San Mateo 3
3
Juan biꞌini rugadi inda ridhalbi neda gue Jesús
(Mr. 1:1-8; Lc. 3:1-9, 15-17; Jn. 1:19-28)
1Bisíaba sá atti beleꞌe lo Juan biꞌini rugadi inda daca lo yu bisi gue Judea, rixxiꞌabi ca tisa gue Tata Do Iyyabaaha. 2Labi nna rábi:
—¡Gualodú xiyyanle, gualodaxxutte neda gue Tata Do Iyyabaaha, cumu chi daa ribiga isía sá innabia Ben-na! 3Gue Juan-ni nua utixxiꞌa profeta Isaías, atti rábi:
Lo yu bisiha rieni tsiꞌi ttu benni ribesiꞌabi, rábi:
“Gualeguixxa tsee neda gue Benni bananie ri-na.
Gualolixxa neda gue Ben-na.”#3:3 Isaías 40:3
4Ca xo Juan ancacana leni itsa xo nimala te láni camello. Nu ridhí lheꞌebi nna ancana ttu yieti. Elha go robi nna ancana nu xixxi iꞌiya, nu anca attiba uxxaru lána langosta lhe. 5Ca benni seꞌe lheꞌe yiesi Jerusalén lhe ca benni seꞌe lheꞌe adí ca lheꞌesi seꞌe itúba lo yu te láni Judea lhe ca benni seꞌe itúba atta te yoo lá Jordán lhe riacana qui rudá nagacani nu rá Juan. 6Atti rixxua lopicana ca tulha guecani lo Tata Do Iyyabaaha nna rugaditteba Juan cana inda lheꞌe yoo nu te láni Jordán.
7Ttiaca atti biláni Juan daa ixeru ca fariseo lencana ca saduceo lhe qui gadicana inda, ráttebabi cana:
—¡Lebiꞌi, ca nu datía belha! ¿Nú utixxiꞌenna le dequi gualábale lo elha disa nu chi dala uyúle? 8Gualuni nu anca lhatsiru qui uleꞌe lo gualí chi bodú xiyyanle bodaxxule neda gue Tata Do Iyyabaaha. 9Bittu aquinle ulaba lele innále: “Gualába riꞌitu de ancatu benni datía Abraham”, cumu neti nna gualíbatia ria, axta ca iyya seꞌe-ni guacaba eyon Tata Do Iyyabaaha cana benni datía Abraham. 10Anáguaba chiguaba du tsee ttu iyya ttee qui ichúna axta lhu ca yaga-na. Larcala nna iyába ca yaga bittu ribía nu anca tsee gueni nna irúbacana qui tsiacana lo gui. 11Neti nna gualígala sunruba inda rugadia ca benni qui uleꞌe lo gualí chi bodú xiyyancana bodaxxucana neda gue Tata Do Iyyabaaha, ttiaca Benni daa dequide neti nna ixuunie Espíritu gue Tata Do Iyyabaaha lhe gui lhe qui ugadie le inda. Benniha ra xxenru lee atti neti, larcala nna nibala bi elha ralha uja ca guaracha guee. 12Benniha nna chi den tsee barquilu qui untsee xuxtila, lee nna cuequiesie xuaha lheꞌe teha. Xuaha nna eguꞌutsee benniha atta tuatsee, ttiaca teha nna uttebe nua lo gui nu tsa bittu reolana.
Jesús udie inda
(Mr. 1:9-11; Lc. 3:21-22)
13Laniala nna udá Jesús lo yu te láni Galilea, die atta du Juan roꞌo yoo Jordán qui ugadi Juan Benniha inda. 14Ttiaca Juan nna udú disabi rábi Benniha:
—Netiunní reasatia ugadilu inda, lu nna netila dalu rálu ugadia lu inda.
15Jesús becabie re:
—Uxielha nnanna cumu tseeba salíanri udori tisa gue nu chi gaꞌanani Tata Do Iyyabaaha unri.
Anía liba uca nna uxielha Juan begadibi Jesús inda.
16Dequide chi udi Jesús inda nna beríattebe lheꞌe indaha. Snaba lania nna beali iyyabaaha, Benniha nna biláttebanie Espíritu gue Tata Do Iyyabaaha dee guadie attiba ttu becha udoe iqui Benniha. 17Nianna bientteba tsiꞌi ttu Benni iyyabaaha re:
—Benni anque xiꞌinia, Benni racatia guee, neti nna doa redaca lasia len lee.
Айни замон обунашуда:
San Mateo 3: zaq
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.