ᓭᐣᐟ ᒑᐣ 8
8
1ᒫᑲ ᒋᓴᐢ ᑭ ᐃᑐᐦᑌᐤ ᐋᓬᐃᑊᐢ ᐊᐧᒋᕽ. 2ᐃᐧᐸᐨ ᑫᑭᓭᑊ ᒫᑲ ᒥᓇ ᑭ ᐯ ᐃᑐᐦᑌᐤ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᐯ ᓈᑌᐊᐧᐠ; ᐁᑯᓯ ᑭ ᓇᐦᐊᐱᐤ, ᐁ ᑭ ᑭᐢᑭᓄᐦᐊᒪᐋᐧᐟ. 3ᒪᓯᓇᐦᐃᑫᐃᐧᔨᓂᐊᐧᐠ ᒫᑲ, ᒥᓇ ᐸᕒᐊᓯᔭᐠ ᑭ ᐯᑕᒪᐁᐧᐊᐧᐠ ᐃᐢᑫᐧᐊᐧ ᐁ ᑭ ᐅᑎᓂᐦᐟ ᒣᑲᐧ ᐱᓯᑳᐧᑎᓯᐃᐧᓂᕽ, ᐃᐢᐱ ᒫᑲ ᑖᐊᐧᔨᕽ ᑳ ᐸᑭᑎᓈᒋᐠ, 4ᐅᒥᓯ ᑭ ᐃᑌᐊᐧᐠ, ᐅᑭᐢᑭᓄᐦᐊᒫᑫᐤ, ᐊᐊᐧ ᐃᐢᑫᐧᐤ ᑭ ᐅᑎᓈᐤ ᐱᓯᑳᐧᑎᓯᐃᐧᓂᕽ, ᒥᑐᓂ ᐃᓯᐦᒋᑫᐃᐧᓂᕽ. 5#ᓬᐃᐱᑎᑲᐢ 20:10; ᑎᔪᑕᕒᐊᓇᒥ 22:22-24ᒧᓯᐢ ᒫᑲ ᓂ ᑭ ᐃᑎᑯᓈᐣ ᐅᔭᓱᐁᐧᐃᐧᓂᕽ, ᐊᐊᐧ ᑐᐃᐧᑳᐣ ᑭᑕ ᐱᒪᐧᐱᐢᑲᐅᐦᐟ: ᑖᓂᓯ ᒫᑲ ᑭᔭ ᐁᑌᐧᔭᐣ? 6ᐁᐊᐧᑯ ᐅᒪ ᐁ ᑭ ᐃᑖᒋᐠ ᐁ ᐃᐧ ᑯᑌᔨᒫᒋᐠ, ᐁ ᐃᐧ ᐃᐧᑲᐧᒋᑖᒋᐠ ᑫ ᐅᐦᒋ ᓂᓯᐊᐧᓈᒋᒫᒋᐠ. ᒋᓴᐢ ᒫᑲ ᑭ ᓇᐊᐧᑭᐤ, ᐅ ᒋᐦᒋ ᐅᐦᒋ ᐁ ᒪᓯᓇᐦᐃᑫᐟ ᒧᒋᕽ, ᑖᐱᐢᑯᐨ ᐁᑳ ᐁ ᐯᑕᐋᐧᐟ. 7ᑫᔮᐱᐨ ᒫᑲ ᐁ ᑲᑫᐧᒋᒫᒋᐠ, ᑭ ᑕᓱᑳᐸᐃᐧᐤ, ᐅᒥᓯ ᐁ ᑭ ᐃᑖᐟ, ᐊᐃᐧᔭᐠ ᐁᑳ ᐃᐧᑳᐨ ᑭᔭᐋᐧᐤ ᒣᒋᐃᓯᒋᑫᑫᐧ ᑳ ᐃᑕᓯᔦᐠ, ᑭᔮᒼ ᐁᐊᐧᑯ ᓂᑳᐣ ᑭᑕ ᐱᒪᐧᐱᐢᑲᐁᐧᐤ. 8ᒥᓇ ᒫᑲ ᑭ ᓇᐊᐧᑭᐤ, ᐁ ᒪᓯᓇᐦᐃᑫᐟ ᒧᒋᕽ. 9ᐊᓂᑭ ᒫᑲ ᑳ ᐯᐦᑕᐦᑭᐠ, ᐁ ᑭᐢᑫᔨᒥᓱᒋᐠ ᐁ ᑭ ᒪᒋ ᐃᓯᐦᒋᑫᒋᐠ, ᑭ ᐊᑎ ᐹᐯᔭᑯ ᐊᐧᔭᐃᐧᐊᐧᐠ, ᓂᐢᑕᒼ ᐊᓇ ᐁ ᑲᔭᑌᔮᑎᓯᐟ, ᐱᔨᐢ ᐊᓇ ᐃᐢᑳᐧᔮᐨ: ᒋᓴᐢ ᒫᑲ ᑭ ᐯᔭᑯ ᓇᑲᑖᐤ, ᑖᐊᐧᔨᕽ ᐁ ᓂᐸᐃᐧᐟ ᐊᓇ ᐃᐢᑫᐧᐤ. 10ᐃᐢᐱ ᒫᑲ ᒋᓴᐢ ᑳ ᐅᐱᐢᑫᐧᔨᐟ, ᓇᒪᐋᐧᐨ ᐊᐃᐧᔭ ᐊᔨᓯᔨᓂᐊᐧ ᐋᐧᐸᒣᐤ ᐱᑯ ᐊᓂᐦᐃ ᐃᐢᑫᐧᐊᐧ, ᐅᒥᓯ ᒫᑲ ᑭ ᐃᑌᐤ, ᐃᐢᑫᐧᐤ, ᑕᓂᐁᐧᑳ ᑳ ᒪᒥᓯᒥᐢᑭᐠ, ᓇᒪ ᒋ ᐊᐃᐧᔭᐠ ᑯᐦᒋ ᐅᔭᓱᐋᐧᑎᐠ? 11ᐅᒥᓯ ᒫᑲ ᑭ ᐃᑌᐤ, ᓇᒪᐃᐧᔭ ᐊᐃᐧᔭᐠ, ᑌᐯᔨᐦᒋᑫᔭᐣ, ᒋᓴᐢ ᒫᑲ ᐅᒥᓯ ᑭ ᐃᑌᐤ, ᓇᒪᐃᐧᔭ ᓂᐢᑕ ᑯᔭᓱᐋᐧᑎᑎᐣ; ᓯᐯᐧᐦᑌ, ᐁᑳᐃᐧᔭ ᒫᑲ ᒥᓇ ᐃᐧᑳᐨ ᒪᒋ ᐃᓯᐦᒋᑫ.
12 #
ᒫᐟᔪ 5:14; ᒑᐣ 9:5 ᒋᓴᐢ ᒫᑲ ᒥᓇ ᑭ ᐊᔭᒥᐁᐤ, ᐅᒥᓯ ᐁ ᐃᑌᐧᐟ, ᓂᔭ ᓂ ᐊᐧᓭᐢᑫᐣ ᐅᒪ ᐊᐢᑭ: ᐊᓇ ᒫᑲ ᐯᒥᑎᓴᐅᐟ ᓇᒪᐃᐧᔭ ᐊᐧᓂᑎᐱᐢᑳᕽ ᑭᑕ ᐱᒧᐦᑌᐤ, ᒫᑲ ᑭᑕ ᐊᔮᐤ ᐱᒫᑎᓯᐃᐧ ᐋᐧᐢᑌᐤ. 13#ᒑᐣ 5:31ᐸᕒᐊᓯᔭᐠ ᒫᑲ ᑭ ᐃᑌᐊᐧᐠ, ᑭᔭ ᑭᐟ ᐋᒋᒥᓱᐣ; ᓇᒪᐃᐧᔭ ᒫᑲ ᑖᐯᐧᒪᑲᐣ ᑳ ᐃᑖᒋᒧᔭᐣ. 14ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐋᑕᐃᐧᔭ ᓂᔭ ᓂᐟ ᐋᒋᒥᓱᐣ, ᐁᔨᐁᐧᕽ ᒫᑲ ᑖᐯᐧᒪᑲᐣ ᓂᐟ ᐋᒋᒧᐃᐧᐣ; ᒋᑫᒫ ᓂ ᑭᐢᑫᔨᑌᐣ ᐃᑌ ᐁᐧᒋᔮᐣ, ᒥᓇ ᐃᑌ ᐁᑐᑌᔮᐣ; ᒫᑲ ᓇᒪᐃᐧᔭ ᑭ ᑳ ᑭ ᐃᐧᑌᓈᐋᐧᐤ ᐃᑌ ᐁᐧᒋᔮᐣ, ᒥᓇ ᐃᑌ ᐁᑐᑌᔮᐣ. 15ᐃᐧᔮᓯᕽ ᑭᔭᐋᐧᐤ ᑭᐟ ᐃᓯ ᐅᔭᓱᐋᐧᓯᐊᐧᓈᐋᐧᐤ; ᓇᒪ ᐊᐃᐧᔭᐠ ᓂᔭ ᓄᔭᓱᐊᐧᑕᐤ. 16ᑭᐢᐱᐣ ᒫᑲ ᐅᔭᓱᐋᐧᓯᐁᐧᔮᓂ ᑖᐯᐧᒪᑲᐣ ᐁᓯ ᐅᔭᓱᐁᐧᔮᐣ; ᒋᑫᒫ ᓇᒪᐃᐧᔭ ᓂ ᐯᔭᑯᐣ, ᒫᑲ ᓂᔭ ᒥᓇ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ. 17#ᑎᔪᑕᕒᐊᓇᒥ 19:15ᒥᓇ ᐁᑯᓯ ᐃᑕᓯᓇᐦᐃᑳᑌᐤ ᑯᔭᓱᐁᐧᐃᐧᓂᐋᐧᕽ, ᐁ ᑖᐯᐧᒪᑲᓂᔨᐠ ᐅᐟ ᐋᒋᒧᐃᐧᓂᐋᐧᐤ ᓂᓱ ᐊᔨᓯᔨᓂᐊᐧᐠ. 18ᓂᔭ ᐯᔭᐠ ᑳ ᐊᒋᒥᓱᔮᐣ, ᒥᓇ ᐁᐧᔪᑖᐃᐧᕽ ᑳ ᐯ ᐃᓯᑎᓴᐦᐅᐟ ᓂᐟ ᐋᒋᒥᐠ. 19ᐅᒥᓯ ᒫᑲ ᑭ ᐃᑌᐊᐧᐠ, ᑖᓂᐋᐧ ᑯᑖᐃᐧ? ᒋᓴᐢ ᑭ ᓇᐢᑫᐧᐊᐧᓯᒣᐤ: ᓇᒪᐃᐧᔭ ᑭ ᑭᐢᑫᔨᒥᓈᐋᐧᐤ, ᐊᐦᐳ ᓄᑖᐃᐧ, ᑭ ᑭᐢᑫᔨᒥᐁᐧᑯᐸᓀ, ᑭ ᑳ ᑭ ᑭᐢᑫᔨᒫᑖᐋᐧᐤ ᓄᑖᐃᐧ ᒥᓇ. 20ᐁᐊᐧᑲᐧᓂ ᐅᐦᐃ ᐃᑌᐧᐃᐧᓇ ᑳ ᐊᔨᑌᐧᐟ ᒋᓴᐢ ᓱᓂᔮᐃᐧ ᐸᑭᑎᓈᓱᐃᐧᑲᒥᑯᕽ, ᐁ ᒣᑳᐧ ᑭᐢᑭᓄᐦᐊᒫᑫᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ: ᓇᒪ ᒫᑲ ᐊᐃᐧᔭ ᑭ ᐅᐦᒋ ᐅᑎᑎᓂᐠ; ᒋᑫᒫ ᓇᒣᐢᑲᐧ ᑭ ᐅᑎᐦᒋᐸᔨᔨᐤ ᐃᔨᑯᕽ ᑭᑕ ᐅᑎᓂᐦᐟ.
21ᒋᓴᐢ ᒫᑲ ᒥᓇ ᑭ ᐃᑌᐧᐤ, ᓂ ᓯᐯᐧᑕᐣ ᑭ ᑳ ᓇᓈᑐᓇᐃᐧᓈᐋᐧᐤ ᒫᑲ, ᒥᓇ ᑭ ᑳ ᓂᐱᓈᐋᐧᐤ ᑭ ᒪᒋᐃᑎᐃᐧᓂᐋᐧᕽ; ᐃᑌ ᐁᑐᑌᔮᐣ, ᓇᒪᐃᐧᔭ ᑭ ᑳ ᑲᐢᑭᑖᓈᐋᐧᐤ ᑭᑕ ᐯ ᐃᑐᑌᔦᐠ. 22ᑭ ᐃᑌᐧᐊᐧᐠ ᒫᑲ ᒍᐊᐧᐠ, ᑭᑕ ᓂᐸᐃᓱ ᒋ? ᑳ ᐅᐦᒋ ᐃᑌᐧᐟ, ᐃᑌ ᐁᑐᑌᔮᐣ, ᓇᒪᐃᐧᔭ ᑭ ᑳ ᑲᐢᑭᑖᓈᐋᐧᐤ ᑭᑕ ᐯ ᐃᑐᑌᔦᐠ? 23ᐅᒥᓯ ᒫᑲ ᑭ ᐃᑌᐤ, ᓂᒑᔨᕽ ᑭᔭᐋᐧᐤ ᑯᒋᓈᐋᐧᐤ; ᓂᔭ ᒫᑲ ᐃᐢᐱᒥᕽ ᓂ ᐯ ᐅᑐᑖᐣ; ᑭᔭᐋᐧᐤ ᐊᐢᑭᕽ ᑭ ᑎᐯᔨᑖᑯᓯᓈᐋᐧᐤ; ᓇᒪᐃᐧᔭ ᓂᔭ ᐊᐢᑭᕽ ᓂ ᑎᐯᔨᑖᑯᓯᐣ. 24ᐁᐊᐧᑯ ᒫᑲ ᑳ ᐅᐦᒋ ᐃᑎᑕᑯᐠ, ᑭ ᑳ ᓂᐱᓈᐋᐧᐤ ᑭ ᒪᒋᐃᑎᐃᐧᓂᐋᐧᕽ; ᑭᐢᐱᐣ ᐁᑳ ᑖᐯᐧᑕᒣᑯ ᓂᔭ ᐁ ᐊᐃᐧᔮᐣ, ᑭ ᑳ ᓂᐱᓈᐋᐧᐤ ᑭ ᒪᒋᐃᑎᐃᐧᓂᐊᐧᕽ. 25ᐅᒥᓯ ᒫᑲ ᑭ ᐃᑌᐊᐧᐠ, ᐊᐁᐧᓇ ᑭᔭ? ᒋᓴᐢ ᒫᑲ ᐅᒥᓯ ᐃᑌᐤ, ᐊᓇ ᑫᔮᐱᐨ ᑳ ᑭ ᐃᐧᐦᑕᒫᑕᑯᐠ ᒥᒋᒪᐨ ᐅᐦᒋ. 26ᒥᐦᒉᐟ ᑫᑲᐧᔭ ᓂᐟ ᐊᔮᐣ ᑭᑕ ᐃᑌᐧᔮᐣ, ᒥᓇ ᑭᑕ ᐃᓯ ᐅᔭᓱᐋᐧᑎᑕᑯᐠ; ᒫᑲ ᐊᓇ ᑳ ᐯ ᐃᓯᑎᓴᐦᐅᐟ ᑖᐯᐧᐃᐧᓂᐃᐧᐤ; ᓂ ᐃᐧᐦᑕᒪᐊᐧᐊᐧᐠ ᒫᑲ ᐊᐢᑭᕽ ᑳ ᐊᔮᒋᐠ ᑳ ᐃᓯ ᐯᑕᐊᐧᐠ 27ᓇᒪᐃᐧᔭ ᒫᑲ ᓂᓯᑐᐦᑕᐁᐧᐊᐧᐠ ᐁ ᐃᑕᓯᒫᔨᐟ ᐁᐧᔪᑖᐃᐧᕽ. 28ᐁᑲᐧ ᒫᑲ ᒋᓴᐢ ᑭ ᐃᑌᐤ, ᐃᐢᐱ ᑭ ᐅᐹᐢᑯᓈᔦᑯ ᐃᔨᓂᐃᐧᑯᓯᓵᐣ, ᐁᑲᐧ ᑫ ᑭᐢᑫᔨᑕᒣᐠ ᓂᔭ ᐁ ᐊᐃᐧᔮᐣ, ᒥᓇ ᐁᑳ ᓂᔭ ᑫᑲᐧᐩ ᐁ ᐯᔭᑯ ᐃᑐᑕᒫᐣ: ᒫᑲ ᐱᑯ ᑳ ᐃᓯ ᑭᐢᑭᓄᐦᐊᒫᐃᐧᐟ ᓄᑖᐃᐧ, ᐁᐊᐧᑯᓂ ᐅᐦᐃ ᑳ ᐊᔨᑌᐧᔮᐣ. 29ᑳ ᐯ ᐃᓯᑎᓴᐦᐅᐟ ᒫᑲ ᓂ ᐃᐧᒉᐃᐧᐠ: ᓇᒪᐃᐧᔭ ᓂ ᐯᔭᑯ ᓇᑲᑎᐠ; ᒋᑫᒫ ᑲᑭᑫ ᓂᐟ ᐃᑐᑌᐣ ᐊᓂᐦᐃ ᑳ ᓇᐦᐃᔭᐁᐧᐃᑯᐟ. 30ᒣᑳᐧᐨ ᒫᑲ ᐁ ᐊᐧᐃᐧᑕᕽ ᐅᐦᐃ ᐃᑌᐧᐃᐧᓇ, ᒥᐦᒉᐟ ᑭ ᑖᐯᐧᔦᔨᒥᐠ.
31ᒋᓴᐢ ᒫᑲ ᐅᒥᓯ ᑭ ᐃᑌᐤ ᐊᓂᐦᐃ ᒍᐊᐧ ᑳ ᑖᐯᐧᔦᔨᒥᑯᐟ, ᑭᐢᐱᐣ ᐊᔮᔦᑯ ᓂᐟ ᐃᑌᐧᐃᐧᓂᕽ, ᑖᐯᐧ ᑭᔭᐋᐧᐤ ᑭ ᑳ ᐅᑭᐢᑭᓄᐦᐊᒪᐋᐧᑲᓂᒥᑎᓈᐋᐧᐤ; 32ᑭ ᑳ ᑭᐢᑫᔨᑌᓈᐋᐧᐤ ᒫᑲ ᑖᐯᐧᐃᐧᐣ, ᒥᓇ ᑖᐯᐧᐃᐧᐣ ᑭ ᑳ ᑎᐯᔨᒥᓱᐃᑯᓈᐋᐧᐤ. 33#ᒫᐟᔪ 3:9; ᓬᐅᐠ 3:8ᑭ ᓇᐢᑫᐧᐊᐧᓯᒣᐊᐧᐠ ᒫᑲ, ᓂᔭᓈᐣ ᐁᑊᕒᐁᐋᒼ ᐅᐟ ᐊᐋᐧᓯᒥᓴ, ᓇᒪᐃᐧᑳᐨ ᓄᐦ ᐊᐊᐧᑳᓂᑳᑎᑯᓈᐣ ᐊᐃᐧᔭᐠ ᐊᔨᓯᔨᓂᐤ; ᑖᓂᓯ ᒫᑲ ᑭᔭ ᐁᑌᐧᔭᐣ, ᑭ ᑳ ᑎᐯᔨᒥᓱᐃᑲᐃᐧᓈᐋᐧᐤ? 34ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐊᐃᐧᔭᐠ ᒣᒋ ᐃᓯᐦᒋᑫᑫᐧ ᐊᐊᐧᑳᓂᑳᑎᐠ ᒪᒋ ᐃᓯᐦᒋᑫᐃᐧᐣ. 35ᓇᒪᐃᐧᔭ ᐊᐊᐧᑳᐣ ᑲᑭᑫ ᐊᔮᐤ ᐋᐧᐢᑳᐦᐃᑲᓂᕽ: ᒫᑲ ᐅᑯᓯᓯᒫᐤ ᑳᑭᑫ ᐊᔮᐤ. 36ᑭᐢᐱᐣ ᒫᑲ ᐅᑯᓯᓯᒫᐤ ᑎᐯᔨᒥᓱᐃᑯᔦᑯ, ᑖᐯᐧ ᐃᓴ ᑭ ᑳ ᑎᐯᔨᒥᓱᓈᐋᐧᐤ. 37ᓂ ᑭᐢᑫᔨᑌᐣ ᐁᑊᕒᐁᐋᒼ ᐁ ᐅᐟ ᐊᐋᐧᓯᒥᓯᒥᑯᔦᐠ; ᒫᑲ ᑭ ᓇᓈᑐᓀᓈᐋᐧᐤ ᑭᑕ ᓂᐸᐃᔦᐠ, ᒋᑫᒫ ᓂᐟ ᐃᑌᐧᐃᐧᓇ ᓇᒪᐃᐧᔭ ᑭ ᑭᑭᐢᑲᑯᓈᐋᐧᐤ. 38ᓂ ᐃᐧᐦᑌᐣ ᑳ ᑭ ᐊᔨᓯᓇᐊᐧᐠ ᓄᑖᐃᐧ; ᑭᐢᑕᐋᐧᐤ ᒫᑲ ᑭᐟ ᐃᓯᒋᑳᓈᐋᐧᐤ ᑳ ᐊᔨᓯᓇᐋᐧᔦᐠ ᑰᑖᐃᐧᐋᐧᐤ. 39ᑭ ᓇᐢᑫᐧᐊᐧᓯᒣᐊᐧᐠ ᒫᑲ ᐅᒥᓯ ᐁ ᑭ ᐃᑖᒋᐠ, ᐁᑊᕒᐁᐋᒼ ᓄᔪᑖᐃᐧᓈᐣ. ᒋᓴᐢ ᐅᒥᓯ ᐃᑌᐤ, ᑭᐢᐱᐣ ᐁᑊᕒᐁᐋᒼ ᐅᐟ ᐊᐋᐧᓯᒥᓯᒥᑯᔦᐠ, ᑭ ᑳ ᑭ ᑐᑌᓈᐋᐧᐤ ᐅᐟ ᐊᑐᐢᑫᐃᐧᓇ ᐁᑊᕒᐁᐋᒼ. 40ᐊᓄᐦᐨ ᒫᑲ ᑭ ᓇᓈᑐᓀᓈᐋᐧᐤ ᑭᑕ ᓂᐸᐃᔦᐠ, ᐊᔨᓯᔨᓂᐤ ᑳ ᑭ ᐃᐧᐦᑕᒫᑯᔦᐠ ᑖᐯᐧᐃᐧᐣ, ᑳ ᐊᔨᑎᑕᐊᐧᐠ ᑭᓭᒪᓂᑐ; ᓇᒪᐃᐧᔭ ᐁᑯᓯ ᑳ ᑭ ᐃᑐᑕᕽ ᐁᑊᕒᐁᐋᒼ. 41ᑭᐟ ᐃᓯᒋᑳᓈᐋᐧᐤ ᐅᐟ ᐃᑐᑕᒧᐃᐧᓇ ᑯᑕᐃᐧᐋᐧᐤ. ᐁᑯᓯ ᑭ ᐃᑌᐊᐧᐠ, ᓇᒪᐃᐧᔭ ᐱᓯᑳᐧᑎᓯᐃᐧᓂᕽ ᑳ ᑭ ᓂᐦᑖᐃᐧᑭᔮᕽ; ᐯᔭᑯ ᓄᑖᐃᐧᓈᐣ, ᐁᐊᐧᑯ ᐊᓇ ᑭᓭᒪᓂᑐ.
42ᒋᓴᐢ ᒫᑲ ᑭ ᐃᑌᐤ, ᑭᐢᐱᐣ ᑭᓭᒪᓂᑐ ᑭ ᐅᔪᑖᐃᐧᔦᐠ ᑭ ᑳ ᑭ ᓵᑭᐦᐃᑕᐋᐧᐤ; ᒋᑫᒫ ᑭᓭᒪᓂᑐᕽ ᓂ ᑭ ᐯ ᐅᑐᑖᐣ; ᓇᒪᐃᐧᔭ ᓂᔭ ᑎᐱᔭᐤ ᓂ ᐯ ᐃᑐᐦᑖᐣ, ᒫᑲ ᓂ ᑭ ᐯ ᐃᓯᑎᓴᐦᐅᐠ. 43ᑖᓀᑭ ᐁᑳ ᑳ ᓂᓯᑐᐦᑕᒣᐠ ᓂ ᐱᑭᐢᑫᐧᐃᐧᐣ? ᒋᑫᒫ ᐁᑳ ᐁ ᓇᑐᑕᒣᐠ ᓂᐟ ᐃᑌᐧᐃᐧᐣ. 44ᑭᔭᐋᐧᐤ ᑯᔪᑖᐃᐧᓈᐋᐧᐤ ᒪᒑᔭ ᒥᓇ ᐅ ᒪᒋ ᓇᑕᐁᐧᔨᑕᒧᐃᐧᓇ ᑯᑖᐃᐧᐋᐧᐤ ᐁᑯᓯ ᐋᐧ ᐃᓯᐦᒋᑫᔦᐠ. ᒥᒋᒫᐨ ᐅᐦᒋ ᑭ ᓂᐸᑖᑫᐢᑭᐤ, ᓇᒪᐃᐧᔭ ᑖᐯᐧᐃᐧᓂᕽ ᐊᔮᐤ, ᒋᑫᒫ ᓇᒪᐃᐧᔭ ᑭᑭᐢᑳᐠ ᑖᐯᐧᐃᐧᐣ. ᐃᐢᐱ ᐃᓴ ᑫᔮᐢᑭᒋ ᐱᑭᐢᑲᐧᑕᒼ ᐊᓂᒪ ᑳ ᑭᑭᐢᑳᑯᐟ: ᒋᑫᒫ ᑭᔮᐢᑭᐢᑭᐤ, ᒥᓇ ᐆᑖᐃᐧᑲᐦᑕᒼ ᑭᔮᐢᑭᐃᐧᐣ. 45ᒋᑫᒫ ᐁ ᐃᐧᐦᑕᒫᑕᑯᐠ ᑖᐯᐧᐃᐧᐣ, ᓇᒪᐃᐧᔭ ᑭ ᑖᐯᐧᑌᓈᐋᐧᐤ. 46ᑖᓈᓇ ᑭᔭᐋᐧᐤ ᑫ ᑖᐯᐧᒥᐟ ᒪᒋᑐᑕᒧᐃᐧᐣ ᐁ ᐊᑖᒥᒥᐟ? ᑭᐢᐱᐣ ᒫᑲ ᑎᔮᐯᐧᐊᐧᓀ, ᑖᓀᑭ ᐁᑳ ᑳ ᑖᐯᐧᑕᐃᐧᔦᐠ? 47ᑭᓭᒪᓂᑐᕽ ᑳ ᑎᐯᔨᑖᑯᓯᐟ ᓇᑐᑕᒼ ᑭᓭᒪᓂᑐᐊᐧ ᐅᐟ ᐃᑌᐧᐃᐧᓂᔨᐊᐧ: ᑭᔭᐋᐧᐤ ᐁᑳ ᐁᐧᒋ ᓇᑐᑕᒣᐠ, ᒋᑫᒫ ᓇᒪᐃᐧᔭ ᑭᓭᒪᓂᑐᕽ ᑭ ᑎᐯᔨᑖᑯᓯᓈᐋᐧᐤ.
48ᑭ ᓇᐢᑫᐧᐊᐧᓯᒣᐊᐧᐠ ᒫᑲ ᒍᐊᐧᐠ ᐁ ᑭ ᐃᑖᒋᐠ, ᓇᒪ ᒋ ᑲᐧᔭᐢᐠ ᓂᐟ ᐃᑖᐧᓈᐣ ᐁ ᓴᒫᕒᐃᑕᓂᐃᐧᔭᐣ, ᒥᓇ ᐁ ᐊᔮᐊᐧᐟ ᒪᒋ ᐊᐦᒑᕽ? 49ᒋᓴᐢ ᑭ ᓇᐢᑫᐧᐊᐧᓯᒣᐤ, ᓇᒪᐃᐧᔭ ᓂᐟ ᐊᔮᐋᐧᐤ ᒪᒋ ᐊᐦᒑᕽ: ᒫᑲ ᓂ ᑭᐢᑌᔨᒫᐤ ᓄᑖᐃᐧ, ᑭᔭᐋᐧᐤ ᒫᑲ ᑭ ᐱᐁᐧᔨᒥᓈᐋᐧᐤ. 50ᓇᒪᐃᐧᔭ ᒫᑲ ᓂ ᓇᑐᓀᐣ ᑎᐱᔭᐤ ᓂ ᑭᐢᑌᔨᑖᑯᓯᐃᐧᐣ: ᐃᑖᐤ ᐊᓇ ᓀᑐᓇᕽ, ᒥᓇ ᑳ ᐅᔭᓱᐋᐧᓯᐁᐧᐟ. 51ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᑭᐢᐱᐣ ᐊᔨᓯᔨᓂᐤ ᑲᓇᐁᐧᔨᐦᑕᐦᑭ ᓂᐟ ᐃᑌᐧᐃᐧᐣ, ᓇᒪᐃᐧᑳᐨ ᑭᑕ ᐋᐧᐸᐦᑕᒼ ᓂᐳᐃᐧᐣ. 52ᐁᑯᓯ ᒫᑲ ᒍᐊᐧᐠ ᑭ ᐃᑌᐊᐧᐠ, ᐁᑲᐧ ᓂ ᑭᐢᑫᔨᑌᓈᐣ ᐁ ᐊᔮᐊᐧᐟ ᒪᒋ ᐊᐦᒑᕽ. ᐁᑊᕒᐁᐊᒼ ᑭ ᓂᐱᐤ, ᒥᓇ ᐅᑭᐢᑭᐁᐧᐦᐃᑫᐊᐧᐠ; ᑭᔭ ᒫᑲ ᑭᐟ ᐃᑖᐧᐣ, ᑭᐢᐱᐣ ᐊᔨᓯᔨᓂᐤ ᑲᓇᐁᐧᔨᐦᑕᐦᑭ ᓂᐟ ᐃᑌᐧᐃᐧᐣ, ᓇᒪᐃᐧᑳᐨ ᑭᑕ ᑯᒋᐢᑕᒼ ᓂᐳᐃᐧᐣ. 53ᐊᐊᐧᓯᒣ ᒋ ᑭᔭ ᑭᐟ ᐃᑌᔨᑖᑯᓯᐣ ᐃᐢᐱᐨ ᓄᑖᐃᐧᓇᐣ ᐁᑊᕒᐁᐋᒼ, ᑳ ᑭ ᓂᐱᐟ? ᒥᓇ ᐅᑭᐢᑭᐁᐧᐦᐃᑫᐊᐧᐠ ᑳ ᑭ ᓂᐱᒋᐠ; ᐊᐁᐧᓇ ᒫᑲ ᑭᔭ ᐁᑕᑭᒥᓱᔭᐣ? 54ᒋᓴᐢ ᑭ ᓇᐢᑫᐧᐊᐧᓯᒣᐤ, ᑭᐢᐱᐣ ᓂᔭ ᑭᐢᑕᑭᒥᓱᔮᓂ ᓇᒪᐃᐧᔭ ᓈᓂᑕᐤ ᐃᑖᐸᑕᐣ ᓂ ᑭᐢᑕᑭᒥᑯᐃᐧᐣ: ᓄᑖᐃᐧ ᑳ ᑭᐢᑕᑭᒥᐟ; ᓂ ᑭᓭᒪᓂᑐᒥᓇᐣ ᑳ ᐃᑖᔦ: 55ᑫᔮᐱᐨ ᒫᑲ ᓇᒪᐃᐧᔭ ᑭ ᑭᐢᑫᔨᒪᐋᐧᐤ; ᒫᑲ ᓂᔭ ᓂ ᑭᐢᑫᔨᒫᐤ; ᑭᐢᐱᐣ ᒫᑲ ᓇᒪᐃᐧᔭ ᓂ ᑭᐢᑫᔨᒫᐤ ᐃᑌᐧᔮᓂ, ᓂ ᑳ ᑲᑭᔮᐢᑭᐢᑭᐣ ᑖᐱᐢᑯᐨ ᑭᔭᐋᐧᐤ: ᒫᑲ ᓂ ᑭᐢᑫᔨᒫᐤ, ᒥᓇ ᓂ ᑲᓇᐁᐧᔨᑕᒫᐧᐣ ᐅᐟ ᐃᑌᐧᐃᐧᐣ. 56ᑯᑖᐃᐧᐋᐧᐤ ᐁᑊᕒᐁᐋᒼ ᑭ ᒪᒪᐦᑖᑯᓯᐤ ᐁ ᐃᐧ ᐋᐧᐸᐦᑕᕽ ᓂ ᑭᓯᑲᒼ; ᑭ ᐋᐧᐸᐦᑕᒼ ᒫᑲ, ᐁᑯᓯ ᑭ ᒥᔦᐧᔨᑕᒼ. 57ᐁᑯᓯ ᒫᑲ ᒍᐊᐧᐠ ᑭ ᐃᑌᐊᐧᐠ, ᓇᒣᐢᑲᐧ ᓂᔮᓇᓄᒥᑕᓇᐤ ᑭᐟ ᐃᑕᐦᑐ ᐱᐳᓇᐧᐣ, ᑭ ᑭ ᐋᐧᐸᒫᐤ ᒋ ᒫᑲ ᐁᑊᕒᐁᐋᒼ? 58ᒋᓴᐢ ᒫᑲ ᐅᒥᓯ ᑭ ᐃᑌᐧᐤ, ᑖᐯᐧ, ᑖᐯᐧ, ᑭᐟ ᐃᑎᓈᐋᐧᐤ, ᐁ ᒪᐧᔦ ᐊᔮᐟ ᐁᑊᕒᐁᐋᒼ ᓂ ᑭ ᐊᔮᐣ. 59ᑭ ᐅᑎᓀᐊᐧᐠ ᒫᑲ ᐊᓯᓂᔭ ᐁ ᐃᐧ ᐱᒪᐧᐱᐢᑲᐋᐧᒋᐠ; ᒫᑲ ᒋᓴᐢ ᑭ ᑳᓱ, ᒥᓇ ᐁ ᑭ ᐊᐧᔭᐃᐧᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐅᐦᒋ.
Айни замон обунашуда:
ᓭᐣᐟ ᒑᐣ 8: KKMs
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.