ข้อพระคัมภีร์ยอดนิยมจาก Mateusi 11

แบ่งปัน

E'i jẽ Jesu: – Pãnakõ ipowyijay mã'ẽ vo 'ejẽ peikoa peupe. Peaivaray wete ee. Ajawyi, pejo ekoty pekane'õyo rõmõ, a'e pejẽ, e'i.

Mãerã erupi tapeiko. Oromotekokuwavaytà ãmẽ. Ikatua rupi aiko mã'ẽ tè ije. Noporoerõarõi mã'ẽ tè ije. Poropãtavõ gatutà. Poropy'amopiryvypy katutà tè ky'y.

Niwasu'ãi tekoua ãmẽ pejẽ, erekoa rupi peiko remẽ. Ãwitõ pãnakõ ivevujay mã'ẽ niwaypei jaupi ipi, ãwĩvotà, e'i Jesu.

Ãmẽ ajaire kee e'i wemimo'ekwerà kõ pè: – Pirujẽ Papa ome'ẽ epo pè, eayvukasiay rõmõ taiko, e'i. Wekoa ve omojikuwaokapa teve eupe. A'e kõrijõ tè ekuwa katu Wa'yry rõmõ ipi, e'i. Ãwĩvo ve ije rõmõ'ĩte akuwa katu Papa, Ta'yry rõmõ. Ãmõ, amojikuwaoka ijupe mãe kõ ve okuwa ky'y, e'i.

Ãmẽ aepo e'i kupa remẽ, e'i Jesu ijupe kõ: – Manyvo nyvo jẽ aiko mã'ẽ rè pemã'ẽma. Pekwa awi peneminuwerà momewa Juwão pè. Ãmõ, penemisakwerà pemome'u ijupe. Emã'ẽ. Naeapyoi maekwerà eapyo ky'y. Ãmõ, etãmã jeapa maekwerà watapa ky'y. Ãmõ, itekorãnay ipisĩsĩma maekwerà kõ ikatupa. Ipisukyrĩ tesõ kupa ky'y. Ãmõ, nijapyai maekwerà kõ ijapya katu ky'y. Ãmõ, okãjã maekwerà kõ opoerapa mijẽ. Ãmõ, nimoma'ei mãe kõ pè Janejare'e ayvu e'eay ojenu okwa.

Tapeenu katu ikõ eayvu nẽ rõnõ, e'i.