Mikolo ye'ndumwa NDANGIRISO
NDANGIRISO
Luka iwáanjikaa chine chitabo che'Mikolo ye'ndumwa. Ákulikisaa'chi kwa chitabo che'Mwasi Mubuya-buya wa Yesu Kirisito ngo'kwa Luka áanjikaa. Mwa kuanjika chine chitabo, Luka àtangirire ala echi chitabo chai che'Mwasi Mubuya-buya chisínjirire, ala Yesu áchilósaa kwa banafunzi bai era nyuma se'kwômoka kwai.
Chine chitabo chìhambere era luulu se'mulimo we'Muchima Mubuya-buya kwa kutangirisa echikembe che'bemeresi. Abu bemeresi bu bandu ba Ongo, bushi Yesu Kirisito ánunwire'bo. Echi chikembe che'bemeresi, Ongo iwáira'chi na kuendekera ákusa chi kurengera emikolo ye'ndumwa. Endumwa bàli ebandu ba Yesu átumaa mwa butala chasiya bénde báteta bya beshi era luulu sai.
Áburaa'bo mbu eMuchima Mubuya-buya àtêmange kubandáalira. Ne'ra nyuma se'kwândáalira'bo, àngêresa bo emisi ye'kuteta bya bèshi era luulu sai (Mikolo ye'ndumwa 1:8). Luka alósise kute ebanafunzi bánairaa ngo'kwa Yesu áburaa bo. Era nyuma se'kuika kwe'Muchima Mubuya-buya, abu banafunzi bera kubala eMwasi Mubuya-buya mwa musi we'Yerusalemu (Mikolo ye'ndumwa 2-7), no'mwa chio che'Yuteya ne'che'Samariya (Mikolo ye'ndumwa 8-12) na kuikira kwa nyinda soshi se'butala (Mikolo ye'ndumwa 13-28).
Mwa ndangiriso ye'mulimo wabo, béndee bánahubanganya eMwasi Mubuya-buya kwa Bayuta beine oshi ao. Si mwa chimbi che'kumi, Ongo era kulosa Petero kwa eMwasi Mubuya-buya àli kwa bandu boshi. Rero kutengera amu mango, eBayuta na ba bàtatula Bayuta ba bêmereraa, bera kwire bába mwa bemeresi.
Kwábaa mulume muuma mbu i'Saulo. Oyu Saulo éndee álwisa emulimo we'ndumwa na kulosa ebemeresi kwa kasibu. Si Ongo era kumubindula na kumuíra kuba ndumwa ya Yesu Kirisito. Ongo era kwire ámweresa esina liyayaya mbu i'wera Paulo. Chasinda, era kumutuma mbu ayáa kuhubanganya eMwasi Mubuya-buya kwa bandu ba bàtatula Bayuta. Luka era kuba muuma mwa bandu ba béndee bêrekesa Paulo mwa mulimo. Kuli bimbi biuma-biuma, bya Luka àtechire'mo mbu: « tubano », echera chilósise kwa Luka nai ábaa àli mwa ba béndee bákola na Paulo.
Айни замон обунашуда:
Mikolo ye'ndumwa NDANGIRISO: tbt
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 2017 Wycliffe Bible Translators, Inc.