oir thugadh dhuibh an t‑urram seo air sgàth Chrìosd, chan e a‑mhàin a bhith a' creidsinn ann, ach cuideachd a bhith a' fulang as a leth.