<div class="version vid3096 iso6393llb" data-vid="3096" data-iso6393="llb">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s1">Tega wa Adawu na Eva</div><div class="p"> 1Muwari mwa anavinyama atene a mukokolani anno Yehova aasakanyile liye, nyowa yali mwanainyama yoxangetchetcha akwaranya atene.#3:1 nyowa yali mwanainyama yoxangetchetcha: Kawongaga ira nyowa yali yoxanga kahi ira yawonga mazu anne muwari moxanga mwaye, nari. So ali Satana avolowile mwa liye, nyowele roma wongaga zelru da Satana. Ku wonga Satana ohowongiha nyowele zelru daye. (Jowandeliwa 12:9) Fwanyeya ira ora yenno anna utongi oira aatongege anavinyama atene ali Adawu na Eva. (Jenesesi 1:28) Eto Mulugu ohomuwendjeliha Adawu ira aing'anelege. Aliwa kagavwile nyowele iwongaga zelru dixa dohiyana na zelru da Mulugu, yali yofwanela kaitonge nyowele muwari mwa utongi kavahiwe atu na Mulugu. Siku nimohi nyowele yohonfuka muhiyana ira: &lt;&lt;Kodi na ibaribari Mulugu uwongile ira: &lt;Jovaha ja mitengo datene nnafwanyeya mmundani mu kamudje?&gt; &gt;&gt; 2Muhiyanole ohowakula nyowele ira: &lt;&lt;Nari. Jovaha ja mitengo datene nnafwanyeya mmundani mu hiyo podi djaga. 3So mbwenye jovaha ja mutengo mmohi unafwanyeya vari va munda, Mulugu uwongile ira: &lt;Jovaha ja mutengo wenno kamudje, nne kamuhinde. Tchoira mwairana eno munokwa.&gt; &gt;&gt; 4Mbwenye nyowele yohomuwakula muhiyanole ira: &lt;&lt;Nari! Nyo mwadja, kamunakwa. 5Tchoira Mulugu uhuiziwa ira siku nnadje nyo, meswinyu anohuleya. Era eno munokala nnga Mulugu, murome iziwa upama na ubure.&gt;&gt; 6Muhiyanole agavwile mazu anne, agaonne ira jovaha ja mutengole jali jofwanela djiwa, joriyela meso eto jali jofuneya movaha zelru, ohatcha, liye dja, nvaha mamunaye, na liyene liye dja.#3:6 ohatcha, liye dja, nvaha mamunaye, na liyene liye dja: Mazwala ananiwandela ira muhiyanole anyengiwaga na nyowa eto adjaga, mulombwana Adawu ali vakwikwi vene. Akala kohokalawo anawonga ira Adawu adowile mabasani, muhiyanaye mukoyela jovaha jile, ejo mbwenye ti jonama jahanafwanyeya mBibiliyani. Eto yotega ya atu oroma tchali gumana. Tchoira Mulugu gwatongile ira aliwa kagumanege (Jenesesi 2:24), kaabalege ahimiwa. (Jenesesi 1:28) Yotegiwa yali konda wenda na zelru da Mulugu, aliwa funaga wenda na zelru dawonga nyowa, dedo dakumile wa Satana, aliwa dja jovaha ja mutengo kakondihiwe atu. 7Kagadjile, ambinlene meso ewa kohuleya. Evale kohoroma ona ira: &lt;&lt;Nili mandave.&gt;&gt; Mwa enne kohotukula matakuru a mufigera,#3:7 Mufigera: Gu mutengo nnga nantambu. Unokana jovaha nnga jovaha ja nantambu, mbwenye jinakala jodjiwa eto jinoziva pama. aliwa sakanyana jowara jiwa, mangelela mmwinini.</div><div class="p"> 8Siku nenne tempu ya tchiguwo, nzuwa nikupaga, kohovwaga nizu#3:8 kohovwaga nizu: Hiyo kaniiziwile eva jaireyile para aliwa vwa nizu na Yehova. Inakala nnga Mulugu era wonga owu hehi ukala yengo imohiwene yaireyilevo para aliwa kavwe ira Mulugu unavira. MBibiliyani munofwanyeya ira Mulugu uhukana makalelo madjindjene unavioneyiha liye nnga kukuma, munlo, nipevo, ndari, na jimohi jiwa pwi. na Yehova Mulugu aviraga mmundani mule. Mwa enne ambinlene mulombwana na muhiyanaye kohotawa, dowa vitala muwari mwa mitengo dafwanyeya mmundani mule ira kahakale vamentoni va Yehova Mulugu. 9Evale Yehova Mulugu ohomuitana Adawu eraga: &lt;&lt;Adawu, kodi uli waani?&gt;&gt; 10Liye ohowakulaga eraga: &lt;&lt;Divwile nizu ninyu muviraga mmundani. Na mwasa oova, miyo tawa, za vitala. Tchoira dili mandave.&gt;&gt;</div><div class="p"> 11Mulugu ohonfuka ira: &lt;&lt;Uuwandenle bani ira: &lt;Uli mandave.&gt;? Kodi wire dja yovaha ya mutengo wenne daukondihile miyo ira: &lt;Kudje.&gt;?&gt;&gt; 12Adawu ohowakula eraga: &lt;&lt;Muhiyana wenne mudivahile nyo ira akalege na miyo, gwenno udivahile yovaha ya mutengole, miyo dja.&gt;&gt; 13Evale Yehova Mulugu ohonfuka muhiyanole ira: &lt;&lt;Wirele nni jejo?&gt;&gt; Muhiyanole ohorumela eraga: &lt;&lt;Tchi nyowa idinyengile miyo ira didje. Miyo dja.&gt;&gt;</div><div class="s1">Tembelrelriwa wa nyowa</div><div class="p"> 14Evale Yehova Mulugu ohowonga na nyowa ira: &lt;&lt;We nyowa na mwasa wa jejo jiirile we, muwari mwa vinyama datene dofuwiwa, vamohi na da mukokolani usimbwile tembelrelriwa gu weyo. Wenda wawo, unawendege na vambani eto unerege bwilra tumbulru kalawo wawo watene. 15Miyo nnouidaniha weyo na muhiyana eto nnoaidaniha ahimawo na ahimaye. Mwana unafuna liye za mbala gwenno unafuna za uporotcha murwawo, we eto unoporotcha izondwaye.&gt;&gt;#3:15 Mwana unafuna liye za mbala gwenno unafuna za uporotcha murwawo, we eto unoporotcha izondwaye. Mulugu awongaga mazu otonga nyowa, ohowonga eto mazu omutonga Satana. Muwari mwa misimbe Mulugu ohowonga zela mutu afuna za baliwa muwari mwa muhiyana ira agondjihe kopolo da Satana. Satana aporotchaga izondo ya mwana afuna baliwa na muhiyana jejo jawonga zela Yesu mwasiwa liye ohobaliwa muwari mwa muhiyana bahi eto Satana ohomporotcha vang'onove moira Yesu ohopiwa. Mbwenye agapiwe ohovenya mokwani. Eto vasogolro Yesu unoza amutukule Satana, amutatilele mmunloni ira akale emule kala no kala. (Jowandeliwa 20:10)</div><div class="s1">Tembelrelriwa wa Adawu na Eva</div><div class="p"> 16Mulugu ohowonga na muhiyana eraga: &lt;&lt;Wakana vambani, miyo nnerege uwendjededa goyi dawo. Eto wafunaga bala unerege ona upa wohokala wa masika. Zela bandja nawo, weyo unerege nfuna mamunawo ira ukalege na liye eto liye gunausogolrelrege.&gt;&gt;</div><div class="p"> 17Mulugu eto ohowonga na mulombwana Adawu ira: &lt;&lt;Na mwasa oira uhuvwelela jowonga ja muhiyanawo, we dja yovaha ya mutengo daukondihile miyo ira: &lt;Kudje&gt;, eni teya itembelrelreya na mwasa wawo. Kalawo wawo watene weyo unerege lima mmindani mwa goyi ira ukayegena jodja. 18Walimamo ira ukayena jalo jinadja nyo, munerege mela minga na makaruwe. 19Ira ukayena udja, unerege kumela kalruma, fiyeda uwelele teyani wakoka wene. Mwasiwa teyani ku wewo ukumile we. Tchoira weyo uli teya, nona unowelela kala teya akoka.&gt;&gt;#3:19 unowelela kala teya akoka: Mazu a Mulugu kinarumelela ira mutu unakwa na mwasa olowiwa na akwiri. So mazu a Mulugu anawonga ira ingumi nari ukwa nari bulela, jatene jinakuma mmandani mwa Mulugu. Kuma vategile Adawu na Eva, Mulugu gukumihile nlamulo noira: &lt;&lt;Atu kakwege.&gt;&gt; Nione Jenesesi 3:19,22-23; 1 Samuweli 2:6.</div><div class="p"> 20Vevale Adawu ohonvaha muhiyanaye nzina na Eva, [ku wonga ingumi] na mwasa okala mma wa atu atene a ingumi.</div><div class="p"> 21Evale Yehova Mulugu ohomusakanyela Adawu na muhiyanaye bata da matembe a anavinyama,#3:21 matembe a anavinyama: Va nnowanda iziwa ira yengo yoroma kwa ali anavinyama. Anavinyama Mulugu aapile liye ira asakanyena jowara ja Adawu na Eva kakwile na mwasa wa yotega ya ambwiyiwa. Vatongiwa atu oroma, nipevo neno nohafwanya anavinyama anno katikeliwe atu ira kaatongege. liye awariha.</div><div class="s1">Adawu na Eva kohotamangihiwa muwari mwa munda afwanyeya muEdeni</div><div class="p"> 22Noira eno, Yehova Mulugu ohoira: &lt;&lt;Kaing'anani, eni mutu uhusanduwa, uli nnga hiyo vano. Tchoira uiziwa upama na ubure. Nahamutamangihe, unodowa ahatche jovaha ja Mutengo Ovaha Ingumi, adje ira akalewo kala no kala!&gt;&gt;#3:22 unodowa ahatche jovaha ja Mutengo Ovaha Ingumi: Mulugu aakamelihaga Adawu na Eva kala muwari mwa Munda afwanyeya muEdeni, kaali ira kahadowe dja Mutengo Oiziwiha Upama na Ubure. Mbwenye ali ira kahawelele dja Mutengo Ovaha Ingumi. Tchoira mutengo wenno alaba nnga murombwe ira mutu ahakwe. Muwari moira Mulugu aavahile nlamulo ira atu kakwege, nona liye aakamelihaga atwale jodja jile. Vasogolro eto mutengo wenno unoza afwanyeye muwari mwa Jeruzalemu Muxa ira atu anno anakalamo kadjege. Eto matakuruwa anakala nnga murombwe. (Jowandeliwa 22:2,14,19) Mazwala tapulela ira ukwa no kalawo uli mmandani mwa Mulugu. Tchoira Mulugu guwongile na nikolo nehu Adawu ira: Tchoira weyo uli teya, nona unowelela kala teya akoka. (Vs 19) Ku wonga para mutu akwe, kahi mofuna mwa akwiri mbwenye ku funa wa Mulugu. Mazu a Mulugu anawonga eto ira Mulugu gunavaha ingumi eto gunamuwaka mutu ingumi yaye. (1 Samuweli 2:6) Mazu eto anawonga ira Mulugu gulrembile mulivuruni mwaye malambo anafuna kada mutu kalawo roma siku nobaliwa fiyeda siku nokwa. (Salmu 139:16) Ku wonga kaliwo murombwe obarela ukwa mwasiwa ukwa unaireya mofuna mwa Mulugu eto kalivo unawanda mugondjiha Mulugu. Nona atu aneregeve kwa. 23Na mwasa wenne, Yehova Mulugu ohomutamangiha mutule mmundani wenno afwanyeya muEdeni, liye muhela unde ira alimege teya yakokene yenno yasakanyiwena liye. 24Agamutamangihile mutule amuhela unde wa Munda, ohahela makumelo wa nzuwa wa mundole angelro aneriwa akerubi eto ohelawo supada nokana munlo neno narungunuwa pandi datene na makalelo owopiha. Yehova airelena eno ira jiing'anelege ndila yodowa wewule wafwanyeya Mutengo Ovaha Ingumi.</div>
 </div>
 </div>
</div>

Muwari mwa anavinyama atene a mukokolani anno Yehova aasakanyile liye, nyowa yali mwanainyama yoxangetchetcha akwaranya atene. Siku nimohi nyowele yohonfuka muhiyana ira: <<Kodi na ibaribari Mulugu uwongile ira: <Jovaha ja mitengo datene nnafwanyeya mmundani mu kamudje?> >> Muhiyanole ohowakula nyowele ira: <<Nari. Jovaha ja mitengo datene nnafwanyeya mmundani mu hiyo podi djaga. So mbwenye jovaha ja mutengo mmohi unafwanyeya vari va munda, Mulugu uwongile ira: <Jovaha ja mutengo wenno kamudje, nne kamuhinde. Tchoira mwairana eno munokwa.> >> Mbwenye nyowele yohomuwakula muhiyanole ira: <<Nari! Nyo mwadja, kamunakwa. Tchoira Mulugu uhuiziwa ira siku nnadje nyo, meswinyu anohuleya. Era eno munokala nnga Mulugu, murome iziwa upama na ubure.>> Muhiyanole agavwile mazu anne, agaonne ira jovaha ja mutengole jali jofwanela djiwa, joriyela meso eto jali jofuneya movaha zelru, ohatcha, liye dja, nvaha mamunaye, na liyene liye dja. Kagadjile, ambinlene meso ewa kohuleya. Evale kohoroma ona ira: <<Nili mandave.>> Mwa enne kohotukula matakuru a mufigera, aliwa sakanyana jowara jiwa, mangelela mmwinini.
Siku nenne tempu ya tchiguwo, nzuwa nikupaga, kohovwaga nizu na Yehova Mulugu aviraga mmundani mule. Mwa enne ambinlene mulombwana na muhiyanaye kohotawa, dowa vitala muwari mwa mitengo dafwanyeya mmundani mule ira kahakale vamentoni va Yehova Mulugu. Evale Yehova Mulugu ohomuitana Adawu eraga: <<Adawu, kodi uli waani?>> Liye ohowakulaga eraga: <<Divwile nizu ninyu muviraga mmundani. Na mwasa oova, miyo tawa, za vitala. Tchoira dili mandave.>>
Mulugu ohonfuka ira: <<Uuwandenle bani ira: <Uli mandave.>? Kodi wire dja yovaha ya mutengo wenne daukondihile miyo ira: <Kudje.>?>> Adawu ohowakula eraga: <<Muhiyana wenne mudivahile nyo ira akalege na miyo, gwenno udivahile yovaha ya mutengole, miyo dja.>> Evale Yehova Mulugu ohonfuka muhiyanole ira: <<Wirele nni jejo?>> Muhiyanole ohorumela eraga: <<Tchi nyowa idinyengile miyo ira didje. Miyo dja.>>

Evale Yehova Mulugu ohowonga na nyowa ira: <<We nyowa na mwasa wa jejo jiirile we, muwari mwa vinyama datene dofuwiwa, vamohi na da mukokolani usimbwile tembelrelriwa gu weyo. Wenda wawo, unawendege na vambani eto unerege bwilra tumbulru kalawo wawo watene. Miyo nnouidaniha weyo na muhiyana eto nnoaidaniha ahimawo na ahimaye. Mwana unafuna liye za mbala gwenno unafuna za uporotcha murwawo, we eto unoporotcha izondwaye.>>

Mulugu ohowonga na muhiyana eraga: <<Wakana vambani, miyo nnerege uwendjededa goyi dawo. Eto wafunaga bala unerege ona upa wohokala wa masika. Zela bandja nawo, weyo unerege nfuna mamunawo ira ukalege na liye eto liye gunausogolrelrege.>>
Mulugu eto ohowonga na mulombwana Adawu ira: <<Na mwasa oira uhuvwelela jowonga ja muhiyanawo, we dja yovaha ya mutengo daukondihile miyo ira: <Kudje>, eni teya itembelrelreya na mwasa wawo. Kalawo wawo watene weyo unerege lima mmindani mwa goyi ira ukayegena jodja. Walimamo ira ukayena jalo jinadja nyo, munerege mela minga na makaruwe. Ira ukayena udja, unerege kumela kalruma, fiyeda uwelele teyani wakoka wene. Mwasiwa teyani ku wewo ukumile we. Tchoira weyo uli teya, nona unowelela kala teya akoka.>>
Vevale Adawu ohonvaha muhiyanaye nzina na Eva, [ku wonga ingumi] na mwasa okala mma wa atu atene a ingumi.
Evale Yehova Mulugu ohomusakanyela Adawu na muhiyanaye bata da matembe a anavinyama, liye awariha.

Noira eno, Yehova Mulugu ohoira: <<Kaing'anani, eni mutu uhusanduwa, uli nnga hiyo vano. Tchoira uiziwa upama na ubure. Nahamutamangihe, unodowa ahatche jovaha ja Mutengo Ovaha Ingumi, adje ira akalewo kala no kala!>> Na mwasa wenne, Yehova Mulugu ohomutamangiha mutule mmundani wenno afwanyeya muEdeni, liye muhela unde ira alimege teya yakokene yenno yasakanyiwena liye. Agamutamangihile mutule amuhela unde wa Munda, ohahela makumelo wa nzuwa wa mundole angelro aneriwa akerubi eto ohelawo supada nokana munlo neno narungunuwa pandi datene na makalelo owopiha. Yehova airelena eno ira jiing'anelege ndila yodowa wewule wafwanyeya Mutengo Ovaha Ingumi.

ฟัง Jenesesi 3