Mikolo ye'ndumwa 2
2
eMuchima Mubuya-buya ândaalira ebemeresi
1Mango elusuku lwe'Pendekosite* lwáikaa, ebemeresi ba Yesu boshi bábaa babúananyire mu chisiki chiuma. 2Unao-unao, bera kûmva mururumo munene átenga kwa nguba nga kausi kasibu. Oyu mururumo, era kûmvikana mwa nyumba yoshi era bábaa bàli'mo. 3Chasinda, bera kulola ku sabunya nyirimi sa muliro sáulukira. Esi nyirimi, sera kuhandabana na chira luuma lwáya kuchikoma ku chira muuma mubo. 4Boshi bera kubona eMuchima Mubuya-buya, na bátangirisa báteta mu manji mateta, kukulikana no'kwa eMuchima Mubuya-buya ánêresaa'bo ebuashi bwe'kuteta.
5Rero, mwa musi we'Yerusalemu mwábaa mùli Bayuta bauma ba bábaa batúla bàtunjire Ongo, kanji bátengeraa mwa bio byoshi bye'butala. 6Mango bómvaa kwo'yu mururumo, eluamba loshi lwe'bandu lwera kwire lwáchilunda ala'uma. Bera kusanwa busese, bushi chira muuma mubo ábaa omvíre kwa bemeresi báhambala mwe'teta lyai lye'kabutwa. 7Bátungwaa na kushishala busese, na bátangirisa bábusanya mbu: «Ewashe! Si besha Kalilaya bano boshi báhambala bacha! 8Kute ku chira mundu mu tubano omvíre bya báteta mwe'teta lyai lye'kabutwa? 9Mwa kachi-kachi ketu mùli besha mwa chio che'Pariti, ne'che'Meti, ne'che'Elamu. Na bauma bàli besha mwa chio che'Mesopotamiya, ne'che'Yuteya, ne'che'Kapatokiya, ne'che'Pondo, ne'che'Asiya, 10ne'che'Furikiya, ne'che'Pamufiriya, ne'che'Misiri, na besha mwa bimbi bye'Kurene mwa chio che'Libiya. Na banji bátenga mwa musi we'Roma, 11ne'banji kwa chisimba che'Kerete, ne'banji mwa chio che'Baarabu. Bauma bàli Bayuta, ne'banji bàli bandu ba sinji mbaa ba bêmerere Ongo we'Bayuta. Si tuboshi, tùnômvire kwa báteta emyasi ye'bisomerano bya Ongo mwa mateta metu me'kabutwa!» 12Bushi no'ku kutungwa ne'kushishala busese, bera kutangirisa báchitetembya mbu: «Ewashe! Kukwera kuteta kute kuno?» 13Si ebanji beke, bera kutangirisa bashekera ebemeresi mbu: «Aaye! Bano bandu mafu mu batámirire!»
Petero áhubanganya eMwasi Mubuya-buya
14Chasinda, Petero era kwire êmanga mwa sinji ndumwa ekumi na nguma, na áuma emurenge mbu: «Mu Bayuta mùli netu, nenyu muboshi mu mutúla muno Yerusalemu, muményereraa cha chìri! Munyíteyaa ematwi ne'kûmvirisa kubuya-buya cha náhonda kubabura: 15Bano bandu bàtatamirire mafu ngo'kwa mwǎnyisise, nânga! Bushi sinera sichíri saa ehatu sa mishangya-shangya. 16Bine muséne'ko, emurebi Yoweri ábaa átechire era luulu sabi mira, mango átetaa mbu:
17«‹Bacha ku Ongo àtechire:
Mwa suku se'businda,
nyikândaasa eMuchima Mubuya-buya wanyi kwa bandu boshi,
baala benyu na bali benyu bakáreba,
ebatabana benyu, nyikábalosa ku myasi iyayaya mu byabunya biroto,
ne'bangumwa benyu nabo, nyikábalosa'i mwa biroto.
18Kubinali, mwe'si suku,
oyu Muchima Mubuya-buya wanyi,
nyikândaasa'o kwa baanda ne'baandakasi banyi,
nabo bakánareba.
19Nyikálosa bisomerano mwa chanya kwa nguba, na bimenyeso mwa butala.
Emikira ikásheshekala,
ne'muliro akábunga,
ne'mùsi akáfumba munene.
20Era muhondo olu lusuku lukulu lwe'kulosa engulu ya Enawetu luíke,
esuba likáhuba musimya,
ne'mwesi akáhuba nga mikira.
21Rero, chira mundu ola ukâmaala Enawetu mbu àmununulaa, akánunulibwa.›#2:21 Somaa Yoweri 3:1-5.
22«Mu Baisiraeli, mǔmvirisaa bine náhonda kubabura: si mwìshi kwa Yesu we'Nasareti àiraa bisomerano na bimenyeso binene mwa kachi-kachi kenyu. Ebyera, bilósise kanangana kwa Ongo ánamulondolaa. 23Oyu Yesu, àbikibwaa mwa mino senyu kwa kuhonda kwa Ongo yeine kutengera mira. Àba mu mwanámwichisa mwa kutuma ebandu babi mbu bàmumanyikaa kwa musalaba. 24Si Ongo era kumwomola, era kumununula mwa chisibu cha wa lufu, bushi bìtangaalikanyire mbu elufu lùmuime. 25Tauti nai ábaa ánatechire mira era luulu so'yu Yesu mbu:
«‹Enawetu, néndee nálola kwa unátula era muhondo sanyi.
Rero, bushi utúla kwa lunda lwanyi lwe'malyo,
ndàngachikúkumana.
26Bushi no'ku, emuchima wanyi àli mwa bôlo
ne'mitetere yanyi nai, yèhwire ne'lumoo.
Anabe na mango nyikába mwa shinda,
emubiri wanyi mwa munyiiro mu akába anátula,
27bushi woyo, Enawetu, utákanyirekerere era kusimu,
nesi wêmerera mbu nyi mubuya-buya wao nyibóreraa mwa shinda.
28Wányilosise enjira sa sìngatuma nábona ekalamo ke'kunali,
na mango nyikába nera nyìri era muhondo sao, u'ukánanyehusa ne'lumoo.› #2:28 Somaa Saburi 16:8-11.
29«Rero banyaketu, murékaa nyibáhambalire kubuya-buya era luulu sa hokulu wetu Tauti. Oyu Tauti nai ánafaa, era kutabwa, na kuikira lwarero, eshinda yai u'ináchitula. 30Si bushi ábaa atúla murebi*, ábaa anêshi kwa Ongo ámulaisisaa kwa akárekera mundu muuma wo'mwa bula bwai ebwami.#2:30 Somaa Saburi 132:11; 2 Samweri 7:12-16. 31Tauti, bushi ne'kumemyerera bya bikába era muhondo, era kunáhambala era luulu se'kwômoka kwa Masiya* mwa kuteta mbu:
«‹Ongo atámurekaa era kusimu,
ne'mubiri wai atáboreraa mwa shinda.›
32«Rero oyu Yesu, tu banafunzi* bai tuboshi twanáchiloreraa ne'meho metu kwa Ongo ámwomola. 33Oyu Yesu, Ongo era kumweresa etunda mwa kumubika kwa malyo mai, ne'kumweresa eMuchima Mubuya-buya ola ámulaanyaa. Kanji oyu Yesu i'utúmire byába ngo'kuno muséne na ngo'kwa mwanômvire lwarero. 34Bushi Tauti, atá iwérukiraa kwa nguba. Si bacha ku átetaa:
«‹Enawetu Ongo áburaa Enawetu mbu:
"Wǐkalaa kwa lunda lwanyi lwe'malyo,
35kuikira nyikánalinda nábika ebarenda bao mwa maulu mao bahúbe chisimachiro chao."›#2:34-35 Somaa Saburi 110:1.
36Rero, cha mu Baisiraeli mwěmire kumenyerera kubuya-buya chi chechine: Oyu Yesu mwàmanyikaa kwa musalaba, Ongo ámuirire kuba Enawetu kanji Masiya*.»
37Ábere ebandu bera bòmvaa ei myasi yoshi ya Petero, bera kulibuka busese mwa michima yabo. Bera kwire bábusa Petero ne'sinji ndumwa mbu: «E banyaketu, kute ku tuíraa?» 38Petero era kubǎkula mbu: «Mubíndulaa emyanya yenyu, na chira mundu mu mwabo abátisibwaa kwe'sina lya Yesu Kirisito, chasiya Ongo amúbabalire ebibi byai. Na bacha, Ongo angámuwa eMuchima Mubuya-buya nga lwêmbo. 39Echi chiraane, Ongo áberesise'chi ne'bana benyu, ne'banji bandu boshi ba batúla burerere na'no, ba Enawetu Ongo achíri akâmáala.»
40Petero éndee ánababura na inji myasi ya kubǎna na ya kubasesa emichima. Bacha ku éndee ábabura: «Muchitengeraa mwa bano bandu ba lwarero ba bàli mwa muero.» 41Olu lusuku, ebandu ba bêmereraa ebinwa bya Petero bera kubatisibwa. Abu bandu bábaa bàngaika ku byumbi bihatu, na báya mwa luamba lwe'bemeresi.
Ebemeresi báira byoshi mwa buuma
42Ebemeresi béndee báchana busese mwa kunde bômvirisa kwa ndumwa sábakangirisa. Kanji bábaa batúla mwa buuma na kunde bálira ebiryo ala'uma,#2:42 Byábaa biryo bye'kukengera ekufa ne'kômwoka kwa Yesu Kirisito. na kwémera Ongo ala'uma. 43Kanji Ongo éndee áira bisomerano binene kurengera endumwa. Bushi no'ku, chira mundu era kunde ásanwa busese mbu: «Alibwe!» 44Ebemeresi boshi bera kunásimika mwo'bu buuma bwabo, no'mwa kuhangira ebindu byabo byoshi, 45kukuteta mbu: Emahwa, ne'bindu byabo, bera kunde bánabiusa. Chasinda, bera kunde báabana ebuteya byàfaa kukulikana ne'bulae bwa chira mundu. 46Chira lusuku, béndee báendekera kubuanana mwa Luhu lwa Ongo*, kanji béndee bábuanana mwa nyumba sabo kwa kuhangira ebiryo. Ne'bi biryo byabo, béndee bálya'bi mwa lumoo ne'bôlo. 47Bera kunde bátonga Ongo na kusimisa ebandu boshi. Na chira lusuku, Enawetu era kunde ábika ebanji bandu ba béndee bêmerera mwa chikembe che'bemeresi.
Айни замон обунашуда:
Mikolo ye'ndumwa 2: tbt
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 2017 Wycliffe Bible Translators, Inc.