Salmos 15
15
1Xran, ¿núzraqueze benne' sue̱' naga zu' Lue'?
¿Núzraqueze benne' sue̱' naga naca lá'azxa chiu'?
2Waca bénnea' naque̱' du lazre', ne dxune̱' da xrlátaje,
bénnea' zua da líqueze lu xichaj lázrdawe̱',
3bénnea' quebe dxenné̱' chee̱ le sa' ljwezre̱',
ne quebe bi da cale̱la dxune̱' chee̱ le sa' ljwezre̱',
ne quebe dxu'e̱ lataj nu benne' si tizre̱' le sa' ljwezre̱'.
4Waca bénnea' quebe dxape̱' ba lá'ana
nu benne' dxune̱' da sban.
Dxape̱' ba lá'ana benne' ca' dxelape̱' ba lá'ana Xránadxu Dios,
bénnea' quebe dxuché̱'e̱ dizra' da ba gunné̱' lácala bi da' gunítie̱'.
5Waca bénnea' dxusane̱' dumí chee̱' ne quebe dxenabe̱' xíchaje̱n,
ne quebe dxezí' lu ne̱'e̱ dumí chee̱ nnie̱' chee̱
nu benne' quebe bi zria nabague̱'.
Nu benne' dxune̱' caní cabata' cheajchazie̱' lu da cale̱la.
Айни замон обунашуда:
Salmos 15: zat
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 1981, Wycliffe Bible Translators, Inc. All rights reserved.