Salmos 7
7
1Xrana' Dios, dxuxrén lazra' Lue'.
Gúcale̱ neda' ne bselá neda' lu na' benne' ca' dxulusaca zi'e̱
neda',
2chee̱ quebe xele̱l-le̱' neda' ca dxun be̱zre xixre',
na' xuluzúzruje̱' neda' naga quebe nu chilá' nu guselá neda'.
3Xrana' Dios, che be̱na' neda' caní:
Che bi da zrinnaj be̱n ni'a na'a.
4Che bi da cale̱la be̱na' chee̱ benne' zue̱' chawe' nen neda'.
(Bselá' bénnea' dxedábague̱' neda' lácala quebe bi nuna' chee̱'.)
5Che caní be̱na',
be̱ lataj benne' dxedábague̱' neda' gau zi' ne xezrúnene̱' neda'.
Be̱ lataj bénnea' guchuchu guléaje̱' neda' lu xu,
ne xusunitie̱' xel-la' ba lá'ana chia'.
6Xran, dute̱ xel-la' dxezrá'a chiu', guzé̱.
Bexechaj benne' ca' dxulusaca zi'e̱ neda' lu xel-la' dxelezrá'a chee̱'.
Gusel-la da gácale̱ na neda' gate guchi'u da dxaca chia'
ca da gunná be'u.
7Xúgute̱ benne' zaj zre̱'e̱ xe̱zr la xu xelezrague̱' lau'.
Gunná be'e benne' ca' dute̱ xel-la' szren chiu'.
8Lue', Xran, guchi'u chee̱ benne' xúgute̱ xe̱zre.
Bchi'a ca da nuna' lu da naca xrlátaje,
ne lu da naca du lazre' chia'.
9Be̱n cheajsé̱ naze da zrinnaj da dxelún benne' we̱n da cale̱la ca',
san bzua chawe' benne' xrlátaje,
lawe' da nacu' xrlátaje, Dios, ne dxenná'u da xu'u
xichaj lázrdau bénneache.
10Diósqueze dxucu'uje̱' neda'.
Dxuselé̱' benne' zaj naque̱' du lazre'.
11Xlátaje̱ dxuchi'a Dios chee̱ da dxelún bénneache.
Tu dxezrá'azqueze Dios da dxelún benne' we̱n da zrinnaj ca'.
12Che quebe xelexíaje lazre̱' Dios gulé̱' xia chee̱'.
Ba nuzúa cuásate̱' xaga nalá xéche'ze chee̱'.
13Ba naxrúa cuásate̱' xia chee̱' ca' chee̱ wedil-la.
Ba nuzúa cuásate̱' xaga nalá xéche'ze da dxelala.
14Benne' we̱n da zrinnaj dxugú'u lazre̱' ca da cale̱la gune̱'.
Xu'u lázrdawe̱' da zrinnaj da gune̱', na' dxebéajé̱' da we̱n lazre'.
15Ba gude̱ne̱' tu xe̱dxu situj naga cheajlechaze bénneache,
na' lé̱zqueze̱' xeajcházie̱' lu xe̱dxu na'.
16Da zrinnaj da be̱ne̱' dxebague na lé̱queze̱',
na' da bsaque̱' bénneache xezrizre na xíchaje̱'.
17Güe lá'anaqueza' Xrana' Dios ca da xrlátaje da dxune̱',
ne gúl-laqueza' chee̱ La Xrana' Dios, Bénnea' naque̱' szrente̱.
Айни замон обунашуда:
Salmos 7: zat
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.