SALMO 4
4
Tata Diosta kreyiptinchikuna allita yanapawanchisapa.
1A, Tata Dios,
kanmi allita amachawanki.
Chayrayku kanta roygaptini yanapaway.
Sukaman llakiptini kanmi kushichiwanki.
Chayrayku roygaptini llakichiwashpa uyariway.
2Kankuna, chikniwak runakuna,
¿aykapikamantí llullakushpa chatawankichi?
¿Aykapikamantí mana kuskata yuyashpa llullakuyllata munankichi?
3Allita yachaychi
Tata Dios payllata kasushpa kawsak runakunallata yanapananta.
Allita yuyaychi ñuka Tata Diosta roygaptini yanapawananta.
4Chayta yachashpa manchakushpa chukchukuychi
amana ashwanta uchallikunaykichipa.
Sirishpaykichi kasillayashpa mana alli rurashkaykichita yuyaychi.
5Chayta yuyashpa
tukuy shunku Tata Diosta kuyashpa
animalkunata altarpi wañuchiychi.
Allita yachaychi amachashunaykichita.
6Aypa runakuna rimansapa:
Manami ni pi ñukanchikunata kushichiwanayanchisapachu.
Chashna rimaptinkunapish
kan, Tata Dios, ñukaykunata llakichiwaysapa.
7Aypa mikunayuk aypa upyanayuk runakuna sukaman kushikunsapa.
Kan, Tata Dios, paykunamanta ashwanta kushichiwashkanki.
8Kan kuydawaptiki mana manchakushpa sirishpayni kunanlla gustu puñuni.
Айни замон обунашуда:
SALMO 4: qvs
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 1992, 2008, Wycliffe Bible Translators, Inc. All rights reserved.