If you would like a copy of this version please contact info@davaraudiobibles.org

The Matengo New Testament © The Word for the World. Matengo New Testament ℗ 2024, Davar Partners International.

Matengo New Testament

<div class="version vid3941 iso6393mgv" data-vid="3941" data-iso6393="mgv">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Yesu na alongu baki</div><div class="p"> 1Pagajomukiya ganiaga, Yesu jabia jakajendajenda mu Galilaya, ndaba ngasejapai kujenda ku Yudea ndaba aka kilongosi ba Ayaudi bapala kunkoma. 2Lisoba la tipati ga Ayaudi lukutama mwi indamba labia liegali, 3alongu baka Yesu bumpwajila, &#8220;Guboka pamba gujenda ku Yudea, ili banafunzi baku akagabona mahengu gaguhenga. 4Nga mundu jojuhiya majambu gajuhenga anajupala jumanyikana kwa bandu. Ndaba guhenga majambu ge haga nala ulilangia kwa bandu bupundema poti!&#8221; 5Hata akalongu baki ngasebunhobalile.</div><div class="p"> 6Yesu jaapwajila, &#8220;Kipindi sangu sekibii sapi ngasekihikike, lakini kwinu mwanganya ipindi yoti ya sapi. 7Bandu bupundema ngaawesi kunsuki mwanganya, ila anzuki nepani, ndaba nepani naapwagi mahengu gabu giliya. 8Mwanganya nnzendaniya ku tipati. Nepani nganyendi ku tipati, ndaba kipindi sangu saasapi sakona ngasekihikike.&#8221; 9Yesu pajajomula kwaapwagi ganiaga, jahigaliya ku Galilaya.</div><div class="s">Yesu jubii ku tipati gu kutama mwindamba</div><div class="p"> 10Alongu baki pababiya apiti ku tipati, Yesu najombi jajenda ahelahe, lakini jajenda sukulihiya bila kulilangi kwa bandu. 11Aka kilongosi ba Ayaudi babiya bukuntaputa mtipati, balalukiya, &#8220;Jubi kwako?&#8221;</div><div class="p"> 12Babiya atenda kubolane. Bangi bapwaaga, &#8220;Yesu mundu jwa amboni&#8221; Bangi bapwaaga, &#8220;Ngahela, ila jaakonga bandu.&#8221; 13Lakini ngamundu jojalenga kundongale pagwendu, ndaba jakaajogopa aka kilongosi ba Ayaudi.</div><div class="p"> 14Hata hela tipati egahika pikilanda, Yesu jajingala mu Nyumba jaka Sapanga nuku tumbuli kubola bandu. 15Aka kilongosi ba Ayaudi basangi bapwaaga, &#8220;Boo mundu ajo mabole haga jupatiki kwako najombi ngase bumbolike?&#8221;</div><div class="p"> 16Yesu jaapwagila, &#8220;Mabolee ga mola nga gango, ila gaka jola jojundumiki. 17Mundu najupai kuhenga gajupala Sapanga, jiimanya ana mabole gangu gahuma kwaka Sapanga, au gahuma kwangu namwete. 18Mundu jojupwa malobi gaki mweni pe jutaputa ulumbi waki mweni, ila jojutaputa ulumbi waka joantumiki, hoju julonge sakaka wala nkati jaki ngasejubii nu ubaja wokapi. 19Musa ngasejumpeki mwanganya Malagalaki? Lakini ngajumuwi jojukamulaki malagalaki jene. Boo, henu ndaba jakii mpala kungoma nenga?&#8221;</div><div class="p"> 20Bandu bala bapwaaga, &#8220;Wehapa gubii ni kilombu. Nya jojupala kugukoma weapa?&#8221;</div><div class="p"> 21Yesu japwaaga, &#8220;Nahengiki ndonduke jimu mwanganya ntenda kusangaa. 22Musa jumpekia Malagalaki gu kuseku jandu. Lakini Malagalaki gee haga ngasegahuma kwaka Musa ila kwaka aka ahoku bitu na mwanganya nseku jandu hata Lisoba lu Kupomulela. 23Ana mundu juwesa kunseku jandu mundu Lisoba lu Kupomulela ili Malagalaki gaka Musa giihalabika, boo ndaba ja kii nhyome nepani kundamisa mundu Lisoba lu Kupomulela? 24Nkotuka kutemu kukulingali kunza pee, ila ntemula ngati ejupala Sapanga.&#8221;</div><div class="s">Yesu ndi Kilisitu nkombose joantumiki Sapanga?</div><div class="p"> 25Henu, bandu bangi buku Yelusalemu bapwaaga, &#8220;Jonoju lee ngajobuntaputa ili bunkomaje? 26Linga! Ajo hapa julonge pagwendu, wala nga mundu joampwagi lilobi! Henu aka kilongosi amanyiki jonzo ndi Kilisitu nkombosi? 27Kilisitu pajihika nga mundu jojwimanya kojuhumila, lakini twepani tukumanyi kojuhumi mundu ajo.&#8221;</div><div class="p"> 28Henu Yesu pajwabiya jubola mu Nyumba jaka Sapanga, japwaga kwa sauti, &#8220;Ati mpwaga nepani mmanyi nakonhuma mukumanyi? Lakini nepani ngasenhikiki kupete uwesu wangu na mwete, ila jojundumiki ndi jwa sakaka. Mbanganya ngasemumanye, 29nepani nummanyiki ndaba nahuma kwaki najombi ndi jojundumiki.&#8221;</div><div class="p"> 30Ndienu bataputa kunkamu, lakini nga mundu jojalenga kunkamu ndaba saa jaki jabiya jakona ngasejihikike. 31Bandu bingi munsambi we gola batenda kunhobale bapwaaga, &#8220;Boo Kilisitu pajiihika jihenga nginyuli ngolongu ngani kupeta yejahenga ajojo?&#8221;</div><div class="s">Alonda baatuma kunkamu Yesu</div><div class="p"> 32Afalisayu bajowana bandu bakabolannya malobi gaka Yesu gala, ndi bombi pamu na agolu akolongu baatuma alonda babu ajenda bukunkamula. 33Yesu japwaaga, &#8220;Nepani nakona pamu numbanganya kukipindi kijipi ndienu nikelubuka kwaka jojundumiki. 34Mwindaputa wala ngamwimone, ndaba ngamwiwesi kuhika pandu panibiya.&#8221;</div><div class="p"> 35Alongosi ba Ayaudi balongalaniya beni na beni, &#8220;Mundu jonzo jijenda kwako twepani sangakuwesa kumbona? Boo jijenda ku misi ja Agiliki koahami Ayaudi na kwaabola Agiliki? 36Jubii na maana boo ejupwaaga, &#8216;Mwindaputa lakini ngamwimoni na panibiya mwanganya ngamwiwesi kuhika?&#8217; &#8221;</div><div class="s">Losi ya masi ga womi</div><div class="p"> 37Lisoba la mwisu la tipati gi indamba labiya lisoba likolongu. Yesu jajema nukupwaga kwa sauti ngolongu, &#8220;Mundu najubi na nywita, juhika kwangu jukunywa. 38Ngati Maandiku ga Sapi egapwaga, &#8216;Jojunhobale nepani, losi ya masi ga womi ginyika kuhuma nkati jaki.&#8217; &#8221; 39Yesu japwaaga haga kundongule Loho jaka Sapanga, bandu bala ba bunhobali jombi bitenda kunzopa. Kipindi se hesi Loho jaka Sapanga jabii ngasejihikike, ndaba Yesu jabiya jakoni ngasejujingi muukolongu waki.</div><div class="s">Kubaganika kwa bando</div><div class="p"> 40Ndipala nsambi wa bandu be bala pabajowana malobi gala bapwaaga, &#8220;Sakaka mundu jonzo ndi Mlota jwaka Sapanga jola.&#8221;</div><div class="p"> 41Bangi bapwaga, &#8220;Jonzo ndi Kilisitu nkombosi.&#8221;</div><div class="p">Bangi bapwaga, &#8220;Kilisitu lee juwesa kuhuma ku Galilaya? 42Maandiku ga Sapi lee ngasegapwajiki Kilisitu jisaliwa mukibeleku saka Nkolongu Daudi na musi uku Betelehemu, musi gola gojatama Daudi?&#8221; 43Ndipala bandu batenda kubaganika ndaba jaka Yesu. 44Bangi kati jabu bapala kunkamu, lakini nga mundu jojalenga kungusa.</div><div class="s">Akolongu ba Ayaudi ngase ahobale</div><div class="p"> 45Ndienu alonda bala bakelubuka kwa akolongu ba agolu na Afalisayu. Nabombi balalukiya alonda, &#8220;Boo, ndaba ja kii ngasemundetiki Yesu?&#8221;</div><div class="p"> 46Alonda bala bapwaga, &#8220;Ngasejubii mundu jojuwesa kulonge ngati ejulonge mundu jola!&#8221;</div><div class="p"> 47Afalisayu bapwaga, &#8220;Boo na mwanganya ahelahe jutei kunkonga? 48Boo nhwahiki lee kumbona kilongosi jokapi ja bandu au jumu jwa Afalisayu babunhobalela? 49Ngahela lakini nsambi wa bandu aba bangakumanya Malagalaki gaka Musa, apatiki yaambamba kuhuma kwaka Sapanga!&#8221;</div><div class="p"> 50Mfalisayu jumu jobunkema Nikodemu jojawahiki kunzende Yesu jaapwagila, 51&#8220;Kulengana na malagalaki gitu ngasetuwesa kuntemu mundu kabula jukunzone nukumanya gajuhenga.&#8221;</div><div class="p"> 52Nabombi bajibua, &#8220;Nawehapa lee ahelahela guhumi ku Galilaya? Henu ukasoma wamweti Maandiku ga Sapi na we wibona ngasejubii mlota waka Sapanga jojuhumi ku Galilaya.&#8221; 53Kila mundu jabuja ku nyumba jaki.</div>
 </div>
 </div>
</div>

Pagajomukiya ganiaga, Yesu jabia jakajendajenda mu Galilaya, ndaba ngasejapai kujenda ku Yudea ndaba aka kilongosi ba Ayaudi bapala kunkoma. Lisoba la tipati ga Ayaudi lukutama mwi indamba labia liegali, alongu baka Yesu bumpwajila, “Guboka pamba gujenda ku Yudea, ili banafunzi baku akagabona mahengu gaguhenga. Nga mundu jojuhiya majambu gajuhenga anajupala jumanyikana kwa bandu. Ndaba guhenga majambu ge haga nala ulilangia kwa bandu bupundema poti!” Hata akalongu baki ngasebunhobalile.
Yesu jaapwajila, “Kipindi sangu sekibii sapi ngasekihikike, lakini kwinu mwanganya ipindi yoti ya sapi. Bandu bupundema ngaawesi kunsuki mwanganya, ila anzuki nepani, ndaba nepani naapwagi mahengu gabu giliya. Mwanganya nnzendaniya ku tipati. Nepani nganyendi ku tipati, ndaba kipindi sangu saasapi sakona ngasekihikike.” Yesu pajajomula kwaapwagi ganiaga, jahigaliya ku Galilaya.

Alongu baki pababiya apiti ku tipati, Yesu najombi jajenda ahelahe, lakini jajenda sukulihiya bila kulilangi kwa bandu. Aka kilongosi ba Ayaudi babiya bukuntaputa mtipati, balalukiya, “Jubi kwako?”
Babiya atenda kubolane. Bangi bapwaaga, “Yesu mundu jwa amboni” Bangi bapwaaga, “Ngahela, ila jaakonga bandu.” Lakini ngamundu jojalenga kundongale pagwendu, ndaba jakaajogopa aka kilongosi ba Ayaudi.
Hata hela tipati egahika pikilanda, Yesu jajingala mu Nyumba jaka Sapanga nuku tumbuli kubola bandu. Aka kilongosi ba Ayaudi basangi bapwaaga, “Boo mundu ajo mabole haga jupatiki kwako najombi ngase bumbolike?”
Yesu jaapwagila, “Mabolee ga mola nga gango, ila gaka jola jojundumiki. Mundu najupai kuhenga gajupala Sapanga, jiimanya ana mabole gangu gahuma kwaka Sapanga, au gahuma kwangu namwete. Mundu jojupwa malobi gaki mweni pe jutaputa ulumbi waki mweni, ila jojutaputa ulumbi waka joantumiki, hoju julonge sakaka wala nkati jaki ngasejubii nu ubaja wokapi. Musa ngasejumpeki mwanganya Malagalaki? Lakini ngajumuwi jojukamulaki malagalaki jene. Boo, henu ndaba jakii mpala kungoma nenga?”
Bandu bala bapwaaga, “Wehapa gubii ni kilombu. Nya jojupala kugukoma weapa?”
Yesu japwaaga, “Nahengiki ndonduke jimu mwanganya ntenda kusangaa. Musa jumpekia Malagalaki gu kuseku jandu. Lakini Malagalaki gee haga ngasegahuma kwaka Musa ila kwaka aka ahoku bitu na mwanganya nseku jandu hata Lisoba lu Kupomulela. Ana mundu juwesa kunseku jandu mundu Lisoba lu Kupomulela ili Malagalaki gaka Musa giihalabika, boo ndaba ja kii nhyome nepani kundamisa mundu Lisoba lu Kupomulela? Nkotuka kutemu kukulingali kunza pee, ila ntemula ngati ejupala Sapanga.”

Henu, bandu bangi buku Yelusalemu bapwaaga, “Jonoju lee ngajobuntaputa ili bunkomaje? Linga! Ajo hapa julonge pagwendu, wala nga mundu joampwagi lilobi! Henu aka kilongosi amanyiki jonzo ndi Kilisitu nkombosi? Kilisitu pajihika nga mundu jojwimanya kojuhumila, lakini twepani tukumanyi kojuhumi mundu ajo.”
Henu Yesu pajwabiya jubola mu Nyumba jaka Sapanga, japwaga kwa sauti, “Ati mpwaga nepani mmanyi nakonhuma mukumanyi? Lakini nepani ngasenhikiki kupete uwesu wangu na mwete, ila jojundumiki ndi jwa sakaka. Mbanganya ngasemumanye, nepani nummanyiki ndaba nahuma kwaki najombi ndi jojundumiki.”
Ndienu bataputa kunkamu, lakini nga mundu jojalenga kunkamu ndaba saa jaki jabiya jakona ngasejihikike. Bandu bingi munsambi we gola batenda kunhobale bapwaaga, “Boo Kilisitu pajiihika jihenga nginyuli ngolongu ngani kupeta yejahenga ajojo?”

Afalisayu bajowana bandu bakabolannya malobi gaka Yesu gala, ndi bombi pamu na agolu akolongu baatuma alonda babu ajenda bukunkamula. Yesu japwaaga, “Nepani nakona pamu numbanganya kukipindi kijipi ndienu nikelubuka kwaka jojundumiki. Mwindaputa wala ngamwimone, ndaba ngamwiwesi kuhika pandu panibiya.”
Alongosi ba Ayaudi balongalaniya beni na beni, “Mundu jonzo jijenda kwako twepani sangakuwesa kumbona? Boo jijenda ku misi ja Agiliki koahami Ayaudi na kwaabola Agiliki? Jubii na maana boo ejupwaaga, ‘Mwindaputa lakini ngamwimoni na panibiya mwanganya ngamwiwesi kuhika?’ ”

Lisoba la mwisu la tipati gi indamba labiya lisoba likolongu. Yesu jajema nukupwaga kwa sauti ngolongu, “Mundu najubi na nywita, juhika kwangu jukunywa. Ngati Maandiku ga Sapi egapwaga, ‘Jojunhobale nepani, losi ya masi ga womi ginyika kuhuma nkati jaki.’ ” Yesu japwaaga haga kundongule Loho jaka Sapanga, bandu bala ba bunhobali jombi bitenda kunzopa. Kipindi se hesi Loho jaka Sapanga jabii ngasejihikike, ndaba Yesu jabiya jakoni ngasejujingi muukolongu waki.

Ndipala nsambi wa bandu be bala pabajowana malobi gala bapwaaga, “Sakaka mundu jonzo ndi Mlota jwaka Sapanga jola.”
Bangi bapwaga, “Jonzo ndi Kilisitu nkombosi.”
Bangi bapwaga, “Kilisitu lee juwesa kuhuma ku Galilaya? Maandiku ga Sapi lee ngasegapwajiki Kilisitu jisaliwa mukibeleku saka Nkolongu Daudi na musi uku Betelehemu, musi gola gojatama Daudi?” Ndipala bandu batenda kubaganika ndaba jaka Yesu. Bangi kati jabu bapala kunkamu, lakini nga mundu jojalenga kungusa.

Ndienu alonda bala bakelubuka kwa akolongu ba agolu na Afalisayu. Nabombi balalukiya alonda, “Boo, ndaba ja kii ngasemundetiki Yesu?”
Alonda bala bapwaga, “Ngasejubii mundu jojuwesa kulonge ngati ejulonge mundu jola!”
Afalisayu bapwaga, “Boo na mwanganya ahelahe jutei kunkonga? Boo nhwahiki lee kumbona kilongosi jokapi ja bandu au jumu jwa Afalisayu babunhobalela? Ngahela lakini nsambi wa bandu aba bangakumanya Malagalaki gaka Musa, apatiki yaambamba kuhuma kwaka Sapanga!”
Mfalisayu jumu jobunkema Nikodemu jojawahiki kunzende Yesu jaapwagila, “Kulengana na malagalaki gitu ngasetuwesa kuntemu mundu kabula jukunzone nukumanya gajuhenga.”
Nabombi bajibua, “Nawehapa lee ahelahela guhumi ku Galilaya? Henu ukasoma wamweti Maandiku ga Sapi na we wibona ngasejubii mlota waka Sapanga jojuhumi ku Galilaya.” Kila mundu jabuja ku nyumba jaki.

ฟัง Yohana 7