Waima - 2002 Edition (NT) Non-Drama

Waima - 2002 Edition (NT) Drama

<div class="version vid1472 iso6393rro" data-vid="1472" data-iso6393="rro">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Iesu Morumoru Hauna Ebanamona.</div><div class="r">(Mk 1.40-44; Lk 5.12-14)</div><div class="p"> 1Iesu oeo ai eriri raninai maearima to'u rarina 'akina murinai te'au. 2Morumoru hauna ha emai Iesu wairanai ekaipehu e'abi etibaha, &#8220;Obiapaka e, konuatae raninai kobanamona'u ketaina.&#8221; 3Iesu imana etiu ahina ea'i 'apuana e'abi etibaha, &#8220;Au nanuatae haumu menamo.&#8221; Biaimo ena morumoru enamo. 4Ba Iesu hau weiana ehinabena etibaha, &#8220;Hau ha haianai a'i ko'abi, ia koao kipomu robe hauna herenai haumu kobaihana, mai beruberu Mose e'uahina hauna kobaibeni ia herenai kebatohani'o oi hanona aba onamo.&#8221;</div><div class="s">Roma Huari Poki Hauna Ena A'ikakauma Hoana.</div><div class="r">(Lk 7.1-10)</div><div class="p"> 5Iesu Kaperanauma aiaranai ekatoto raninai, Roma huari poki hauna ha emai herena enoina kebaraina. 6E'abi etibaha, &#8220;Obiapaka e, e'u ta'ara a'i hauna nimero ituai enoti, hauna nihaiara ki'a.&#8221; 7Iesu ehinabena etibaha, &#8220;Kawahi kabanamona.&#8221; 8Huari poki hauna e'abi etibaha, &#8220;Obiapaka e, au a'i anamo oi komai e'u itu, 'a ko'abi mo weiana e'u ta'ara a'i hauna kemauri. 9Pokina au hanona hiabu hauna ha ba'anai n&#817;amiaho mai huari haukia baika au ba'a'uai t&#817;emiaho. Au hau neiana n&#817;ahina bena, &#8216;Moao&#8217; hanona niao, haeamona hau weiana n&#817;ahina bena, &#8216;Omai.&#8217; hanona nimai. Abomo e'u ta'ara a'i hauna n&#817;ahina bena, &#8216;Neiana mobabaina.&#8217; hanona ia nihore nibabaina.&#8221; 10Iesu aia weiana eona raninai eta'u ta'u huri, ba murinai ti'au haukia ehinabenakia etibaha, &#8220;'Abi tohana au wai nahinabenimi, Isaraela aonai hau ha herenai a'ikakauma n&#817;ahomana ha a'i atabu ahi 'apuana.</div><div class="p"> 11Au wai nahinabenimi maearima bo'ona 'akina taetanai mai tibotainai katemai Tirama ena obia aiarana aonai tatu 'ekanai Aberahamo, Isako, Iakobo kipokia katemiati haeamo. 12Ia maearima weiakia Tirama ena obia aiarana eba'oruna 'eukia haukia hanona mahana wapuranai katekapo ahinakia weia katehai mai nihekia katearao'i arao'i.&#8221;</div><div class="p"> 13Iesu huari poki hauna ehinabena etibaha, &#8220;Moao emu itu, oa'ikakauma ihobonai heremuai aba kerama.&#8221; Ena ta'ara a'i hauna beraura hoana weiana aonai beronai emauri mauri.</div><div class="s">Iesu Petero Rawana Babi'ena Ena Inawai Ebanamona.</div><div class="r">(Mk 1.29-31; Lk 4.38-39)</div><div class="p"> 14Iesu Petero ena ituai ekatoto raninai, Petero rawana babi'ena eihana neinawa hauna nehiabu enoti. 15Iesu ehore babi'e imana ea'i 'apuana, ba inawa ehabona, babi'e emikiri Iesu ta'arana ea'i.</div><div class="s">Iesu Ehore Inawa Haeai Haeai Ebanamonakia.</div><div class="r">(Mk 1.32-34; Lk 4.40-41)</div><div class="p"> 16Weiana rabirabi eaoaina aonai maearima bo'ona auba ki'a obokia aokiai haukia temaiainakia Iesu herena. Iesu hanona ena 'abiai auba ki'a obokia eu'u ahinakia mai inawa haukia ikoikiai ebamaurinakia. 17Neiana hanona Isaia mahabanai hauna ena 'abi ibatohana n&#817;a e'abi aiho,</div><div class="q">&#8216;Ia kipona eka 'abe'abe</div><div class="q">kea'i parenakia</div><div class="q">mai eka inawa kebua obonakia.&#8217;</div><div class="s">Iesu I'abana Haukiai Kateao.</div><div class="r">(Lk 9.57-60)</div><div class="p"> 18Iesu to'u rarina tekori kaiarona eihanakia raninai i'abana haukia ehina benakia katekabanai obu abirana kateao. 19Rauhubu poki hauna ha emai Iesu ehinabena etibaha, &#8220;Ba'iobi haumu e, 'eka tabana koao ia au hanona oi murimuai ka'au.&#8221; 20Iesu ia ena 'abi ebamuena etibaha, &#8220;Waeha 'aki hanona mai ekia 'uri, mai 'ubi roborobokia hanona mai ekia ni'i, 'a au maearima nahuna hanona ara'u kahorotina karai 'ekana aha'i.&#8221; 21I'abana hauna ha Iesu ehinabena etibaha, &#8220;Obiapaka e, paeao 'uai hama'u pahorena.&#8221; 22'A Iesu ia ehinabena etibaha, &#8220;Muri'uai mo'au, 'ari haukia hanona mohabonakia kipokia ekia 'ari temehorena.&#8221;</div><div class="s">Iesu Rani Mai Roio Eba'omatanakia.</div><div class="r">(Mk 4.36-41; Lk 8.22-25)</div><div class="p"> 23Weiana Iesu ahiai ehe'au, i'abana haukia kipokia teao. 24Weiana obuai kou rarina 'akina eabu 'au, roio rarikia temikiri ahi tebahu abuna, 'a Iesu hanona eparua 'ari. 25I'abana haukia teao tebaona te'abi tetibaha, &#8220;Obiapaka e, moba maurinaka aba kahatono.&#8221; 26Ia ekia 'abi ebamuena etibaha, &#8220;Emi a'ikakauma eko'i ko'i haumi, aehoma buonai tuta'u ki'a?&#8221; Ba Iesu emikiri rani mai roio erikenakia, weiana beronai e'omata harai 'aki. 27Hau weiakia teta'u ta'u huri te'abi tetibaha, &#8220;Neiana hanona hau tabana, ba rani mai roio abomo aiana tika'aina.&#8221;</div><div class="s">Iesu Hau Rua Aokiai Auba Ki'a Obokia Eu'u Ahinakia.</div><div class="r">(Mk 5.1-17; Lk 8.26-37)</div><div class="p"> 28Iesu obu abirana Gadarene hanonai ekara'au raninai, hau rua aokiai auba ki'a obokia t&#817;emiaho haukia 'ari ahanai temai herena. Ia teaiahu wairai paunai hau ha taeara weianai a'i ekabanai. 29Ia teio tetibaha, &#8220;Tirama nahuna e, heremai ai taba nonuatae aina? Rani a'i nitai bahana ia oi omai hanona ai kobahaiaranamai, u?&#8221; 30'Eka weianai baiatana a'i ehoma'a hanona aiporo to'una ha tianiani. 31Ba auba ki'a obokia Iesu tenoina tetibaha, &#8220;Oi kobakarahinamai raninai, kouhunamai kataeao aiporo to'una weiana aokiai katatoto.&#8221;</div><div class="p"> 32Weiana ia ehinabenakia etibaha, &#8220;Tomoao.&#8221; Ba ia tekarahi teao, aiporo aokiai tetoto. Aiporo to'una maikoinai herehere ai tebeau riri papa'a ai terobo ahi obu aonai tetobu tetono 'ari.</div><div class="p"> 33Aiporo 'ima haukia tebeau obo aiara apa'uanai pou neiana mai auba ki'a obokia hau aokiai temiaho haukia pouna abomo tehinana. 34Weiana aiara apa'uana maearimana maikoinai temai Iesu kateihana. Ba temai teihana raninai, tenoina ekia hano kehabona.</div>
 </div>
 </div>
</div>

Iesu oeo ai eriri raninai maearima to'u rarina 'akina murinai te'au. Morumoru hauna ha emai Iesu wairanai ekaipehu e'abi etibaha, “Obiapaka e, konuatae raninai kobanamona'u ketaina.” Iesu imana etiu ahina ea'i 'apuana e'abi etibaha, “Au nanuatae haumu menamo.” Biaimo ena morumoru enamo. Ba Iesu hau weiana ehinabena etibaha, “Hau ha haianai a'i ko'abi, ia koao kipomu robe hauna herenai haumu kobaihana, mai beruberu Mose e'uahina hauna kobaibeni ia herenai kebatohani'o oi hanona aba onamo.”


Iesu Kaperanauma aiaranai ekatoto raninai, Roma huari poki hauna ha emai herena enoina kebaraina. E'abi etibaha, “Obiapaka e, e'u ta'ara a'i hauna nimero ituai enoti, hauna nihaiara ki'a.” Iesu ehinabena etibaha, “Kawahi kabanamona.” Huari poki hauna e'abi etibaha, “Obiapaka e, au a'i anamo oi komai e'u itu, 'a ko'abi mo weiana e'u ta'ara a'i hauna kemauri. Pokina au hanona hiabu hauna ha ba'anai ṉamiaho mai huari haukia baika au ba'a'uai ṯemiaho. Au hau neiana ṉahina bena, ‘Moao’ hanona niao, haeamona hau weiana ṉahina bena, ‘Omai.’ hanona nimai. Abomo e'u ta'ara a'i hauna ṉahina bena, ‘Neiana mobabaina.’ hanona ia nihore nibabaina.” Iesu aia weiana eona raninai eta'u ta'u huri, ba murinai ti'au haukia ehinabenakia etibaha, “'Abi tohana au wai nahinabenimi, Isaraela aonai hau ha herenai a'ikakauma ṉahomana ha a'i atabu ahi 'apuana.
Au wai nahinabenimi maearima bo'ona 'akina taetanai mai tibotainai katemai Tirama ena obia aiarana aonai tatu 'ekanai Aberahamo, Isako, Iakobo kipokia katemiati haeamo. Ia maearima weiakia Tirama ena obia aiarana eba'oruna 'eukia haukia hanona mahana wapuranai katekapo ahinakia weia katehai mai nihekia katearao'i arao'i.”
Iesu huari poki hauna ehinabena etibaha, “Moao emu itu, oa'ikakauma ihobonai heremuai aba kerama.” Ena ta'ara a'i hauna beraura hoana weiana aonai beronai emauri mauri.


Iesu Petero ena ituai ekatoto raninai, Petero rawana babi'ena eihana neinawa hauna nehiabu enoti. Iesu ehore babi'e imana ea'i 'apuana, ba inawa ehabona, babi'e emikiri Iesu ta'arana ea'i.


Weiana rabirabi eaoaina aonai maearima bo'ona auba ki'a obokia aokiai haukia temaiainakia Iesu herena. Iesu hanona ena 'abiai auba ki'a obokia eu'u ahinakia mai inawa haukia ikoikiai ebamaurinakia. Neiana hanona Isaia mahabanai hauna ena 'abi ibatohana ṉa e'abi aiho,
‘Ia kipona eka 'abe'abe
kea'i parenakia
mai eka inawa kebua obonakia.’


Iesu to'u rarina tekori kaiarona eihanakia raninai i'abana haukia ehina benakia katekabanai obu abirana kateao. Rauhubu poki hauna ha emai Iesu ehinabena etibaha, “Ba'iobi haumu e, 'eka tabana koao ia au hanona oi murimuai ka'au.” Iesu ia ena 'abi ebamuena etibaha, “Waeha 'aki hanona mai ekia 'uri, mai 'ubi roborobokia hanona mai ekia ni'i, 'a au maearima nahuna hanona ara'u kahorotina karai 'ekana aha'i.” I'abana hauna ha Iesu ehinabena etibaha, “Obiapaka e, paeao 'uai hama'u pahorena.” 'A Iesu ia ehinabena etibaha, “Muri'uai mo'au, 'ari haukia hanona mohabonakia kipokia ekia 'ari temehorena.”


Weiana Iesu ahiai ehe'au, i'abana haukia kipokia teao. Weiana obuai kou rarina 'akina eabu 'au, roio rarikia temikiri ahi tebahu abuna, 'a Iesu hanona eparua 'ari. I'abana haukia teao tebaona te'abi tetibaha, “Obiapaka e, moba maurinaka aba kahatono.” Ia ekia 'abi ebamuena etibaha, “Emi a'ikakauma eko'i ko'i haumi, aehoma buonai tuta'u ki'a?” Ba Iesu emikiri rani mai roio erikenakia, weiana beronai e'omata harai 'aki. Hau weiakia teta'u ta'u huri te'abi tetibaha, “Neiana hanona hau tabana, ba rani mai roio abomo aiana tika'aina.”


Iesu obu abirana Gadarene hanonai ekara'au raninai, hau rua aokiai auba ki'a obokia ṯemiaho haukia 'ari ahanai temai herena. Ia teaiahu wairai paunai hau ha taeara weianai a'i ekabanai. Ia teio tetibaha, “Tirama nahuna e, heremai ai taba nonuatae aina? Rani a'i nitai bahana ia oi omai hanona ai kobahaiaranamai, u?” 'Eka weianai baiatana a'i ehoma'a hanona aiporo to'una ha tianiani. Ba auba ki'a obokia Iesu tenoina tetibaha, “Oi kobakarahinamai raninai, kouhunamai kataeao aiporo to'una weiana aokiai katatoto.”
Weiana ia ehinabenakia etibaha, “Tomoao.” Ba ia tekarahi teao, aiporo aokiai tetoto. Aiporo to'una maikoinai herehere ai tebeau riri papa'a ai terobo ahi obu aonai tetobu tetono 'ari.
Aiporo 'ima haukia tebeau obo aiara apa'uanai pou neiana mai auba ki'a obokia hau aokiai temiaho haukia pouna abomo tehinana. Weiana aiara apa'uana maearimana maikoinai temai Iesu kateihana. Ba temai teihana raninai, tenoina ekia hano kehabona.

ฟัง Mataio 8