The Ateso Bible

Ebaibuli 2012 (Drama NT)

<div class="version vid436 iso6393teo" data-vid="436" data-iso6393="teo">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="p"> 1 # 
 Mat 27:2,11-31; Mk 15:1-20; Yok 18:28&#8211;19:16. Konyou atukot kere, koya&#331;aasi Yesu mama ejai Pilato. #Luk 20:25. 2Kogeutu aosan, kotemasi atiar, &#8220;Kianyu lo itapaari atekerekosi, ka aite&#331;er itu&#331;a ainanakin Kaisar esolo, ebala ebe &#331;es elopet erai Kristo ekabaka.&#8221; 3#1 Tim 6:13. Ki&#331;it Pilato &#331;es ebe, &#8220;Irai kereka ijo ekabaka loka Iyudayan?&#8221; Kobo&#331;ok ebe, &#8220;Ijo ibala.&#8221; 4Kobala Pilato isasedotin lupeti ka ikodeta ebe, &#8220;Mam aanyunit akirot naerono kotu&#331;anan kalo.&#8221; 5Konye kiketakis kesi noi, kobalas ebe, &#8220;Isidiki itu&#331;a, isisianakini kotoma Yudaya kere, ameun koGalilaya kiton ne da.&#8221;</div><div class="p"> 6Kiira Pilato &#331;un, ki&#331;it arai erai etu&#331;anan &#331;ol Egalilayat. 7#Luk 3:1. Nakejenu ebe erai eyaitono loka Kerode, kijuka &#331;es mama ejai Kerode, naarai kejai &#331;esi da Yerusalem kapaarasia ka&#331;un, 8#Luk 9:9. Kosodi napekeanyu Kerode Yesu, kiyalamikin noi, naarai abu kokoto lem aanyun &#331;es, naarai abu kiiranar akekiro, komuno aanyun aanyunet naiswamai. 9Ki&#331;iri&#331;it &#331;es kakiro nuipu; konye &#331;es mam ebo&#331;okino amodiokirot. 10Kobwaata isasedotin lupeti ka ikewadikak, kiwosata &#331;es kakiro nuipu. 11Kosodete Kerode nepepe kikeserikalei kowena Yesu, koboliatar; kitanapata anapito naibus, kinyakas mama ejai Pilato. 12Kosodi kapaaran ka&#331;in kominunos do Kerode ka Pilato, naarai kekolosi lem.</div><div class="p"> 13Kosodi kotukonok Pilato isasedotin lupeti ka ikayaitok ka itu&#331;a, 14kotema kes atiar, &#8220;Kiinut etu&#331;anan lo kwape loitapaari itu&#331;a, eo&#331; da e&#331;itana &#331;es kakonyenekus, ido koany, mam abu kaany amodiodiakaret kotoma akiro &#331;un kere nuiwosatotor &#331;es. 15Karaida Kerode, naarai enyaku &#331;es mamawok. Aso koany, emamei akirot kere naeswamat naibusakinit atwania; 16kanuka &#331;un alecori &#331;es kasodi aosikin.&#8221; [ 17Kibusakinit &#331;es aosikin kes ediopet kopucit.]</div><div class="p"> 18Konye kiworoto kere nepepe ebe, &#8220;Koya&#331;a lo, koosik sio Baraba.&#8221; 19Kerai &#331;esi etu&#331;anan lokeenitai kanuka aipaliikin kotoma ore, ka aiar da, 20Kosodi kiner Pilato kakes bobo, kokoto aosikin Yesu; 21konye kiworoto ebe, &#8220;Kibubuk, kibubuk baa!&#8221; 22Kolimok irwan nakiwuniet ebe, &#8220;Kanukinyo, naanyoin aronis naeswamat lo? Mam aanyunit kamake&#331; adiokirot naibusakinit atwania; kanuka &#331;un alecori &#331;es kasodi aosikin.&#8221; 23Konye kes kiketakis, kilipa kiporotoi luepolok ebe ibusakinit &#331;es aibubukinio. Kipikosi iporotoikec. 24Kotub Pilato kwape e&#331;ai&#331;aitotor. 25Koosik etu&#331;anan lokeenitai kanuka aipaliikin ka aiar, lokilipete; konye koinak Yesu aiswamakinio kwape kekototor.</div><div class="p"> 26 # 
 Mat 27:32; Mk 15:21. Nakeya&#331;ariata &#331;es, kikamut Simon loka Kurene, lokebuni kamanat, kisirio&#331;a emusalaba, arionit atupitor Yesu, 27Kotupite ekodet loepol loka itu&#331;a, ka a&#331;or da nukedipidipeete atorobusio ibworosi &#331;es. 28Konye kibelokin Yesu kobala ebe, &#8220;Yes apesur nuko Yerusalem, sirikiimonyata eo&#331;, konye komonya akulepek, ka ikusidwe. 29#Luk 21:23. Naarai koany, epote apaarasia nuetemariata atiar, &#8216;Isirere&#331;itoi arakanin, ka aliligeta numam eurito, ka ikisin da lumam itanakito!&#8217; 30#Kos 10:8; Apu 6:16; 9:6. Kanen egeunete kesi alimokin iro&#331;an ebe, &#8216;Kibirunos mamakosi&#8217;; ka iukon da ebe, &#8216;Koraparai&#8217;. 31#1 Pet 4:17. Naarai arai kiswamata nu kokitoi loepalal, ikonakinete bo do ai kaloeonit?&#8221;</div><div class="p"> 32Koya&#331;aasi ice da iarei, ikeswamak nueroko, aario nenipe ka&#331;es, 33#Mat 27:33-56; Mk 15:22-41; Yok 19:17-30. Nakedolioto aibois naenyaritai Abelekek naka Akou, kibubukis &#331;es nen, ka kwi ikeswamak nueroko, ediopet akanike nakoteten, ka ediopet da akanike nakokediany. 34#Sab 22:18; Mat 5:44; Isa 53:12. Kotema Yesu atiar, &#8220;Papa, kisioni kes; naarai mam ejenete nuiswamaete.&#8221; Kokorokorata ikenapen kailamilam eroet. 35#Sab 22:7. Kobwoete itu&#331;a esesenete; konye ikayaitok koinyanakinete kobalas ebe, &#8220;Etajari lem ice; kitaiarun &#331;es elopet, arai erai kito Kristo loka Edeke, Loseunake!&#8221; 36#Sab 69:21. Kokienatar iserikalei da, koloto koinutu &#331;es ebino loedwar ria; 37kobalas ebe, &#8220;Arai irai cani Ekabaka loka lyudayan, kitaiarun jo elopet!&#8221; 38Kujuke da kojai aiwadikaet ebe, &#8220;LO &#330;ES EKABAKA LOKA IYUAYAN.&#8221;</div><div class="p"> 39Ediopet ka ikeswamak nueroko lukikajakinitai koluik &#331;es kobala ebe, &#8220;Mere ijo Kristo? Kitaiarun bon ka sio da!&#8221; 40Kobo&#331;ok loce kitoron ebe, &#8220;Mam jo iyonit Edeke, naarai ijai ijo toma atubokinio napena? 41Erai na nakabeit kamawok; naarai kitacakinio nukibusakinito kanuka aswamisiowok; konye lo mam iswamat adiokirot naerono.&#8221; 42#Mat 16:28. Kotema atiar, &#8220;Wu Yesu, kiitunoi eo&#331; nailomaria toma ajakanutukon.&#8221; 43Kotema &#331;es atiar, &#8220;Abeit katemari jo atiar, lolo ijaun nepepe keo&#331; Paradais#23:43 Paradais &#331;es loka Edeke..&#8221;</div><div class="p"> 44 # 
 Amo 8:9. Kedol bala esawa lokikanyetekape, komutonor akwap kere kiton osawa lokikanyetekao&#331;on. 45#Any 26:31-33; 36:35; Amo 9:1. Komamu aica naka akolo&#331;; kocila aigalisit naka aibois nakalaunan kaarei. 46#Sab 31:5; Asw 7:59. Kodelo Yesu keporoto loepol ebe, &#8220;Wu Papa, ebwaikini ekamoyo akaninikon.&#8221; Kedau einer &#331;un, kiridak. 47Keanyu ekapolokiton nuadoikis, kitur Edeke, kobala ebe, &#8220;Abeit kerai etu&#331;anan lo loedolit.&#8221; 48Ikodeta da kere luatukokina aanyun &#331;un, keanyutu nuadoikis, kobo&#331;osi ore edipidipeete atorobusio. 49#Luk 8:2-3; Sab 38:11; 88:8. Kere da lukejenete &#331;es, ka a&#331;or nuketupito &#331;es anyoun koGalilaya, kobwoete kama elwanikina, esesenete akiro &#331;un.</div><div class="p"> 50 # 
 Mat 27:57-61; Mk 15:42-47; Yok 19:38-42. Ido koany, kojai etu&#331;anan ekekiror Yosep, lokerai lokaurianet, etu&#331;anan loejok loedolit da. 51#Luk 2:25,38. (Mam &#331;es acamunit ainerunikec ka aswamisioitikec da.) Kerai &#331;esi loka Arimataya, ere ediopet loka Iyudayan, edaret &#331;esi ajakanut naka Edeke. 52Kolot &#331;ol mama ejai Pilato, kilip akuan naka Yesu. 53Kolacu, konunukik ogoe loka ebaputa, kiperik ates nakikeitoi atiiba, namam lem kiperikinitoi idiotu&#331;anan. 54Kerai apaaran naka Aitemonokin, koapie asabato ageun. 55Kotupito a&#331;or nukepote ka&#331;es koGalilaya, koanyutu ates, ka epone lokiperikinere akekuan. 56#Any 12:16; 20:10; Ikis 5:14; Leb 23:8. Kobo&#331;osi kitemonokis lueuru maa ka akinyet.</div>
 </div>
 </div>
</div>

Ateso Old Version Bible © United Bible Societies, 1961.

Konyou atukot kere, koyaŋaasi Yesu mama ejai Pilato. Kogeutu aosan, kotemasi atiar, “Kianyu lo itapaari atekerekosi, ka aiteŋer ituŋa ainanakin Kaisar esolo, ebala ebe ŋes elopet erai Kristo ekabaka.” Kiŋit Pilato ŋes ebe, “Irai kereka ijo ekabaka loka Iyudayan?” Koboŋok ebe, “Ijo ibala.” Kobala Pilato isasedotin lupeti ka ikodeta ebe, “Mam aanyunit akirot naerono kotuŋanan kalo.” Konye kiketakis kesi noi, kobalas ebe, “Isidiki ituŋa, isisianakini kotoma Yudaya kere, ameun koGalilaya kiton ne da.”
Kiira Pilato ŋun, kiŋit arai erai etuŋanan ŋol Egalilayat. Nakejenu ebe erai eyaitono loka Kerode, kijuka ŋes mama ejai Kerode, naarai kejai ŋesi da Yerusalem kapaarasia kaŋun, Kosodi napekeanyu Kerode Yesu, kiyalamikin noi, naarai abu kokoto lem aanyun ŋes, naarai abu kiiranar akekiro, komuno aanyun aanyunet naiswamai. Kiŋiriŋit ŋes kakiro nuipu; konye ŋes mam eboŋokino amodiokirot. Kobwaata isasedotin lupeti ka ikewadikak, kiwosata ŋes kakiro nuipu. Kosodete Kerode nepepe kikeserikalei kowena Yesu, koboliatar; kitanapata anapito naibus, kinyakas mama ejai Pilato. Kosodi kapaaran kaŋin kominunos do Kerode ka Pilato, naarai kekolosi lem.
Kosodi kotukonok Pilato isasedotin lupeti ka ikayaitok ka ituŋa, kotema kes atiar, “Kiinut etuŋanan lo kwape loitapaari ituŋa, eoŋ da eŋitana ŋes kakonyenekus, ido koany, mam abu kaany amodiodiakaret kotoma akiro ŋun kere nuiwosatotor ŋes. Karaida Kerode, naarai enyaku ŋes mamawok. Aso koany, emamei akirot kere naeswamat naibusakinit atwania; kanuka ŋun alecori ŋes kasodi aosikin.” [ Kibusakinit ŋes aosikin kes ediopet kopucit.]
Konye kiworoto kere nepepe ebe, “Koyaŋa lo, koosik sio Baraba.” Kerai ŋesi etuŋanan lokeenitai kanuka aipaliikin kotoma ore, ka aiar da, Kosodi kiner Pilato kakes bobo, kokoto aosikin Yesu; konye kiworoto ebe, “Kibubuk, kibubuk baa!” Kolimok irwan nakiwuniet ebe, “Kanukinyo, naanyoin aronis naeswamat lo? Mam aanyunit kamakeŋ adiokirot naibusakinit atwania; kanuka ŋun alecori ŋes kasodi aosikin.” Konye kes kiketakis, kilipa kiporotoi luepolok ebe ibusakinit ŋes aibubukinio. Kipikosi iporotoikec. Kotub Pilato kwape eŋaiŋaitotor. Koosik etuŋanan lokeenitai kanuka aipaliikin ka aiar, lokilipete; konye koinak Yesu aiswamakinio kwape kekototor.
Nakeyaŋariata ŋes, kikamut Simon loka Kurene, lokebuni kamanat, kisirioŋa emusalaba, arionit atupitor Yesu, Kotupite ekodet loepol loka ituŋa, ka aŋor da nukedipidipeete atorobusio ibworosi ŋes. Konye kibelokin Yesu kobala ebe, “Yes apesur nuko Yerusalem, sirikiimonyata eoŋ, konye komonya akulepek, ka ikusidwe. Naarai koany, epote apaarasia nuetemariata atiar, ‘Isirereŋitoi arakanin, ka aliligeta numam eurito, ka ikisin da lumam itanakito!’ Kanen egeunete kesi alimokin iroŋan ebe, ‘Kibirunos mamakosi’; ka iukon da ebe, ‘Koraparai’. Naarai arai kiswamata nu kokitoi loepalal, ikonakinete bo do ai kaloeonit?”
Koyaŋaasi ice da iarei, ikeswamak nueroko, aario nenipe kaŋes, Nakedolioto aibois naenyaritai Abelekek naka Akou, kibubukis ŋes nen, ka kwi ikeswamak nueroko, ediopet akanike nakoteten, ka ediopet da akanike nakokediany. Kotema Yesu atiar, “Papa, kisioni kes; naarai mam ejenete nuiswamaete.” Kokorokorata ikenapen kailamilam eroet. Kobwoete ituŋa esesenete; konye ikayaitok koinyanakinete kobalas ebe, “Etajari lem ice; kitaiarun ŋes elopet, arai erai kito Kristo loka Edeke, Loseunake!” Kokienatar iserikalei da, koloto koinutu ŋes ebino loedwar ria; kobalas ebe, “Arai irai cani Ekabaka loka lyudayan, kitaiarun jo elopet!” Kujuke da kojai aiwadikaet ebe, “LO ŊES EKABAKA LOKA IYUAYAN.”
Ediopet ka ikeswamak nueroko lukikajakinitai koluik ŋes kobala ebe, “Mere ijo Kristo? Kitaiarun bon ka sio da!” Koboŋok loce kitoron ebe, “Mam jo iyonit Edeke, naarai ijai ijo toma atubokinio napena? Erai na nakabeit kamawok; naarai kitacakinio nukibusakinito kanuka aswamisiowok; konye lo mam iswamat adiokirot naerono.” Kotema atiar, “Wu Yesu, kiitunoi eoŋ nailomaria toma ajakanutukon.” Kotema ŋes atiar, “Abeit katemari jo atiar, lolo ijaun nepepe keoŋ Paradais.”
Kedol bala esawa lokikanyetekape, komutonor akwap kere kiton osawa lokikanyetekaoŋon. Komamu aica naka akoloŋ; kocila aigalisit naka aibois nakalaunan kaarei. Kodelo Yesu keporoto loepol ebe, “Wu Papa, ebwaikini ekamoyo akaninikon.” Kedau einer ŋun, kiridak. Keanyu ekapolokiton nuadoikis, kitur Edeke, kobala ebe, “Abeit kerai etuŋanan lo loedolit.” Ikodeta da kere luatukokina aanyun ŋun, keanyutu nuadoikis, koboŋosi ore edipidipeete atorobusio. Kere da lukejenete ŋes, ka aŋor nuketupito ŋes anyoun koGalilaya, kobwoete kama elwanikina, esesenete akiro ŋun.
Ido koany, kojai etuŋanan ekekiror Yosep, lokerai lokaurianet, etuŋanan loejok loedolit da. (Mam ŋes acamunit ainerunikec ka aswamisioitikec da.) Kerai ŋesi loka Arimataya, ere ediopet loka Iyudayan, edaret ŋesi ajakanut naka Edeke. Kolot ŋol mama ejai Pilato, kilip akuan naka Yesu. Kolacu, konunukik ogoe loka ebaputa, kiperik ates nakikeitoi atiiba, namam lem kiperikinitoi idiotuŋanan. Kerai apaaran naka Aitemonokin, koapie asabato ageun. Kotupito aŋor nukepote kaŋes koGalilaya, koanyutu ates, ka epone lokiperikinere akekuan. Koboŋosi kitemonokis lueuru maa ka akinyet.

ฟัง Luka 23