 If you would like a copy of this version please contact info@davaraudiobibles.org

Krio Old Testament

<div class="version vid2948 iso6393kri" data-vid="2948" data-iso6393="kri">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s1">Aw Sin &#400;n S&#596;fa Kam Na Di W&#596;l</div><div class="p"> 1Naw di snek bin k&#596;ni pas &#596;l di &#596;da animal d&#603;n we PAPA G&#390;D bin mek. Di snek aks di uman se, &#8220;F&#596; tru tru PAPA G&#390;D t&#603;l una se, una n&#596; f&#596; it di frut d&#603;n pan &#596;l di tik d&#603;n na di fam?&#8221;</div><div class="p"> 2Di uman ansa se, &#8220;Wi kin it frut pan &#603;ni tik na di fam, 3pas n&#596;m&#596; pan di wan we de midul di fam. PAPA G&#390;D bin d&#596;n t&#603;l wi se, wi n&#596; f&#596; it da frut de &#603;n n&#596; f&#596; t&#596;ch am s&#603;f; if wi du so, wi go day.&#8221;</div><div class="p"> 4Di snek t&#596;k bak se, &#8220;Dat n&#596;to tru; una n&#596; go day. 5PAPA G&#390;D bin se so bik&#596;s i no se if una it am, una yay go opin &#603;n una go tan l&#603;k&#603; am; d&#596;n una go no wetin gud fr&#596;m wetin bad.&#8221;</div><div class="p"> 6Di uman si aw di tik bin fayn, &#603;n aw di frut d&#603;n gud f&#596; it. I tink to ins&#603;f se, &#8220;I go fayn f&#596; g&#603;t s&#603;ns o.&#8221; So i tek di frut &#603;n it am. D&#596;n i go gi in man s&#596;m, &#603;n ins&#603;f it am. 7We d&#603;n d&#596;n it am d&#596;n, d&#603;n yay opin &#603;n kech&#596;p se d&#603;n bin nek&#603;d; so d&#603;n so klos wit fig lif f&#596; k&#596;ba d&#603;ns&#603;f.</div><div class="p"> 8Da ivin t&#603;m de d&#603;n y&#603;ri we PAPA G&#390;D de waka na di fam, so d&#603;n go ayd pan am midul d&#603;n tik d&#603;n. 9B&#596;t PAPA G&#390;D k&#596;l Adam; i se, &#8220;Usay yu de?&#8221;</div><div class="p"> 10Adam ansa se, &#8220;A y&#603;ri we yu de waka na di fam; a fred bik&#596;s a bin de nek&#603;d so a ayd pan yu.&#8221;</div><div class="p"> 11PAPA G&#390;D aks am se, &#8220;Udat t&#603;l yu se yu nek&#603;d? Yu d&#596;n it da frut we a t&#603;l yu se n&#596; f&#596; it &#603;?&#8221;</div><div class="p"> 12Adam ansa se, &#8220;Na di uman we yu put ya wit mi, gi mi f&#596; it.&#8221;</div><div class="p"> 13PAPA G&#390;D aks di uman se, &#8220;Wetin mek yu du so?&#8221;</div><div class="p">Di uman ansa se, &#8220;Na di snek ple in k&#596;ni pan mi &#603;n mek a it am.&#8221;</div><div class="s1">PAPA G&#390;D Gi In J&#596;jm&#603;nt</div><div class="p"> 14D&#603;n PAPA G&#390;D t&#603;l di snek se, &#8220;F&#596; wetin yu d&#596;n du so a de sw&#603; yu; na yu wangren go g&#603;t dis sw&#603; pan &#596;l d&#603;n animal &#603;n krich&#596; d&#603;n we a mek: Fr&#596;m naw sote go, yu go de dr&#603;g wit yu b&#603;l&#603;, &#603;n na d&#596;ti yu go de it te yu day. 15A go mek yu &#603;n di uman et unas&#603;f; in pikin d&#603;n &#603;n yu yon pikin d&#603;n go bi &#603;nimi f&#596; layf. In pikin go wap yu ed, &#603;n yu go b&#603;t in il.&#8221;</div><div class="p"> 16D&#603;n PAPA G&#390;D t&#603;l di uman se, &#8220;A go mek i n&#596; izi f&#596; yu we yu g&#603;t b&#603;l&#603;, &#603;n na pan tra&#331;a pen yu go b&#596;n pikin. Pan &#596;l dat, yu n&#596; go ebul k&#596;m&#596;t bi&#603;n yu man &#603;n i go de k&#596;ntrol yu.&#8221;</div><div class="p"> 17D&#596;n PAPA G&#390;D t&#603;l di man se, &#8220;Yu d&#596;n du wetin yu w&#603;f t&#603;l yu, &#603;n yu d&#596;n it di frut we mi se yu n&#596; f&#596; it. F&#596;seka wetin yu d&#596;n du, a de sw&#603; di gr&#596;n mek i n&#596; b&#603;t&#603; yu. Te yu day, yu go de wok tra&#331;a wan, f&#596; mek yu go g&#603;t tin f&#596; it. 18Na soso gras &#603;n chuk chuk go de gro na di gr&#596;n, &#603;n yu go it d&#603;n bush plant d&#603;n. 19Yu go wok tra&#331;a wan &#603;n sw&#603;t f&#596; mek &#603;nitin gro na di gr&#596;n sote yu go bak na di gr&#596;n we yu k&#596;m&#596;t. Na d&#596;ti a bin tek mek yu, &#603;n na d&#596;ti yu go go bak we yu day.&#8221;</div><div class="p"> 20Adam#3:20 Adam Na Ibru, i min m&#596;talman gi in w&#603;f nem Iv#3:20 I: Di nem fiba di Ibru w&#596;d f&#596; gi p&#596;sin layf. bik&#596;s nain na di mama f&#596; &#596;l m&#596;talman. 21So PAPA G&#390;D mek klos wit animal kanda f&#596; Adam &#603;n in w&#603;f Iv, &#603;n gi d&#603;n f&#596; w&#603;r.</div><div class="s1">PAPA G&#390;D Dr&#603;b Adam &#400;n Iv K&#596;m&#596;t Na Di Fam Na Id&#603;n</div><div class="p"> 22PAPA G&#390;D se, &#8220;Naw, m&#596;talman d&#596;n tan l&#603;k&#603; wi, &#603;n i d&#596;n g&#603;t s&#603;ns f&#596; no wetin gud fr&#596;m wetin bad. Wi n&#596; f&#596; mek i tek da frut we de na di &#8220;Layf tik&#8221; &#603;n it am, &#596; n&#596; so i go g&#603;t layf we go de sote go.&#8221; 23So PAPA G&#390;D bin dr&#603;b am k&#596;m&#596;t na di fam na Id&#603;n &#603;n mek i go wok na di gr&#596;n usay i k&#596;m&#596;t. 24D&#596;n na di ist&#603;n say na di fam, PAPA G&#390;D put ch&#603;ryubim#3:24 Ch&#603;ryubim Na s&#596;ntin we na af m&#596;talman &#603;n af animal we g&#603;t f&#603;da. Na PAPA G&#390;D in enj&#603;l. d&#603;n &#603;n s&#596;d we g&#603;t faya &#596;lsay pan am. Di s&#596;d de t&#596;n rawnd &#603;n rawnd f&#596; gyad di &#8216;Layf tik&#8217; so dat n&#596;b&#596;di n&#596; go go nia.</div>
 </div>
 </div>
</div>

Krio Bible © The Bible Society of Sierra Leone, 2013.

Naw di snek bin kɔni pas ɔl di ɔda animal dɛn we PAPA GƆD bin mek. Di snek aks di uman se, “Fɔ tru tru PAPA GƆD tɛl una se, una nɔ fɔ it di frut dɛn pan ɔl di tik dɛn na di fam?”
Di uman ansa se, “Wi kin it frut pan ɛni tik na di fam, pas nɔmɔ pan di wan we de midul di fam. PAPA GƆD bin dɔn tɛl wi se, wi nɔ fɔ it da frut de ɛn nɔ fɔ tɔch am sɛf; if wi du so, wi go day.”
Di snek tɔk bak se, “Dat nɔto tru; una nɔ go day. PAPA GƆD bin se so bikɔs i no se if una it am, una yay go opin ɛn una go tan lɛkɛ am; dɔn una go no wetin gud frɔm wetin bad.”
Di uman si aw di tik bin fayn, ɛn aw di frut dɛn gud fɔ it. I tink to insɛf se, “I go fayn fɔ gɛt sɛns o.” So i tek di frut ɛn it am. Dɔn i go gi in man sɔm, ɛn insɛf it am. We dɛn dɔn it am dɔn, dɛn yay opin ɛn kechɔp se dɛn bin nekɛd; so dɛn so klos wit fig lif fɔ kɔba dɛnsɛf.
Da ivin tɛm de dɛn yɛri we PAPA GƆD de waka na di fam, so dɛn go ayd pan am midul dɛn tik dɛn. Bɔt PAPA GƆD kɔl Adam; i se, “Usay yu de?”
Adam ansa se, “A yɛri we yu de waka na di fam; a fred bikɔs a bin de nekɛd so a ayd pan yu.”
PAPA GƆD aks am se, “Udat tɛl yu se yu nekɛd? Yu dɔn it da frut we a tɛl yu se nɔ fɔ it ɛ?”
Adam ansa se, “Na di uman we yu put ya wit mi, gi mi fɔ it.”
PAPA GƆD aks di uman se, “Wetin mek yu du so?”
Di uman ansa se, “Na di snek ple in kɔni pan mi ɛn mek a it am.”

Dɛn PAPA GƆD tɛl di snek se, “Fɔ wetin yu dɔn du so a de swɛ yu; na yu wangren go gɛt dis swɛ pan ɔl dɛn animal ɛn krichɔ dɛn we a mek: Frɔm naw sote go, yu go de drɛg wit yu bɛlɛ, ɛn na dɔti yu go de it te yu day. A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”
Dɛn PAPA GƆD tɛl di uman se, “A go mek i nɔ izi fɔ yu we yu gɛt bɛlɛ, ɛn na pan traŋa pen yu go bɔn pikin. Pan ɔl dat, yu nɔ go ebul kɔmɔt biɛn yu man ɛn i go de kɔntrol yu.”
Dɔn PAPA GƆD tɛl di man se, “Yu dɔn du wetin yu wɛf tɛl yu, ɛn yu dɔn it di frut we mi se yu nɔ fɔ it. Fɔseka wetin yu dɔn du, a de swɛ di grɔn mek i nɔ bɛtɛ yu. Te yu day, yu go de wok traŋa wan, fɔ mek yu go gɛt tin fɔ it. Na soso gras ɛn chuk chuk go de gro na di grɔn, ɛn yu go it dɛn bush plant dɛn. Yu go wok traŋa wan ɛn swɛt fɔ mek ɛnitin gro na di grɔn sote yu go bak na di grɔn we yu kɔmɔt. Na dɔti a bin tek mek yu, ɛn na dɔti yu go go bak we yu day.”
Adam gi in wɛf nem Iv bikɔs nain na di mama fɔ ɔl mɔtalman. So PAPA GƆD mek klos wit animal kanda fɔ Adam ɛn in wɛf Iv, ɛn gi dɛn fɔ wɛr.

PAPA GƆD se, “Naw, mɔtalman dɔn tan lɛkɛ wi, ɛn i dɔn gɛt sɛns fɔ no wetin gud frɔm wetin bad. Wi nɔ fɔ mek i tek da frut we de na di “Layf tik” ɛn it am, ɔ nɔ so i go gɛt layf we go de sote go.” So PAPA GƆD bin drɛb am kɔmɔt na di fam na Idɛn ɛn mek i go wok na di grɔn usay i kɔmɔt. Dɔn na di istɛn say na di fam, PAPA GƆD put chɛryubim dɛn ɛn sɔd we gɛt faya ɔlsay pan am. Di sɔd de tɔn rawnd ɛn rawnd fɔ gyad di ‘Layf tik’ so dat nɔbɔdi nɔ go go nia.

ฟัง Jɛnɛsis 3