Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Jesus Rakojere Tuwiemagebo</div><div class="p"> 1Nou inodu otobiji Jesus kodure Galil&#233;ia motoji. Jud&#233;ia moto kejewu Judeu doge eimijerage etaidure tuwo Jesus bito. Dukodire Jesus aidukare tugoduwo Jud&#233;ia motoji. 2Kuri aino Judeu doge ewadumode ia tuwadaeji. Nou ewadure jiwu ewadae iere &#8220;Ma&#269;ebradu&#8221;. 3-4Nono Jesus uwiemage emagore ji. Egore: &#8211; Boe etaidumode boe erduwawo pudui boe emodukare turo rakareu biado boe epiji. &#268;a atudo toro Jud&#233;ia moto ka. Nou Jud&#233;ia moto kejewuge emeardure boe egore aro rakaie. Etaidure tuduwo akabo. Atudo toro awo erdudo aro rakareuji. Dukodire boe eiamedu boe erduwamode ai rugadu.</div><div class="p"> 5Mare nou Jesus uwiemage emeartorukare ji dukodire egoino.</div><div class="p"> 6Mare Jesus makore ei. Akore: &#8211; Tameardae pagare. Iorduware itumode toro kejewu meriji. Kajao. 7Boe erdu pegakare tai. Mare imi ire boe ewie ero pegareu jamedu boeji dukodire erdu pegare i rugadu. 8Tadudo nou Judeu doge ewadae ka. Itumodukare raga. Nou itumode kejewu meri aregodukare raga.</div><div class="p"> 9Jesus utukare nou Galil&#233;ia moto piji nou meriji rugadu.</div><div class="s">Jesus Uture Judeu Doge Ewadae Ka</div><div class="p"> 10Jesus uwiemage eture toro nou Judeu doge ewadae ka. Dukejere Jesus uture toro jamedu. Mare ure tuwiado boe epiji. 11Nou ewadae kejere nou Judeu doge eimijerage emarure Jesus bagai. Egore: &#8211; Ema pa?</div><div class="p"> 12Nou ewadae kejewu boe doge enogwa podure pui Jesus jiboeji. Iage egore: &#8211; Imedu pemegareu nure ema.</div><div class="p">Mare iage egore: &#8211; Boro. Unure boe ekiripagado.</div><div class="p"> 13Mare emagokare nou inodu boeji boe ewiagai. Epagudure tugimijerage&#269;e kodi.</div><div class="p"> 14Nou Judeu doge ewadure rugadu nou tuwadaeji. Mare ewadu kimore dukeje Jesus uture Pao Kurireu uwai ka. Nonore ure boe erduwado. 15Judeu doge eimijerage erore ta je. Egore: &#8211; Boe ekare awu imedu jorduwado. Kodiba &#269;are jorduware aino?</div><div class="p"> 16Jesus akore: &#8211; Pao Kurireu koiare ure itarego woe. Du bataru jire inagore aino iwo boe erduwado. 17Aidure tumeartoruwo Pao Kurireu bataru jiwuge erduwamode iwadaruji. Erduwamode jamedu iwadaru ji karega inagoino. Erduwamode Pao Kurireu bataru remawu jire inagoino duji. 18Ia boe emagomode tu pudumie tuiorduware. Nouge etaidure boe etaiwowo tu pudui, boe enojarowo nou tuwadaruji. Mare ia aidumode boe emago pemegawo nou ure tarego matowuji dukeje batrarodumodukare. Boe jokodu jire akoino boe etaiduwo nou ure tarego matowuji. 19Mariguduwuge pawobe eimijera Mois&#233;s ure Pao Kurireu meardae maku etai eno bakaru&#269;e. Dukodire tago bakarure aino jii aino. Mare taiamedu boe tameartorukare nou tago bakaruji rugadu. Kodiba tagaidure tawo iwido?</div><div class="p"> 20Nou boe egore: &#8211; &#268;edaidukare &#269;ewo awido. Ia bope uwari meture atada rugadu kodire akagoino.</div><div class="p"> 21Jesus akore: &#8211; Iro rakare s&#225;bado meri keje dukodire taerore ta je. 22Marigudu Mois&#233;s ure taro maku tagai tawo tagore ime ewaga oto biri kado. Mare ia jawu jaoboe eigoiare ere nou taro maku tagai boetoji. Nono Mois&#233;s rore aino tai jamedu aino boigodu. Dukodire tare tagore ime eiamedu boe ewaga oto biri kado rugadu. Taromode aino s&#225;bado meri keje jamedu. 23Mois&#233;s ure tago bakaru maku tagai. Akore tamaragodukaiago s&#225;bado meri keje mare boe pegakaie tai tawo tagore ime ewaga oto biri kado s&#225;bado meri keje. Ire nou imedu pemegado s&#225;bado meri keje dukodire tagorigodure aino i. Tagagore boe erokaie aino s&#225;bado meri keje. 24Tagaiwokaba boei tameardae pegareu tabo. Tagaiwodo boei eromode jiboeji emeardaemode jiboeji jamedu. Dukodire tarduwamode ei rugadu.</div><div class="s">Boe Epagare Bagaiwu Umode Boe Ekinorudowu Nure Ema?</div><div class="p"> 25Nouia mugure Jerusal&#233;m ba kurireu kejewuge egore: &#8211; &#268;owu pagimijerage etaidure tuwo bitowu imedu karegau? 26Ko&#269;are makore boe eiamedu boe ewiagai boe eiamedu boe egai. Mare boe emago pegareu bokware ia tuwadaruji ji. Pagimijerage erduwa kana umode boe ekinorudowu nure ema duji? Erduwa kana pabagare bagaiwu nure ema duji? 27Boe erduwamodukare kaibowu pijiba umode boe ekinorudowu aregodumode. Mare paiamedu boe parduware kaibowu pijiba awu imedu aregodure.</div><div class="p"> 28Jesus ure boe erduwado Pao Kurireu uwai tada dukeje ure tumago pemegado toro boe etae boe eiamedu boe emearduwo tuwadaruji. Akore: &#8211; Tameardaere tarduwaie itaregodure pijiwu motoji. Mare nou ure itarego matowu emare ure itudo jetu. Imi itaobiji karega itaregodure. Nou ure itarego matowu batrarodumodukare. Boe remawu nure ema rugadu. Mare tarduwakare ji. 29Iragojere apo dukodire iorduware ji. Ema koiare ure itarego mato.</div><div class="p"> 30Nono iage etaidure tuwo tugeragu ji tuwo tugu bai&#269;oreuto. Mare Pao Kurireu aidukare dukodire erokare aino ji rugadu. 31Mare iage emeartorure Jesusji. Awu meartorure jiwuge emagare. Egore: &#8211; Awu imedu ro rakare nono pabagare bagaiwu umode boe ekinorudowu mogadure rugadu.</div><div class="s">Boe Eimijerage Ere Tugobaigarege Etudo Tuwo Tugeragu Jesusji</div><div class="p"> 32Fariseu doge emeardure nou boe enogwa podure pui Jesus jiboe jituji. Dukejere ere tugobaigarege etudo toro tuwo tugeragu Jesusji. Nou ure Judeu doge enomea maku Pao Kurireu aiwuge eimijerage emeardaere nono nou fariseu doge emeardae mogadure jamedu. 33Jesus makore boei. Akore: &#8211; Iragoje biagamode tu tagabo. Kuri aino itumode tabiji toro ure itarego matowu bagai ibagi. 34Tagaiwomode iwagai mare tardumodukare i. Taroiwamodukare taduwo toro iragojemodewu ka.</div><div class="p"> 35Nou Judeu doge egore pui: &#8211; Kaiba kodumode? Utumode kana toro pawobe etae toro ia Gr&#233;cia moto kejewu ba kurireu ka tuwo nou Gr&#233;cia kejewuge erduwado? Nuba romode pardukawo pudui pugeje? 36Akore pagaiwomoduie tuwagai mare pardumodukaie pudui. Akore paroiwamodukaie paduwo toro turagojemodewu ka. Kaba jiba akoino?</div><div class="s">Awu Pobo Umode Boe Emugu Pemegado Pao Kurireu Apo</div><div class="p"> 37Awu meriji nou Judeu doge ewadae remawu akedu kejewu meri reo. Jesus ure turagojedo. Ure tumago pemegado boe eiamedu boe emearduwo. Akore: &#8211; Pobo boeire ia tai dukeje tadudo itae. 38Pao Kurireu bataru padure bapera keje. Akore: &#8220;Meartorure iwuge ekudumode nou pobo&#269;e dukeje umode turedo epiji. Nou pobo umode emugu pemegado rugadu. Du akedumodukare rugadu.&#8221;</div><div class="p"> 39Mare pobo ji karega Jesus akoino. Pao Kurireu Uwari jire Jesus akoino. Boe emeartorumode Jesusji dukeje Pao Kurireu umode Tuwari maku nou boe etai. Dujire Jesus akoino. Mare Jesus akore aino nou boei kimo mare Pao Kurireu ukare Tuwari maku boe etai raga. Jesus jewodukare tuwi piji raga turuduwo baruto dukodire ukare maku etai raga.</div><div class="s">Nou Boe Emeardaekare Nou Pumeardaeji</div><div class="p"> 40Nou boe emeardure nou Jesus bataruji dukeje iage egore: &#8211; Pao Kurireu ure pawie jiwu, makore Pao Kurireu bataru jiwu nure awu imedu&#269;e rugadu.</div><div class="p"> 41Iage egore: &#8211; Pabagare bagaiwu umode boe ekinorudowu nure ema.</div><div class="p">Mare iage emeartorukare. Erduwakare Jesus boture Bel&#233;m ba kurireu keje duji. Dukodire egore: &#8211; Ema karega. Awu imedu boture Galil&#233;ia moto keje. 42Pao Kurireu akore Bel&#233;m ba kurireu kejeie nou pabagare bagaiwu umode boe ekinorudowu botumode. Jao pagimijera kurireu Davi uwobe moduie ema. Bel&#233;m ba kurireu kejere nou Davi mugure. Mare awu Jesus botukare Bel&#233;m ba kurireu keje.</div><div class="p">Ainore nou boe egore. Mare erduwakare Jesus boture Bel&#233;m ba kurireu keje duji. Dukodire egoino. 43Dukodire emeartorukare ji. Dukodire nou boe emeardaekare pumeardae mogadure Jesus jiture. 44Iage etaidure tuwo tugeragu ji tuwo tugu bai&#269;oreuto. Mare boe eragakare tuduwo ae.</div><div class="s">Judeu Doge Eimijerage Emeartorukare Jesusji</div><div class="p"> 45Dukodire tugobaigarege eture tuibagi tugimijerage fariseu doge etae, tugimijerage ure Judeu doge enomea maku Pao Kurireu aiwuge eimijerage etae. Nou tugobaigarege eimijerage enarare ei. Egore: &#8211; Kodiba tagaregodukare apo?</div><div class="p"> 46Nou tugobaigarege egore: &#8211; Marigudu boe emagokare nono nou imedu makore jiboe mogadure ji aino. Mako pemegare rugadu.</div><div class="p"> 47Nou fariseu doge ekorigodure. Egore: &#8211; Ure taekiripagado rugadu. 48Judeu doge eimijerage eiamedu boe emeartorukare ji rugadu. Fariseu doge nure &#269;egi. &#268;eiamedu boe &#269;emeartorukare ji rugadu. 49Awu boe erduwakare Mois&#233;s ure maku pagaiwu pago bakaruji paroji. Dukodire Pao Kurireu ro pegare ei. Dukodi &#269;are boe pegamode ei rugadu.</div><div class="p">Ainore nou fariseu doge egore.</div><div class="p"> 50Ia fariseu iere Nicodemos. Emare uture Jesus ae marigudu tuiorduwawo Jesus bataruji. Aino &#269;are makore tumedage fariseu dogei. 51Akore: &#8211; Pawiapagamode boe ewadaruji parduwawo eroji dukeje pagaiwomode ero pegareu bagai. Ainore pago bakaru ure. Ainore parore. Paromodukare aino dukeje paro peganure.</div><div class="p"> 52-53Mare nou fariseu doge egore: &#8211; Awodu kana Galil&#233;ia moto keje jamedu nono awu imedu Jesus mogadure? Akaidure ji? Akaiwodo Pao Kurireu bataru padure kejewu baperaji. Akaiwomode ji dukeje arduwamode nou makore Pao Kurireu bataru jiwuge eiamedu boe ewodukare nou Galil&#233;ia moto keje rugadu.</div>
 </div>
 </div>
</div>

Nou inodu otobiji Jesus kodure Galiléia motoji. Judéia moto kejewu Judeu doge eimijerage etaidure tuwo Jesus bito. Dukodire Jesus aidukare tugoduwo Judéia motoji. Kuri aino Judeu doge ewadumode ia tuwadaeji. Nou ewadure jiwu ewadae iere “Mačebradu”. Nono Jesus uwiemage emagore ji. Egore: – Boe etaidumode boe erduwawo pudui boe emodukare turo rakareu biado boe epiji. Ča atudo toro Judéia moto ka. Nou Judéia moto kejewuge emeardure boe egore aro rakaie. Etaidure tuduwo akabo. Atudo toro awo erdudo aro rakareuji. Dukodire boe eiamedu boe erduwamode ai rugadu.
Mare nou Jesus uwiemage emeartorukare ji dukodire egoino.
Mare Jesus makore ei. Akore: – Tameardae pagare. Iorduware itumode toro kejewu meriji. Kajao. Boe erdu pegakare tai. Mare imi ire boe ewie ero pegareu jamedu boeji dukodire erdu pegare i rugadu. Tadudo nou Judeu doge ewadae ka. Itumodukare raga. Nou itumode kejewu meri aregodukare raga.
Jesus utukare nou Galiléia moto piji nou meriji rugadu.

Jesus uwiemage eture toro nou Judeu doge ewadae ka. Dukejere Jesus uture toro jamedu. Mare ure tuwiado boe epiji. Nou ewadae kejere nou Judeu doge eimijerage emarure Jesus bagai. Egore: – Ema pa?
Nou ewadae kejewu boe doge enogwa podure pui Jesus jiboeji. Iage egore: – Imedu pemegareu nure ema.
Mare iage egore: – Boro. Unure boe ekiripagado.
Mare emagokare nou inodu boeji boe ewiagai. Epagudure tugimijerageče kodi.
Nou Judeu doge ewadure rugadu nou tuwadaeji. Mare ewadu kimore dukeje Jesus uture Pao Kurireu uwai ka. Nonore ure boe erduwado. Judeu doge eimijerage erore ta je. Egore: – Boe ekare awu imedu jorduwado. Kodiba čare jorduware aino?
Jesus akore: – Pao Kurireu koiare ure itarego woe. Du bataru jire inagore aino iwo boe erduwado. Aidure tumeartoruwo Pao Kurireu bataru jiwuge erduwamode iwadaruji. Erduwamode jamedu iwadaru ji karega inagoino. Erduwamode Pao Kurireu bataru remawu jire inagoino duji. Ia boe emagomode tu pudumie tuiorduware. Nouge etaidure boe etaiwowo tu pudui, boe enojarowo nou tuwadaruji. Mare ia aidumode boe emago pemegawo nou ure tarego matowuji dukeje batrarodumodukare. Boe jokodu jire akoino boe etaiduwo nou ure tarego matowuji. Mariguduwuge pawobe eimijera Moisés ure Pao Kurireu meardae maku etai eno bakaruče. Dukodire tago bakarure aino jii aino. Mare taiamedu boe tameartorukare nou tago bakaruji rugadu. Kodiba tagaidure tawo iwido?
Nou boe egore: – Čedaidukare čewo awido. Ia bope uwari meture atada rugadu kodire akagoino.
Jesus akore: – Iro rakare sábado meri keje dukodire taerore ta je. Marigudu Moisés ure taro maku tagai tawo tagore ime ewaga oto biri kado. Mare ia jawu jaoboe eigoiare ere nou taro maku tagai boetoji. Nono Moisés rore aino tai jamedu aino boigodu. Dukodire tare tagore ime eiamedu boe ewaga oto biri kado rugadu. Taromode aino sábado meri keje jamedu. Moisés ure tago bakaru maku tagai. Akore tamaragodukaiago sábado meri keje mare boe pegakaie tai tawo tagore ime ewaga oto biri kado sábado meri keje. Ire nou imedu pemegado sábado meri keje dukodire tagorigodure aino i. Tagagore boe erokaie aino sábado meri keje. Tagaiwokaba boei tameardae pegareu tabo. Tagaiwodo boei eromode jiboeji emeardaemode jiboeji jamedu. Dukodire tarduwamode ei rugadu.

Nouia mugure Jerusalém ba kurireu kejewuge egore: – Čowu pagimijerage etaidure tuwo bitowu imedu karegau? Kočare makore boe eiamedu boe ewiagai boe eiamedu boe egai. Mare boe emago pegareu bokware ia tuwadaruji ji. Pagimijerage erduwa kana umode boe ekinorudowu nure ema duji? Erduwa kana pabagare bagaiwu nure ema duji? Boe erduwamodukare kaibowu pijiba umode boe ekinorudowu aregodumode. Mare paiamedu boe parduware kaibowu pijiba awu imedu aregodure.
Jesus ure boe erduwado Pao Kurireu uwai tada dukeje ure tumago pemegado toro boe etae boe eiamedu boe emearduwo tuwadaruji. Akore: – Tameardaere tarduwaie itaregodure pijiwu motoji. Mare nou ure itarego matowu emare ure itudo jetu. Imi itaobiji karega itaregodure. Nou ure itarego matowu batrarodumodukare. Boe remawu nure ema rugadu. Mare tarduwakare ji. Iragojere apo dukodire iorduware ji. Ema koiare ure itarego mato.
Nono iage etaidure tuwo tugeragu ji tuwo tugu baičoreuto. Mare Pao Kurireu aidukare dukodire erokare aino ji rugadu. Mare iage emeartorure Jesusji. Awu meartorure jiwuge emagare. Egore: – Awu imedu ro rakare nono pabagare bagaiwu umode boe ekinorudowu mogadure rugadu.

Fariseu doge emeardure nou boe enogwa podure pui Jesus jiboe jituji. Dukejere ere tugobaigarege etudo toro tuwo tugeragu Jesusji. Nou ure Judeu doge enomea maku Pao Kurireu aiwuge eimijerage emeardaere nono nou fariseu doge emeardae mogadure jamedu. Jesus makore boei. Akore: – Iragoje biagamode tu tagabo. Kuri aino itumode tabiji toro ure itarego matowu bagai ibagi. Tagaiwomode iwagai mare tardumodukare i. Taroiwamodukare taduwo toro iragojemodewu ka.
Nou Judeu doge egore pui: – Kaiba kodumode? Utumode kana toro pawobe etae toro ia Grécia moto kejewu ba kurireu ka tuwo nou Grécia kejewuge erduwado? Nuba romode pardukawo pudui pugeje? Akore pagaiwomoduie tuwagai mare pardumodukaie pudui. Akore paroiwamodukaie paduwo toro turagojemodewu ka. Kaba jiba akoino?

Awu meriji nou Judeu doge ewadae remawu akedu kejewu meri reo. Jesus ure turagojedo. Ure tumago pemegado boe eiamedu boe emearduwo. Akore: – Pobo boeire ia tai dukeje tadudo itae. Pao Kurireu bataru padure bapera keje. Akore: “Meartorure iwuge ekudumode nou poboče dukeje umode turedo epiji. Nou pobo umode emugu pemegado rugadu. Du akedumodukare rugadu.”
Mare pobo ji karega Jesus akoino. Pao Kurireu Uwari jire Jesus akoino. Boe emeartorumode Jesusji dukeje Pao Kurireu umode Tuwari maku nou boe etai. Dujire Jesus akoino. Mare Jesus akore aino nou boei kimo mare Pao Kurireu ukare Tuwari maku boe etai raga. Jesus jewodukare tuwi piji raga turuduwo baruto dukodire ukare maku etai raga.

Nou boe emeardure nou Jesus bataruji dukeje iage egore: – Pao Kurireu ure pawie jiwu, makore Pao Kurireu bataru jiwu nure awu imeduče rugadu.
Iage egore: – Pabagare bagaiwu umode boe ekinorudowu nure ema.
Mare iage emeartorukare. Erduwakare Jesus boture Belém ba kurireu keje duji. Dukodire egore: – Ema karega. Awu imedu boture Galiléia moto keje. Pao Kurireu akore Belém ba kurireu kejeie nou pabagare bagaiwu umode boe ekinorudowu botumode. Jao pagimijera kurireu Davi uwobe moduie ema. Belém ba kurireu kejere nou Davi mugure. Mare awu Jesus botukare Belém ba kurireu keje.
Ainore nou boe egore. Mare erduwakare Jesus boture Belém ba kurireu keje duji. Dukodire egoino. Dukodire emeartorukare ji. Dukodire nou boe emeardaekare pumeardae mogadure Jesus jiture. Iage etaidure tuwo tugeragu ji tuwo tugu baičoreuto. Mare boe eragakare tuduwo ae.

Dukodire tugobaigarege eture tuibagi tugimijerage fariseu doge etae, tugimijerage ure Judeu doge enomea maku Pao Kurireu aiwuge eimijerage etae. Nou tugobaigarege eimijerage enarare ei. Egore: – Kodiba tagaregodukare apo?
Nou tugobaigarege egore: – Marigudu boe emagokare nono nou imedu makore jiboe mogadure ji aino. Mako pemegare rugadu.
Nou fariseu doge ekorigodure. Egore: – Ure taekiripagado rugadu. Judeu doge eimijerage eiamedu boe emeartorukare ji rugadu. Fariseu doge nure čegi. Čeiamedu boe čemeartorukare ji rugadu. Awu boe erduwakare Moisés ure maku pagaiwu pago bakaruji paroji. Dukodire Pao Kurireu ro pegare ei. Dukodi čare boe pegamode ei rugadu.
Ainore nou fariseu doge egore.
Ia fariseu iere Nicodemos. Emare uture Jesus ae marigudu tuiorduwawo Jesus bataruji. Aino čare makore tumedage fariseu dogei. Akore: – Pawiapagamode boe ewadaruji parduwawo eroji dukeje pagaiwomode ero pegareu bagai. Ainore pago bakaru ure. Ainore parore. Paromodukare aino dukeje paro peganure.
Mare nou fariseu doge egore: – Awodu kana Galiléia moto keje jamedu nono awu imedu Jesus mogadure? Akaidure ji? Akaiwodo Pao Kurireu bataru padure kejewu baperaji. Akaiwomode ji dukeje arduwamode nou makore Pao Kurireu bataru jiwuge eiamedu boe ewodukare nou Galiléia moto keje rugadu.

ฟัง João 7