ข้อพระคัมภีร์ยอดนิยมจาก Zon tokbaut Zizas 1

แบ่งปัน

Bat po ebridem pipol uda i bin teke em insaid lo at ane i mata bilib wea neim blo em, wa, em i go gibe dempla da rait po kam ol pikinini blo God.

Longtaim bipotaim, bipo God i bin meke da wold i bin gad da Mesiz. Da Mesiz i bin Zizas. Da Mesiz i bin mata stap klostu wea God ane dat Mesiz i bin God.

Dat lait nau i mata laitap midel wea dak bikoz em i gad mo paua. Ane dat dak paua i nogad no paua po aute dat lait.

Wa, da Mesiz i bin kam man ane stap ya midel wea yumpla lo wold. Ane mipla i bin luk lo ai wiswei da truglori, da sainilait blo da boi blo God. Ane da spesilpeiba ane da truwei blo dat mata wan boi blo PapaGod i bin wantaim stap wea yumpla.

God i bin meke ebriting tru da Mesiz. Ip i no bin gad da Mesiz, den God i no bin meke eni demting wea em i bin mekem. Prom da Mesiz nau, i gibe laip ane dat laip nau i lait blo ebri pipol blo wold.

Da dei apta diswan, Zon i bin luk Zizas i bin wagbaut kam po em. Zon i bin spik, ‘Ei, luk uda ya kam. Da Smolsip blo God uda i tekemaut ol sin prom ebri pipol.

Dat man wea i bin gad da trulait, i bin ya wea dis wold ane God i bin meke ebriting blo dis wold prom laip blo dat man. Bat ebri pipol ya prapa no bin sabe uda em. Em i bin kam po ebri pipol blo em, ane em gad seimkain blad wase dempla. Bat ebridem pipol blo em, i no bin wande em.

Dat man, uda i dat trulait wea i go kam bambai po dis wold, i go laitap laip blo ebriwan wea lait.

Dem lo blo God i bin gibem po Mozes po yumpla. Bat spesilpeiba blo God ane trutok baut God i bin kam tru laip blo Zizas Kraist.