Krung: ផាប់ គ្រែដៃ (New Testament+)

ផាប់ គ្រែដៃ

នែ ឡើយ ព្រតយ ម៉ាត់ កួន ចូវ អដាម។ ទឹង តង៉ៃ គ្រែដៃ ឡា ពឝ៉ើត បនិះ អ៊ែ គ្រែដៃ ពឝ៉ើត អាំ ហ ត្រ ប៉ាគ់ ឝុន ឌី យ៉ាគ់ គ្រែដៃ ពទឺ
ទឹង តង៉ៃ គ្រែដៃ ឡា ពឝ៉ើត មែ អ៊ែ ហ កគ់ ពឝ៉ើត មែ ហ្នដឹប កឡ ហ្នដឹប កទ្រី ដូវ អ៊ែ ហ ពដាយ មែ ហ្នដឹប ជុ ម៉ាត់ មែ រៀន «បនិះ»។ 
អ៊ែ អដាម ហ ណាគ់ ញិវ មូយ ក្លាំ ពែ ជិត កម៉ ឡើយ អ៊ែ ហ ពឝ៉ើត កួន កឡ មូយ ត្រ ប៉ាគ់ ឝុន ហ កឡឹ ហ តៃ ប៉ាគ់ ចាក់ ហ កឡឹ អ៊ែ ហ ជុ ម៉ាត់ រៀន «ស៊ែត»។  ដូវ ស៊ែត ឡា កើត អ៊ែ អ៊ែ អដាម ណាគ់ ញិវ ថាម ក្លាំ កម៉ ឋាវ្គ ហ្នដឹប ហ ពឝ៉ើត កួន កឡ កួន កទ្រី ឍឺៗ ឋាវ្គ។  អញុ អដាម លែក អ៊ែ ដូវ ជែន ក្លាំ ពែ ជិត កម៉ ដូវ អ៊ែ ឡើយ ហ គែត។ 
ស៊ែត អញុ ហ មូយ ក្លាំ សើង កម៉ ឡើយ អ៊ែ ហ ពឝ៉ើត កួន កឡ មូយ ម៉ាត់ ហ អ៊ីណុស។  តើម ពឹង កួន ហ អ៊ីណុស ឡា កើត អ៊ែ ស៊ែត ណាគ់ ញិវ ដូវ ថាម ក្លាំ ប៉ឹះ កម៉ ឋាវ្គ វ៉ា ហ្នដឹប ហ ពឝ៉ើត កួន កទ្រី កួន កឡ ឍឺៗ ឋាវ្គ។  អញុ ស៊ែត លែក អ៊ែ ដូវ ជែន ក្លាំ ជិត បារ កម៉ ដូវ អ៊ែ ឡើយ ហ គែត។ 
អ៊ីណុស អញុ ហ ជែន ជិត កម៉ ឡើយ អ៊ែ ហ ពឝ៉ើត កួន កឡ មូយ ម៉ាត់ ហ គីណន។  តើម ពឹង កួន ហ គីណន ឡា កើត អ៊ែ អ៊ីណុស ណាគ់ ញិវ ដូវ ថាម ក្លាំ ជិត សើង កម៉ ឋាវ្គ ហ្នដឹប ពឝ៉ើត ដូវ កួន កទ្រី កួន កឡ ឍឺៗ ឋាវ្គ។  អញុ អ៊ីណុស លែក អ៊ែ ដូវ ជែន ក្លាំ សើង កម៉ ដូវ អ៊ែ ឡើយ ហ គែត។ 
គីណន អញុ ហ ប៉ឹះ ជិត កម៉ ឡើយ អ៊ែ ហ ពឝ៉ើត កួន កឡ មូយ ម៉ាត់ ហ ម៉ាលែលៀល។  តើម ពឹង កួន ហ ម៉ាលែលៀល ឡា កើត អ៊ែ គីណន ណាគ់ ញិវ ដូវ ថាម ក្លាំ ពួន ជិត កម៉ ឋាវ្គ ហ្នដឹប ហ ពឝ៉ើត ដូវ កួន កទ្រី កួន កឡ ឍឺៗ ឋាវ្គ។  អញុ គីណន លែក អ៊ែ ដូវ ជែន ក្លាំ ជិត កម៉ ដូវ អ៊ែ ឡើយ ហ គែត។ 
ម៉ាលែលៀល អញុ ហ ត្រូវ ជិត សើង កម៉ ឡើយ អ៊ែ ហ ពឝ៉ើត កួន កឡ មូយ ម៉ាត់ ហ យ៉ារែត។  តើម ពឹង កួន ហ យ៉ារែត ឡា កើត អ៊ែ ម៉ាលែលៀល ណាគ់ ញិវ ដូវ ថាម ក្លាំ ពែ ជិត កម៉ ឋាវ្គ ហ្នដឹប ហ ពឝ៉ើត កួន កទ្រី កួន កឡ ឍឺៗ ឋាវ្គ។  អញុ ម៉ាលែលៀល លែក អ៊ែ ដូវ ថាម ក្លាំ ជែន ជិត សើង កម៉ ដូវ អ៊ែ ឡើយ ហ គែត។ 
យ៉ារែត អញុ ហ មូយ ក្លាំ ត្រូវ ជិត បារ កម៉ ឡើយ អ៊ែ ហ ពឝ៉ើត កួន កឡ មូយ ម៉ាត់ ហ ហ៊ីណុក។  តើម ពឹង កួន ហ ហ៊ីណុក ឡា កើត អ៊ែ យ៉ារែត ណាគ់ ញិវ ដូវ ថាម ក្លាំ កម៉ ឋាវ្គ ហ្នដឹប ហ ពឝ៉ើត កួន កទ្រី កួន កឡ ឍឺៗ ឋាវ្គ។  អញុ យ៉ារែត លែក អ៊ែ ដូវ ជែន ក្លាំ ត្រូវ ជិត បារ កម៉ ដូវ អ៊ែ ឡើយ ហ គែត។ 
ហ៊ីណុក អញុ ហ ត្រូវ ជិត សើង កម៉ ឡើយ អ៊ែ ហ ពឝ៉ើត កួន កឡ មូយ ម៉ាត់ ហ ម៉ូធូសាឡា។  តើម ពឹង កួន ហ ម៉ូធូសាឡា ឡា កើត អ៊ែ ហ៊ីណុក កគ់ ដក់ តូយ ទ្រូង គ្រែដៃ ពែ ក្លាំ កម៉ ហ្នដឹប ពឝ៉ើត កួន កទ្រី កួន កឡ ឍឺៗ ឋាវ្គ។  អញុ ហ៊ីណុក លែក អ៊ែ ដូវ ពែ ក្លាំ ត្រូវ ជិត សើង កម៉។  ហ៊ីណុក ហ ដក់ តូយ ទ្រូង គ្រែដៃ ហ តា ណាគ់ ទឹ នែ អ៊ឺម យ៉ាវ ឌីខង គ្រែដៃ ពឌឹក ហ ឡើយ។ 
ម៉ូធូសាឡា អញុ ហ មូយ ក្លាំ ថាម ជិត ប៉ឹះ កម៉ ឡើយ អ៊ែ ហ ពឝ៉ើត កួន កឡ មូយ ម៉ាត់ ហ ឡាមីក។  តើម ពឹង កួន ហ ឡាមីក ឡា កើត អ៊ែ ម៉ូធូសាឡា ណាគ់ ញិវ ដូវ ប៉ឹះ ក្លាំ ថាម ជិត បារ កម៉ ឋាវ្គ ហ្នដឹប ហ ពឝ៉ើត កួន កទ្រី កួន កឡ ឍឺៗ ឋាវ្គ។  អញុ ម៉ូធូសាឡា លែក អ៊ែ ដូវ ជែន ក្លាំ ត្រូវ ជិត ជែន កម៉ ដូវ អ៊ែ ឡើយ ហ គែត។ 
ឡាមីក អញុ ហ មូយ ក្លាំ ថាម ជិត បារ កម៉ ឡើយ អ៊ែ ហ ពឝ៉ើត កួន កឡ មូយ ហ ជុ ម៉ាត់ កួន ហ អ៊ែ «ណូអ៊ែ» ឌីខង ហ រៀន៖ «កួន នែ ម៉ា ពហូក ប៊ុត បាក កនុង កាន ង៉ាយ ឡា ពពឹត បបើម សបះ ប៉ាប ញ៉ន យ៉ាគ់ គ្រែដៃ យយ៉វ តអាំ ពដិះ ពឝ៉ើត ដណាំ ដណូយ ប៊ូត ចិះ អើន យ៉ាវ»។  តើម ពឹង កួន ហ ណូអ៊ែ ឡា កើត អ៊ែ អ៊ែ ឡាមីក ណាគ់ ញិវ ដូវ សើង ក្លាំ ជែន ជិត សើង កម៉ ឋាវ្គ ហ្នដឹប ហ ពឝ៉ើត កួន កទ្រី កួន កឡ ឍឺៗ ឋាវ្គ។  អញុ ឡាមីក លែក អ៊ែ ដូវ ប៉ឹះ ក្លាំ ប៉ឹះ ជិត ប៉ឹះ កម៉ ដូវ អ៊ែ ឡើយ ហ គែត។ 
ចនែក ណូអ៊ែ នែ ហ ប៊ិច អញុ សើង ក្លាំ កម៉ ឡើយ អ៊ែ ហ ប៊ិច កួន កឡ ពែ រ៉ា កួន ហ លែក អ៊ែ សិម ហាំ វ៉ា យ៉ាភែត។

ฟัง កណើត ពដិះ គ្រែ 5