ข้อพระคัมภีร์ยอดนิยมจาก LUKAS 17

แบ่งปัน

Nakuami lako: Ke’de’moko ammu male: manassa kapatonganammumo umpatuoko.

Iake kasalanni lako kalemu pempitu lan sangallo, napempitu duka sae lako kalemu kumua: menassanmo’, la mupamasero duka kasalanna.

Denmi misa’ tinde tau, iatonna tiromi tu kalena mondomo, sulemi metamba-tamba umpudi Puang Matua. Malinguntu’mi tukku ma’kurre sumanga’ diong to’ lentekNa Yesu; iato tau iato, to Samaria.

Kanannangikomi kalemi! Ke kasalanni tu siulu’mu, pakilalai, iake menassanni pamaseroi kasalanna.

Ma’kadami Yesu Nakua: Tang sangpuloraka tau dipamaleke nasang? Naumbami tu kasera?

Nakuami Puang: Iake denni kapatonganammi moi pada lise’ sawi, ammi kua lako te kayu karato: Tilampi’ko, ammu tuo lan tasik, manassa la naturu’ tu kadammi.

Minda-minda morai ungkatirinnai penaanna, iamo la kapa’dean, na minda-minda la kapa’dean penaanna, iamo la napotuo.

Nakua Yesu lako anak gurunNa: Manassa tae’ nasalai tang bu’tu tu untumangna tau, apa upu’ allona tu to umpasaei. Iake susinna naditoke’i batu parandangan tu barokona, nadipembuangan tama tasik, melo sia ia lako kalena to na iake untumangi misa’ te to baitti’!

Umba-umba nakua tu mangkannamo dadi tonna Nuh, la susi dukato, to ke Anak rampan dilino: Kumande-mande bang tu tau sia mangiru’ sia kebaine sia dipakemuane sae lako allo katamanna Nuh tama lembang nasae uai saba’ ussabu’i sola nasang.