ข้อพระคัมภีร์ยอดนิยมจาก Maliko 7

แบ่งปัน

Nguno ū mu ngholó ya ng'wa munhū, gakafumaga mo maganiko mabi, būjingi, wibi, būbūlagi, būshihani, kwikūmva kwabūbi, būbi, būlomolomo, kalolele ka malofu, wilu, būsondagūji, wikumīlīja, būchilū-chilū. Ī yose ī yabūbi yenīyī īkafumaga mu gatī ya ng'wa munhū yansosohaja.”

Shitīho shose-shose īsho shilī hanze ya ng'wa munhū īsho shidūgije kūnsosohaja ūlū shūng'wingīla, alīyo īsho shikanfumaga h'īsho shikansosohajaga. [

Nanghwe ūbawīla, “Bing'we bibeeleja, ū Isaya akatūngīlīja ū kūmuhangīla, ūmo yandīkīlilwe gīkī, ‘A banhū aba banikūgije bo ha nomo dūhū, alīyo ī ngholó jabo jilī kūle nū nene.

Bakanilamyaga dalali, kūnū būlanga malange ga kūlagīlwa na banhū.’

A bing'we h'abo mushilekile ī shilagīlo sha ng'wa Mulungu kūlwa kūdima shīmīle sha banhū!”