ข้อพระคัมภีร์ยอดนิยมจาก YOHANES 17

แบ่งปัน

Jian Ke' maneu' réh anah Ko' mu'un neu' ha' tebaraa' Ko' éh teneng.

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

Bé' Ku' sebayang tong irah iteu' awah, bang Akeu' sebayang kepéh tong kekat kelunan éh omok ngelan tong Akeu' neu' ha' tebaraa' éh benara' irah iteu'. Akeu' sebayang dokoo' irah béé omok pekua' kenin. O Amam, jian irah pu'un petem dalem Tuah, barei' Ka'au pu'un dalem Akeu', ngan Akeu' pu'un dalem Ka'au. Jian irah pu'un pekua' kenin dokoo' kelunan tong tana' iteu' omok ngelan Ka'au nyohoo' Akeu' tuai.

Bé' Akeu' nyohoo' Ke' pepiso réh jin tana' iteu', bang Akeu' menyat Ke' mihau réh jin iah éh sa'at.

Kekat pengaren éh nena' Ko' ngan Ké', Akeu' mena' éh kepéh ngan réh, dokoo' irah omok pekua' kenin barei' Tuah iteu'. Akeu' dalem irah ngan Ka'au dalem Akeu', dokoo' réh béé omok pekua' kenin, dokoo' kekat kelunan tong tana' iteu' omok jam Ka'au éh nyohoo' Akeu' tuai ngan ke' réh jam kepéh Ka'au murung réh barei' Ke' murung Akeu'.