<div class="version vid298 iso6393miq" data-vid="298" data-iso6393="miq">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">T&#194; B&#206;LA NANI</span></div><div class="ip"><span class="content">Baibil wauhkataya pas ba nina Blasi Sturka m&#226;kan sa. Nina ba Grik b&#238;la wina m&#226;kan sa, b&#238;la t&#226;nka ba wisa &#8220;diara nani t&#226; krikan ba baha t&#226;ura pali&#8221; baha &#8220;pas bal taki ba t&#226;nka&#8221;.</span></div><div class="ip"><span class="content">Bamna naha wauhkataya na sika, Baibil wauhkataya pas pali ba. Naha wauhkataya wan aisisa: Kasbrika pura ba, tasba m&#226;yara ba, diara nani bilara ba sin nahki t&#226; kriki paskan ba t&#226;nka; upla s&#226;tka nani sut ba sin nahki bal takan ba, bara sturi nani wali l&#226;ka ra iwi kan ba wina sin mahka tim taki kan ba, bara baha sut sturka t&#226;ka ba, Israel luhpia nani nahki bal takan ba t&#226;nka, bara Dawan sin upla dakni kum wal l&#226; daukan ba sturka. Baha piua nani ra upla nani ba, ai lukanka nani ba mita taibi bri kan. Witin nani g&#226;d ailal ra kasak luki kan, witin nani luki kan paskanka dukia nani karnika bri ba baha ba Dawan wina sa luki kan. Blasi Sturka Wauhkataya ba lika, G&#226;d kumi baman ban kaia ra b&#226;ra ba dukiara baman aisisa. Witin sin diara nani sut b&#226;ra ba papaskrika. Naha wauhkataya sin aisisa, blasi pali ra G&#226;d ba witin mita upla paskan ba dukiara, bara witin sin upla nani wal diara nani daukan, l&#226; nani sin daukan ba baha t&#226;nka nani sut. Dawan bui upla kat ai lukanka ba mangki brin, tasba ra diara nani sut ba purara aimaki kaia, yamnika, liliaka nani sut sin briaia ba mata, bara pana ai b&#238;la wali dauki kabia diara sut ra, d&#238;a kasak wapni ba l&#226;ka kat dauki. Saurka l&#226;ka bal diman t&#226;ka ba sin aisin sa, baha wina upla ba latwan wahwaia l&#226;ka sakan, witin ai kupia l&#226;ka ba kat daukan bamna, bara G&#226;d kupia l&#226;ka ba daukaia ba daukras kan ba mita. Baha purkara sin aisisa, upla saura dauki G&#226;d mapara buan ba t&#226;nka. G&#226;d sin mahka diara daukaia buan, sturi nani ba t&#226; krikan, upla ba kli atki saki pri sakaia t&#226;nka ba.</span></div><div class="ip"><span class="content">Bamna wauhkataya na dukiara aman luki kaiki, sip sa baikanka tara w&#226;l ra baikaia. Baikanka kumi ba 1&#8212;11 kat. N&#226;ra aisisa: Tasba aiska paskan ba, bara upla paskan ba dukiara; saurka l&#226;ka t&#226; krikan ba, upla p&#226;t wahwan ba, Adam wina Noa kat upla nani takan ba, utla wihtka tara nani kulkan kan nani ba, lisamra tara sturka ba bara Babel tawer tara paskan ba sturka nani sut wan marikisa.</span></div><div class="ip"><span class="content">Baikanka wala ba 12&#8212;50 kat. Nahara t&#226; krikisa: Ebraham, Aisak bara Jekob sturka ba wina, Israel nahki wina bal takan ba; Jekob luhpia nani, Josep muihnika nani wal; Jekob ai taya nani wal Idsip ra wih iwan ba, bara Israel kiamka nahki baha kuntrika ra t&#226; krikan ba sturka nani sut aisisa. Naha sturka aiska ra, warkka daukan uplika pali ba sika G&#226;d, baha nani saura dauki banhwi ba witin bui l&#226;ka daukisa, klala yabisa, sakuna baha nani witin ra latwan kaiki ai b&#238;la wali banhwi ba t&#226;wan aimakisa, tapahkisa bara t&#226; baikisa sin. Bara baku naha wauhkataya na t&#226; krikan, lukanka nani sut bapan ba G&#226;d, witin tasba aiska na paskan, bara tnata prakisa. G&#226;d ai pramiska b&#238;la ba ni, wisa: Witin ai uplika nani main kaiki ba ban kabia, lulki lika swibia apia.</span></div>
        </div>
    </div>
</div>

TÂ BÎLA NANI
Baibil wauhkataya pas ba nina Blasi Sturka mâkan sa. Nina ba Grik bîla wina mâkan sa, bîla tânka ba wisa “diara nani tâ krikan ba baha tâura pali” baha “pas bal taki ba tânka”.
Bamna naha wauhkataya na sika, Baibil wauhkataya pas pali ba. Naha wauhkataya wan aisisa: Kasbrika pura ba, tasba mâyara ba, diara nani bilara ba sin nahki tâ kriki paskan ba tânka; upla sâtka nani sut ba sin nahki bal takan ba, bara sturi nani wali lâka ra iwi kan ba wina sin mahka tim taki kan ba, bara baha sut sturka tâka ba, Israel luhpia nani nahki bal takan ba tânka, bara Dawan sin upla dakni kum wal lâ daukan ba sturka. Baha piua nani ra upla nani ba, ai lukanka nani ba mita taibi bri kan. Witin nani gâd ailal ra kasak luki kan, witin nani luki kan paskanka dukia nani karnika bri ba baha ba Dawan wina sa luki kan. Blasi Sturka Wauhkataya ba lika, Gâd kumi baman ban kaia ra bâra ba dukiara baman aisisa. Witin sin diara nani sut bâra ba papaskrika. Naha wauhkataya sin aisisa, blasi pali ra Gâd ba witin mita upla paskan ba dukiara, bara witin sin upla nani wal diara nani daukan, lâ nani sin daukan ba baha tânka nani sut. Dawan bui upla kat ai lukanka ba mangki brin, tasba ra diara nani sut ba purara aimaki kaia, yamnika, liliaka nani sut sin briaia ba mata, bara pana ai bîla wali dauki kabia diara sut ra, dîa kasak wapni ba lâka kat dauki. Saurka lâka bal diman tâka ba sin aisin sa, baha wina upla ba latwan wahwaia lâka sakan, witin ai kupia lâka ba kat daukan bamna, bara Gâd kupia lâka ba daukaia ba daukras kan ba mita. Baha purkara sin aisisa, upla saura dauki Gâd mapara buan ba tânka. Gâd sin mahka diara daukaia buan, sturi nani ba tâ krikan, upla ba kli atki saki pri sakaia tânka ba.
Bamna wauhkataya na dukiara aman luki kaiki, sip sa baikanka tara wâl ra baikaia. Baikanka kumi ba 1—11 kat. Nâra aisisa: Tasba aiska paskan ba, bara upla paskan ba dukiara; saurka lâka tâ krikan ba, upla pât wahwan ba, Adam wina Noa kat upla nani takan ba, utla wihtka tara nani kulkan kan nani ba, lisamra tara sturka ba bara Babel tawer tara paskan ba sturka nani sut wan marikisa.
Baikanka wala ba 12—50 kat. Nahara tâ krikisa: Ebraham, Aisak bara Jekob sturka ba wina, Israel nahki wina bal takan ba; Jekob luhpia nani, Josep muihnika nani wal; Jekob ai taya nani wal Idsip ra wih iwan ba, bara Israel kiamka nahki baha kuntrika ra tâ krikan ba sturka nani sut aisisa. Naha sturka aiska ra, warkka daukan uplika pali ba sika Gâd, baha nani saura dauki banhwi ba witin bui lâka daukisa, klala yabisa, sakuna baha nani witin ra latwan kaiki ai bîla wali banhwi ba tâwan aimakisa, tapahkisa bara tâ baikisa sin. Bara baku naha wauhkataya na tâ krikan, lukanka nani sut bapan ba Gâd, witin tasba aiska na paskan, bara tnata prakisa. Gâd ai pramiska bîla ba ni, wisa: Witin ai uplika nani main kaiki ba ban kabia, lulki lika swibia apia.

ฟัง Blasi Sturka TÂ BÎLA NANI