Malay, Papuan

<div class="version vid2690 iso6393pmy" data-vid="2690" data-iso6393="pmy">
 <div class="book bkGEN">
 <div class="chapter ch11" data-usfm="GEN.11">
 <div class="label">11</div><div class="s">Bangunan tinggi di Babel</div><div class="sr"> 11:1-9</div><div class="p"> 1Dulu orang smua bicara pake satu bahasa yang sama. 2Waktu dong jalan ke timur, dong ketemu tana yang rata di daera yang nama Sinear, trus dong tinggal disitu.</div><div class="p"> 3Satu kali begini, yang satu bilang ke yang lain, &#8220;Ayo, tong buat batu bata dari tana liat, trus tong bakar sampe kras.&#8221; Batu bata itu yang dong pake ganti batu, trus dong pake aspal cair untuk kas lengket batu bata itu. 4Trus dong bilang juga, &#8220;Mari tong bangun kota satu deng de pu bangunan tinggi sampe ke langit. Supaya tong dapa knal, trus jang tong tapisa-pisa ke sluru bumi.&#8221;</div><div class="p"> 5Begini, TUHAN turun liat kota deng bangunan tinggi yang orang-orang dong bangun itu. 6Baru TUHAN bilang begini,</div><div class="pi2">&#8220;Dong smua ni satu bangsa yang pu bahasa satu saja. Apa yang dong bikin skarang ni, itu baru langka pertama saja. Apa lagi nanti, dong bisa bikin apa saja yang dong mau. 7Mari Tong#11:7 Tong &#8210; Liat catatan kaki di 1:26. turun bikin dong bingung deng dong pu bahasa, supaya dong tra baku mngerti bahasa satu sama yang lain.&#8221;</div><div class="p"> 8Jadi begitu suda, TUHAN bikin sampe dong tapisa-pisa ke sluru bumi. Karna itu dong stop bangun kota. 9Itu yang knapa kota itu pu nama Babel, karna disitu TUHAN bikin sluru bumi babingung deng dong pu bahasa,#11:9 karna disitu TUHAN bikin sluru bumi babingung deng dong pu bahasa &#8210; Dalam bahasa Ibrani, kata Babel mirip deng kata yang pu arti &#8216;babingung.&#8217; trus dari situ TUHAN kas pisa-pisa dong ke sluru bumi.</div><div class="s">Sem pu anana cucu</div><div class="sr"> 11:10-26</div><div class="r">(1 Taw 1:24-27)</div><div class="p"> 10Ini daftar anana cucu dari Sem.</div><div class="p">Pas su lewat dua taun dari waktu banjir paling besar tu, waktu Sem pu umur 100 taun, de pu anak Arpaksad lahir. 11Sem masi hidup 500 taun lagi habis de pu anak Arpaksad ni lahir. De juga ada anana laki-laki deng anana prempuan yang lain.</div><div class="p"> 12Waktu Arpaksad pu umur su 35 taun, de pu anak Sela lahir. 13Arpaksad de masi hidup 403 taun lagi, habis de pu anak Sela lahir. De juga ada anana laki-laki deng anana prempuan yang lain.</div><div class="p"> 14Waktu Sela pu umur su 30 taun, de pu anak Eber lahir. 15Sela de masi hidup 403 taun lagi, habis de pu anak Eber lahir. De juga ada anana laki-laki deng anana prempuan yang lain.</div><div class="p"> 16Waktu Eber pu umur su 34 taun, de pu anak Peleg lahir. 17Eber masi hidup 430 taun lagi, habis de pu anak Peleg lahir. De juga ada anana laki-laki deng anana prempuan yang lain.</div><div class="p"> 18Waktu Peleg pu umur su 30 taun, de pu anak Rehu lahir. 19Peleg masi hidup 209 taun lagi, habis de pu anak Rehu lahir. De juga ada anana laki-laki deng anana prempuan yang lain.</div><div class="p"> 20Waktu Rehu pu umur su 32 taun, de pu anak Serug lahir. 21Habis Serug lahir, Rehu masi hidup 207 taun lagi. De juga ada anana laki-laki deng anana prempuan yang lain.</div><div class="p"> 22Waktu Serug pu umur su 30 taun, de pu anak Nahor lahir. 23Serug masi hidup 200 taun lagi, habis de pu anak Nahor lahir. De juga ada anana laki-laki deng anana prempuan yang lain.</div><div class="p"> 24Waktu Nahor pu umur su 29 taun, de pu anak Terah lahir. 25Nahor masi hidup 119 taun lagi, habis de pu anak Terah lahir. De juga ada anana laki-laki deng anana prempuan yang lain.</div><div class="p"> 26Waktu Terah pu umur su 70 taun, de pu anak tiga lahir. De pu anana tu Abram, Nahor, deng Haran.</div><div class="s">Terah pu anana cucu</div><div class="sr"> 11:27-32</div><div class="p"> 27Ini crita tentang Terah pu anana cucu.</div><div class="p">Terah pu anana tu Abram, Nahor, deng Haran. Haran de pu anak laki-laki nama Lot. 28Trus waktu Terah de masi hidup, de pu anak Haran mninggal di kota Ur di tana Babilonia, kota tempat dong lahir itu. 29Abram de kawin deng prempuan satu yang nama Sarai, trus Nahor kawin deng prempuan yang nama Milka. Milka ni Haran pu anak prempuan. Haran juga pu anak prempuan lain yang pu nama Yiska. 30Sarai ni de mandul, de trada anak.</div><div class="p"> 31Satu kali begini, Terah de bawa de pu anak Abram deng Abram pu istri Sarai, sama de pu cucu Lot, Haran pu anak ini. Dong sama-sama pigi kas tinggal kota Ur yang di tana Babilonia tu, trus dong mo pigi ke tana Kanaan. Tapi pas waktu dong sampe di kota satu yang de nama tu Haran, dong stop trus tinggal disitu. 32Di kota Haran ni Terah de mninggal. Terah pu umur su masuk 205 taun waktu de mninggal. </div>
 </div>
 </div>
</div>

Dulu orang smua bicara pake satu bahasa yang sama. Waktu dong jalan ke timur, dong ketemu tana yang rata di daera yang nama Sinear, trus dong tinggal disitu.
Satu kali begini, yang satu bilang ke yang lain, “Ayo, tong buat batu bata dari tana liat, trus tong bakar sampe kras.” Batu bata itu yang dong pake ganti batu, trus dong pake aspal cair untuk kas lengket batu bata itu. Trus dong bilang juga, “Mari tong bangun kota satu deng de pu bangunan tinggi sampe ke langit. Supaya tong dapa knal, trus jang tong tapisa-pisa ke sluru bumi.”
Begini, TUHAN turun liat kota deng bangunan tinggi yang orang-orang dong bangun itu. Baru TUHAN bilang begini,
“Dong smua ni satu bangsa yang pu bahasa satu saja. Apa yang dong bikin skarang ni, itu baru langka pertama saja. Apa lagi nanti, dong bisa bikin apa saja yang dong mau. Mari Tong turun bikin dong bingung deng dong pu bahasa, supaya dong tra baku mngerti bahasa satu sama yang lain.”
Jadi begitu suda, TUHAN bikin sampe dong tapisa-pisa ke sluru bumi. Karna itu dong stop bangun kota. Itu yang knapa kota itu pu nama Babel, karna disitu TUHAN bikin sluru bumi babingung deng dong pu bahasa, trus dari situ TUHAN kas pisa-pisa dong ke sluru bumi.



Ini daftar anana cucu dari Sem.
Pas su lewat dua taun dari waktu banjir paling besar tu, waktu Sem pu umur 100 taun, de pu anak Arpaksad lahir. Sem masi hidup 500 taun lagi habis de pu anak Arpaksad ni lahir. De juga ada anana laki-laki deng anana prempuan yang lain.
Waktu Arpaksad pu umur su 35 taun, de pu anak Sela lahir. Arpaksad de masi hidup 403 taun lagi, habis de pu anak Sela lahir. De juga ada anana laki-laki deng anana prempuan yang lain.
Waktu Sela pu umur su 30 taun, de pu anak Eber lahir. Sela de masi hidup 403 taun lagi, habis de pu anak Eber lahir. De juga ada anana laki-laki deng anana prempuan yang lain.
Waktu Eber pu umur su 34 taun, de pu anak Peleg lahir. Eber masi hidup 430 taun lagi, habis de pu anak Peleg lahir. De juga ada anana laki-laki deng anana prempuan yang lain.
Waktu Peleg pu umur su 30 taun, de pu anak Rehu lahir. Peleg masi hidup 209 taun lagi, habis de pu anak Rehu lahir. De juga ada anana laki-laki deng anana prempuan yang lain.
Waktu Rehu pu umur su 32 taun, de pu anak Serug lahir. Habis Serug lahir, Rehu masi hidup 207 taun lagi. De juga ada anana laki-laki deng anana prempuan yang lain.
Waktu Serug pu umur su 30 taun, de pu anak Nahor lahir. Serug masi hidup 200 taun lagi, habis de pu anak Nahor lahir. De juga ada anana laki-laki deng anana prempuan yang lain.
Waktu Nahor pu umur su 29 taun, de pu anak Terah lahir. Nahor masi hidup 119 taun lagi, habis de pu anak Terah lahir. De juga ada anana laki-laki deng anana prempuan yang lain.
Waktu Terah pu umur su 70 taun, de pu anak tiga lahir. De pu anana tu Abram, Nahor, deng Haran.


Ini crita tentang Terah pu anana cucu.
Terah pu anana tu Abram, Nahor, deng Haran. Haran de pu anak laki-laki nama Lot. Trus waktu Terah de masi hidup, de pu anak Haran mninggal di kota Ur di tana Babilonia, kota tempat dong lahir itu. Abram de kawin deng prempuan satu yang nama Sarai, trus Nahor kawin deng prempuan yang nama Milka. Milka ni Haran pu anak prempuan. Haran juga pu anak prempuan lain yang pu nama Yiska. Sarai ni de mandul, de trada anak.
Satu kali begini, Terah de bawa de pu anak Abram deng Abram pu istri Sarai, sama de pu cucu Lot, Haran pu anak ini. Dong sama-sama pigi kas tinggal kota Ur yang di tana Babilonia tu, trus dong mo pigi ke tana Kanaan. Tapi pas waktu dong sampe di kota satu yang de nama tu Haran, dong stop trus tinggal disitu. Di kota Haran ni Terah de mninggal. Terah pu umur su masuk 205 taun waktu de mninggal.

ฟัง Kejadian 11