Luke 7:7-9

Nimulɔ, mɛ muɛne mɛ sabégi bungudi buayade gulidi wɛ vɛ. Lɛle lebige ndile lemochi le muséli a mɛ akibɛlege. Mɛ gu tchine butome bia bivonde biɛme mɛ lidi. Mɛ nɛme na bagɔdi ba mɛ tome. Mɛ lɛle mumochi mé yɛnde, akayɛnde. Mɛ lɛle wone mé yade, akayade. Mɛ lɛle muséli a mɛ mé sade bunebu, akasade. Sése àyoge maambe ma ivonde cha bagɔdi àyambele, nàgémbe. Sése àgɛlese mise gulidi piti a baate yiyàdukenge ndɛ, nàlɛle bɔ ndé: «Mumbuli mɛ lɛle béne mé, gu tsɛnge a Ichirayɛle yotchi, mɛ sàmàbakese mutu wulidi na lebiɔge ngane a la ivonde cha bagɔdi chinechi vɛ.»