ᓭᐣᐟ ᒑᐣ 11
11
1 #
ᓬᐅᐠ 10:38,39 ᑭ ᐊᔮᐤ ᒫᑲ ᐯᔭᐠ ᐊᔨᓯᔨᓂᐤ ᐁ ᐊᑯᓯᐟ, ᓬᐋᓴᕒᐊᐢ ᐁ ᐃᓯᔨᐦᑳᓱᐟ, ᐯᐦᑕᓂᐃᕽ, ᐅᐟ ᐅᑌᓇᐃᐧᐊᐧᕽ ᒣᕒᐃ ᒥᓇ ᐅᒋᐋᐧᒥᐢᑫᐧᒪ ᒪᕒᑕᐊᐧ. 2#ᒑᐣ 12:3ᐁᐊᐧᑳᐧᓇ ᒣᕒᐃ ᑳ ᑭ ᑕᒪᐢᑯᓈᐟ ᑳ ᑎᐯᔨᐦᒋᑫᔨᐟ ᑕᒪᐢᑯᐃᐧᐣ ᐅᐦᒋ, ᒥᓇ ᑳ ᑭ ᑳᓯᓯᑌᐋᐧᐟ ᐁᐧᐢᑕᑲᔭ ᐅᐦᒋ, ᐅᑕᐁᐧᒫᐊᐧ ᓬᐋᓴᕒᐊᓴ ᑳ ᐊᑯᓯᔨᐟ. 3ᐅᑕᐁᐧᒪᐊᐧ ᒫᑲ ᑭ ᐯ ᐃᓯᑎᓴᐦᐊᒫᐠ ᐁ ᐃᑌᐧᔨᐟ, ᑌᐯᔨᐦᒋᑫᔭᐣ, ᒫᑎᑲ ᐊᓇ ᑳ ᓵᑭᐦᐊᐟ ᐋᑯᓯᐤ. 4ᐃᐢᐱ ᒫᑲ ᒋᓴᐢ ᐱᔦᐦᑕᕽ, ᐅᒥᓯ ᑭ ᐃᑌᐧᐤ, ᐅᒪ ᐋᑯᓯᐃᐧᐣ ᓇᒪᐃᐧᔭ ᓂᐳᐃᐧᓂᐊᐧᐣ, ᒫᑲ ᑭᑕ ᑭᐢᑌᔨᑖᑯᐦᐃᐦᐟ ᑭᓭᒪᓂᑐ, ᒥᓇ ᑭᓭᒪᓂᑐ ᐅᑯᓯᓴ ᑭᑕ ᐅᐦᒋ ᑭᐢᑌᔨᑖᑯᐦᐃᐦᐟ. 5ᒋᓴᐢ ᒫᑲ ᑭ ᓵᑭᐦᐁᐤ ᒪᕒᑕᐊᐧ, ᒥᓇ ᐅᒋᐋᐧᒥᐢᑫᐧᒥᔨᐊᐧ, ᒥᓇ ᓬᐊᓴᕒᐊᓴ.
6ᐃᐢᐱ ᒫᑲ ᑳ ᐯᐦᑕᕽ ᐁ ᐋᑯᓯᔨᐟ, ᐁᑯᑕ ᑫᔮᐱᐨ ᓂᓱ ᑭᓯᑳᐤ ᑭ ᐊᔮᐤ ᐃᑕ ᐊᓂᒪ ᑳ ᐊᔮᐟ. 7ᒣᐧᐢᑕᐢ ᐃᔨᑯᕽ ᒫᑲ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᒫᐦᑎ ᒥᓇ ᐃᑐᑌᑖᐠ ᒍᑎᔭᐃᕽ. 8ᐅ ᑭᐢᑭᓄᐦᐊᒪᐋᐧᑲᓇ ᒫᑲ ᐅᒥᓯ ᐃᑎᐠ, ᕒᐋᐸᐩ, ᒍᐊᐧᐠ ᐊᓄᒋᑫ ᑭ ᓇᑐᓇᒪᐧᐠ ᑭᑕ ᐱᒪᐧᐱᐢᑲᐅᐢᑭᐠ; ᑭᐟ ᐃᑐᐦᑖᐣ ᒋ ᒫᑲ ᒥᓇ ᐁᑯᑌ? 9ᒋᓴᐢ ᑭ ᓇᐢᑫᐧᐊᐧᓯᒣᐤ, ᓇᒪ ᒋ ᒥᑖᑕᐟ ᓂᓱᓵᑊ ᑕᐦᑐ ᑎᐸᐃᑲᐣ ᐯᔭᐠ ᐁ ᑭᓯᑳᐠ? ᑭᐢᐱᐣ ᐊᔨᓯᔨᓂᐤ ᐱᒧᐦᑌᒋ ᐁ ᑭᓯᑳᔨᐠ, ᓇᒪᐃᐧᔭ ᐸᐦᑭᓯᐣ, ᒋᑫᒫ ᐋᐧᐸᐦᑕᒼ ᑳ ᐋᐧᓭᔮᐠ ᐅᒪ ᐊᐢᑭ. 10ᒫᑲ ᑭᐢᐱᐣ ᐊᔨᓯᔨᓂᐤ ᐱᒧᐦᑌᒋ ᐁ ᑎᐱᐢᑳᔨᐠ, ᐸᐦᑭᓯᐣ, ᒋᑫᒫ ᐁᑳ ᐁ ᑭᑭᐢᑳᑯᐟ ᐋᐧᓭᔮᐤ. 11ᐁᐊᐧᑯᓂ ᐅᐦᐃ ᑳ ᐊᔨᑌᐧᐟ; ᐁᑲᐧ ᒣᐧᐢᑕᐢ ᑭ ᐃᑌᐧᐤ, ᑭᑐᑌᒥᓇᐤ ᓬᐋᓴᕒᐊᐢ ᓂᐹᐤ; ᒫᑲ ᓂᐟ ᐃᑐᑕᐣ, ᑭᑕ ᓇᑕᐃᐧ ᑯᐢᑯᓇᐠ.
12ᐅ ᑭᐢᑭᓄᐦᐊᒪᐋᐧᑲᓇ ᒫᑲ ᑭ ᐃᑌᐧᔨᐊᐧ, ᑌᐯᔨᐦᒋᑫᔭᐣ, ᑭᐢᐱᐣ ᓀᐸᑫᐧ, ᑭᑕ ᒥᔪ ᐊᔮᐤ. 13ᐋᑕᐃᐧᔭ ᒋᓴᐢ ᐁ ᑭ ᓂᐱᔨᐟ ᑳ ᐃᑕᕽ: ᒫᑲ ᐃᐧᔭᐋᐧᐤ ᐁ ᐋᐢᑌ ᐊᔮᔨᐟ ᐁ ᓂᐹᔨᐟ ᑳ ᐃᑕᕽ ᑭ ᐃᑌᔨᑕᒪᐧᐠ. 14ᒋᓴᐢ ᒫᑲ ᒧᓯᐢ ᑭ ᐃᐧᐦᑕᒪᐁᐧᐤ, ᓬᐋᓴᕒᐊᐢ ᑭ ᓂᐱᐤ; 15ᓂ ᒥᐁᐧᔨᑌᐣ ᒫᑲ ᑭᔭᐋᐧᐤ ᐅᐦᒋ ᐁᑳ ᐁᑯᑕ ᐁ ᑭ ᐊᔮᔮᐣ, ᑭᑕ ᑖᐯᐧᑕᒣᐠ; ᐁᔨᐁᐧᕽ ᒫᑲ ᓇᑕᐋᐧᐸᒫᑖᐠ. 16ᐅᒥᓯ ᒫᑲ ᑕᒪᐢ (ᑎᑎᒪᐢ ᑳ ᐃᓯᔨᐦᑳᓱᐟ) ᑭ ᐃᑌᐤ ᐃᐧᒋ ᑭᐢᑭᓄᐦᐊᒪᐋᐧᑲᓇ, ᑭᔮᒼ ᑭᐢᑕᓇᐣ ᐃᑐᑌᑖᐠ, ᑭᑕ ᐃᐧᒋ ᓂᐳᒫᔭᕽ.
17ᐃᐢᐱ ᒫᑲ ᒋᓴᐢ ᑌᑯᓯᕽ, ᐳᑎ ᓵᓴᐩ ᓀᐤ ᑭᓯᑳᐊᐧ ᐁ ᑭ ᐱᒥᓯᓂᔨᐟ ᓇᐦᐃᓂᑐᐃᐧᑲᒥᑯᕽ. 18ᑭᓯᐊᐧᐠ ᒉᕒᐅᓴᓬᐊᒥᕽ ᑭ ᐊᔮᐤ ᐯᐦᑕᓂ, ᓈᐣᑕᐤ ᓂᓱ ᑎᐸᐦᐊᐢᑳᐣ ᐃᔨᑯᕽ. 19ᒥᐦᒉᐟ ᒫᑲ ᒍᐊᐧᐠ ᑭ ᐯ ᓇᑕᐋᐧᐸᒣᐊᐧᐠ ᒪᕒᑕᐊᐧ ᒥᓇ ᒣᕒᐃᐊᐧ, ᐁ ᐃᐧ ᑳᑭᒋᐋᒋᐠ ᐅᑕᐁᐧᒪᔨᐊᐧ ᐅᐦᒋ.
20ᐁᑯᓯ ᒪᕒᑕ, ᓭᒫᐠ ᐁ ᐯᐦᑕᕽ ᐁ ᐯ ᑕᑯᓯᓂᔨᐟ ᒋᓴᓴ, ᑭ ᓯᐯᐧᑌᐤ ᐁ ᑭ ᓇᑕᐃᐧ ᓇᑭᐢᑲᐋᐧᐟ; ᒣᕒᐃ ᒫᑲ ᐃᐧᔭ ᑫᔮᐱᐨ ᑭ ᐊᔭᐱᐤ ᐋᐧᐢᑳᐦᐃᑲᓂᕽ. 21ᒫᕒᑕ ᒫᑲ ᐅᒥᓯ ᑭ ᐃᑌᐤ ᒋᓴᓴ, ᑌᐯᔨᐦᒋᑫᔭᐣ, ᑭᐢᐱᐣ ᐅᑕ ᑭ ᐊᔮᔭᐣ, ᓇᒪᐃᐧᔭ ᐅ ᑳ ᑭ ᓂᐱᐦ ᓂᑕᐁᐧᒫᐤ. 22ᒫᑲ ᓂ ᑭᐢᑫᔨᑎᐣ, ᐊᐳᒋᑲ ᑫᔮᐱᐨ, ᐱᑯ ᑫᑲᐧᐩ ᑲᑫᐧᒋᒪᒋ ᑭᓭᒪᓂᑐ, ᑭᓭᒪᓂᑐ ᑭ ᑳ ᒥᔨᐠ. 23ᒋᓴᐢ ᒫᑲ ᐃᑌᐤ, ᒥᓇ ᑭᑕ ᐊᐧᓂᐢᑳᐤ ᑭᑕᐁᐧᒫᐤ. 24ᒫᕒᑕ ᒫᑲ ᐅᒥᓯ ᐃᑌᐤ, ᓂ ᑭᐢᑫᔨᑌᐣ ᒥᓇ ᑭᑕ ᐊᐧᓂᐢᑳᐟ ᐋᐱᓯᓯᓈᓂᐊᐧᑭ ᐃᐢᑲᐧᔮᐨ ᑭᓯᑳᑭ. 25ᒋᓴᐢ ᒫᑲ ᐅᒥᓯ ᑭ ᐃᑌᐤ, ᓂᔭ ᐅᒪ ᐋᐱᓯᓯᓄᐃᐧᐣ, ᒥᓇ ᐱᒫᑎᓯᐃᐧᐣ: ᐊᓇ ᑳ ᑖᐯᐧᔦᔨᒥᐟ, ᐊᑕ ᑭ ᓂᐱᒋ, ᑫᔮᐱᐨ ᑭᑕ ᐱᒫᑎᓯᐤ: 26ᐊᐃᐧᔭᐠ ᒫᑲ ᐁ ᐱᒫᑎᓯᐟ ᑖᐯᐧᔦᔨᒥᒋ, ᓇᒪ ᐃᐧᑳᐨ ᑭᑕ ᓂᐱᐤ. ᑭ ᑖᐯᐧᑌᐣ ᒋ ᐅᒪ? 27ᐅᒥᓯ ᒫᑲ ᐃᑌᐤ, ᐁᐦᐁ, ᑌᐯᔨᐦᒋᑫᔭᐣ: ᓂ ᑖᐯᐧᑌᐣ ᑭᔭ ᐁᐊᐧᑯ ᐅᑯᓯᓴ ᑭᓭᒪᓂᑐ, ᑳ ᑭ ᐃᐧ ᐯ ᐃᑐᐦᑌᐟ ᐅᑕ ᐊᐢᑭᕽ. 28ᐃᐢᐱ ᒫᑲ ᐅᒥᓯ ᑳ ᐃᑖᐟ, ᑭ ᐊᑎ ᑭᐁᐧᐤ, ᐁ ᑭ ᓇᑐᒪᐟ ᑭᒧᐨ ᐅᒋᐋᐧᒥᐢᑫᐧᒪ ᒣᕒᐃᐊᐧ, ᐁ ᐃᑖᐟ, ᐅᑭᐢᑭᓄᐦᐊᒫᑫᐤ ᑕᑯᓯᐣ ᑭ ᓇᑐᒥᐠ ᒫᑲ. 29ᐃᐢᐱ ᒫᑲ ᐅᒪ ᑳ ᐯᐦᑕᕽ, ᓭᒫᐠ ᑭ ᐸᓯᑯ, ᐁ ᑭ ᐯ ᓈᑖᐟ ᒫᑲ. 30ᒋᓴᐢ ᒫᑲ ᓇᒣᐢᑲᐧ ᑕᑯᓯᐣ ᐅᑌᓈᕽ, ᒫᑲ ᐁᑯᑕ ᑫᔮᐱᐨ ᑭ ᐊᔮᐤ ᐃᑕ ᒪᕒᑕᐊᐧ ᑳ ᑭ ᓇᑭᐢᑳᑯᐟ. 31ᒍᐊᐧᐠ ᒫᑲ ᑳ ᐃᐧᑕᐱᒫᒋᐠ ᐋᐧᐢᑳᐦᐃᑲᓂᕽ, ᐁ ᑲᑭᒋᐋᒋᐠ, ᐃᐢᐱ ᐃᐧᔮᐸᒫᒋᐠ ᒣᕒᐃᐊᐧ ᐁ ᐊᑎ ᑭᓯᐢᑳ ᐸᓯᑯᔨᐟ, ᐁ ᐊᑎ ᐊᐧᔭᐃᐧᔨᐟ, ᑭ ᐱᒥᑎᓴᐁᐧᐊᐧᐠ, ᐁ ᐃᑌᐧᒋᐠ, ᐃᑐᐦᑌᐤ ᓇᐦᐃᓂᑐᐃᐧᑲᒥᑯᕽ ᐁ ᓂᑕᐃᐧ ᒫᑐᐟ ᐁᑯᑕ.
32ᐃᐢᐱ ᒫᑲ ᒣᕒᐃ ᑌᑯᓯᕽ ᐃᑕ ᐁ ᐊᔮᔨᐟ ᒋᓴᓴ, ᐁ ᐋᐧᐸᒫᐟ ᒫᑲ, ᑭ ᐃᐢᐸᔨᐦᐅ ᐅᓯᑎᔨᕽ, ᐅᒥᓯ ᐁ ᐃᑖᐟ, ᑌᐯᔨᐦᒋᑫᔭᐣ, ᑭᐢᐱᐣ ᐅᑕ ᑭ ᐊᔮᔭᐣ, ᓇᒪᐃᐧᔭ ᐅ ᑲ ᑭ ᓂᐱᐦ ᓂᑕᐁᐧᒪᐤ. 33ᐃᐢᐱ ᒫᑲ ᒋᓴᐢ ᐃᐧᔮᐸᒫᐟ ᐁ ᒫᑐᔨᐟ, ᒥᓇ ᒍᐊᐧ ᑳ ᐯ ᐃᐧᒉᐊᐧᔨᐟ ᐁ ᒫᑐᔨᐟ, ᑭ ᒪᐃᐧᒧ ᐅᐟ ᐊᐦᒑᑯᕽ, ᒥᓇ ᑭ ᒥᑯᐢᑳᑌᔨᑕᒼ. 34ᐁᑯᓯ ᑭ ᐃᑌᐧᐤ, ᑕᓂᑌ ᑳ ᐱᒥᓯᒫᔦᐠ? ᐅᒥᓯ ᒫᑲ ᑭ ᐃᑌᐊᐧᐠ, ᑌᐯᔨᐦᒋᑫᔭᐣ, ᐯ ᐋᐧᐸᐦᑕ. 35ᒋᓴᐢ ᑭ ᒫᑐ. 36ᐅᒥᓯ ᒫᑲ ᑭ ᐃᑌᐧᐊᐧᐠ ᒍᐊᐧᐠ, ᒋᐢᐟ, ᑳ ᐃᐢᐱᒋ ᓵᑭᐦᐋᐟ! 37ᐊᑎᐦᐟ ᒫᑲ ᑭ ᐃᑌᐧᐊᐧᐠ, ᓇᒪ ᒋ ᐊᐊᐧ ᓈᐯᐤ ᑳ ᔪᑌᓇᒫᐧᐟ ᐅᐢᑭᓯᑯᔨᐊᐧ ᐁᑳ ᑳ ᐋᐧᐱᔨᐟ, ᐅ ᑲ ᑭ ᑲᐢᑭᑖ ᐅᐦᐃ ᓈᐯᐊᐧ ᐁᑳ ᑭᑕ ᓂᐱᔨᐟ?
38ᒋᓴᐢ ᒫᑲ ᒥᓇ ᐁ ᒪᐃᐧᒧᐟ ᐱᐦᒋ, ᑭ ᐯ ᑕᑯᓯᐣ. ᑭ ᐊᐧᑎᐃᐧᐤ ᒫᑲ, ᒥᓇ ᐊᓯᓂ ᓇᐦᐃᓂᑐᐃᐧᑲᒥᑯᕽ ᑭᐸᐱᐤ. 39ᒋᓴᐢ ᑭ ᐃᑌᐧᐤ, ᐅᐦᐱᒣ ᐊᔨᕽ ᐊᓯᓂ. ᒪᕒᑕ ᒫᑲ, ᐅᑕᐁᐧᒪᐊᐧ ᑳ ᑭ ᓂᐱᔨᐟ, ᐅᒥᓯ ᑭ ᐃᑌᐤ, ᑌᐯᔨᐦᒋᑫᔭᐣ, ᓵᓴᐩ ᐃᐧᒉᑲᓄᑐᑫ; ᒋᑫᒫ ᓵᓴᐩ ᓀᐤ ᑭᓯᑳᐤ ᑭ ᓂᐱᐤ. 40ᒋᓴᐢ ᒫᑲ ᐅᒥᓯ ᑭ ᐃᑌᐤ, ᓇᒪ ᒋ ᑭ ᑭ ᐃᑎᑎᐣ ᑭᐢᐱᐣ ᑖᐯᐧᑕᒪᓂ, ᑭᑕ ᐋᐧᐸᐦᑕᒪᐣ ᑭᓭᒪᓂᑐ ᐅ ᑭᐢᑌᔨᑖᑯᓯᐃᐧᐣ? 41ᑭ ᑕᐃᐧᓀᐊᐧᐠ ᒫᑲ ᐊᓯᓂᔭ. ᒋᓴᐢ ᒫᑲ ᐃᐢᐱᒥᕽ ᐁ ᐃᑖᐱᐠ ᑭ ᐃᑌᐧᐤ, ᓄᑖ, ᑭ ᓇᓈᐢᑯᒥᑎᐣ ᐁ ᑭ ᐯᑕᐃᐧᔭᐣ. 42ᓂ ᑭᐢᑫᔨᑌᐣ ᒫᑲ ᒧᓴᐠ ᐁ ᐯᑕᐃᐧᔭᐣ: ᒫᑲ ᐅᑭ ᑳ ᐱᒥᑳᐸᐃᐧᒋᐠ ᐅᑕ, ᑳ ᐅᐦᒋ ᐃᑌᐧᔮᐣ, ᑭᑕ ᑖᐯᐧᑕᐦᑭᐠ ᑭᔭ ᐁ ᑭ ᐯ ᐃᓯᑎᓴᐦᐅᔭᐣ. 43ᐃᐢᐱ ᒫᑲ ᐅᒥᓯ ᑳ ᐃᑌᐧᐟ, ᑭ ᑌᐯᐧᐤ, ᐁ ᑭᓯᐁᐧᐟ ᓬᐋᓴᕒᐊᐢ, ᐯ ᐊᐧᔭᐃᐧ. 44ᐊᓇ ᒫᑲ ᑳ ᑭ ᓂᐱᐟ ᑭ ᐯ ᐊᐧᔭᐃᐧᐤ, ᐁ ᐁᐧᐁᐧᑲᐱᓱᐟ ᐅᒋᒋᕽ ᒥᓇ ᐅᓯᑎᕽ ᓇᐦᐃᓂᑐᐃᐧ ᐁᐧᐁᐧᑭᓂᑲᓇ ᐅᐦᒋ; ᒥᓇ ᐁ ᑭ ᐋᑯᔮᐸᐦᐱᓱᐟ ᐋᐧᐱᐢᑫᑭᓄᔨᐤ. ᒋᓴᐢ ᒫᑲ ᐅᒥᓯ ᐃᑌᐤ, ᐊᐸᐅᕽ, ᒥᓇ ᐸᑭᑎᓂᕽ.
45ᒥᐦᒉᐟ ᒫᑲ ᒍᐊᐧᐠ ᑳ ᑭ ᐯ ᓇᑕᐋᐧᐸᒫᒋᐠ ᒣᕒᐃᐊᐧ, ᐁ ᑭ ᐋᐧᐸᐦᑕᐦᑭᐠ ᑳ ᑭ ᐊᔨᓯᒋᑫᔨᐟ ᒋᓴᓴ, ᑭ ᑖᐯᐧᔦᔨᒣᐊᐧᐠ. 46ᒫᑲ ᐋᑎᐦᐟ ᑭ ᓯᐯᐧᑌᐊᐧᐠ ᐁ ᑭ ᓇᑕᐋᐧᐸᒫᒋᐠ ᐹᕒᐊᓯᐊᐧ, ᐁ ᑭ ᐃᐧᐦᑕᒪᐋᐧᒋᐠ ᒫᑲ ᑳ ᑭ ᐊᔨᓯᒋᑫᔨᐟ.
47ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒫᑲ, ᒥᓇ ᐹᕒᐊᓯᐊᐧᐠ, ᑭ ᒫᐊᐧᒋᐃᑐᐊᐧᐠ ᑭᑕ ᐅᔭᓱᐁᐧᒋᐠ ᐅᒥᓯ ᐁ ᐃᑌᐧᒋᐠ, ᑖᓂᓯ ᑫ ᐃᑐᑕᒪᕽ? ᒋᑫᒫ ᐊᐊᐧ ᐊᔨᓯᔨᓂᐤ ᐃᑐᑕᒼ ᒥᐦᒉᐟ ᒪᒫᑖᐃᐧ ᐃᓯᐦᒋᑫᐃᐧᓇ. 48ᑭᐢᐱᐣ ᐅᒥᓯ ᐃᓯ ᐁᑳ ᓈᐣᑕᐤ ᐃᑐᑕᐋᐧᔭᑭ, ᑲᐦᑭᔭᐤ ᐊᔨᓯᔨᓂᐊᐧ ᑭᑕ ᑖᐯᐧᔦᔨᒥᐠ: ᐁᑯᓯ ᕒᐅᒪᓇᐠ ᑭ ᑲ ᐯ ᒪᐢᑲᒥᑯᓇᐊᐧᐠ ᑭᐟ ᐊᐢᑭᓇᐤ ᒥᓇ ᑭ ᐱᐢᑭᑕᐢᑳᓀᓯᐃᐧᓂᓇᐤ. 49ᐯᔭᐠ ᒫᑲ ᑲᔭᐸᐢ ᐁ ᐃᓯᔨᐦᑳᓱᐟ, ᐁ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐃᐧᐟ ᐁᐊᐧᑳᐧᓂᒪ ᐁ ᐊᐢᑭᐊᐧᕽ, ᐅᒥᓯ ᑭ ᐃᑌᐤ, ᓇᒪᐋᐧᐨ ᑫᑲᐧᐩ ᑭ ᑭᐢᑫᔨᑌᓈᐋᐧᐤ, 50ᐊᐦᐳ ᓇᒪᐃᐧᔭ ᑭ ᒫᒥᑐᓀᔨᑌᓈᐋᐧᐤ, ᐁ ᐃᐢᐸᔨᐃᑯᔦᐠ ᐯᔭᐠ ᐊᔨᓯᔨᓂᐤ ᑭᑕ ᓂᐳᐢᑕᒪᐋᐧᐟ ᐊᔨᓯᔨᓂᐊᐧ, ᐁᑳ ᒫᑲ ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᓂᓯᐊᐧᓈᑎᓯᒋᐠ. 51ᓇᒪᐃᐧᔭ ᒫᑲ ᐃᐧᔭ ᓭᑫ ᐅᒥᓯ ᑳ ᐃᑌᐧᐟ: ᒫᑲ ᐁ ᒫᐊᐧᒋ ᑭᐦᒋ ᐊᔭᒥᐦᐁᐃᐧᔨᓂᐃᐧᐟ ᐁᐊᐧᑳᐧᓂᒪ ᐁ ᐊᐢᑭᐊᐧᕽ, ᑭ ᑭᐢᑭᐁᐧᐦᐃᑫᐤ ᒋᓴᐢ ᑭᑕ ᓂᐳᐢᑕᒪᐊᐧᐟ ᐁᐊᐧᑯᓂ ᐊᔨᓯᔨᓂᐊᐧ; 52ᓇᒪᐃᐧᔭ ᒫᑲ ᐱᑯ ᐁᐊᐧᑯᓂ ᐊᔨᓯᔨᓂᐊᐧ, ᒫᑲ ᒥᓇ ᑭᑕ ᒫᐊᐧᒋᐦᐋᐟ ᑳ ᓯᓭᐧᐢᑳᔨᐟ ᒫᒪᐃᐧ ᑭᓭᒪᓂᑐ ᐅᐟ ᐊᐋᐧᓯᒥᓴ. 53ᐁᐊᐧᑯ ᒫᑲ ᐁ ᑭᓯᑳᐠ ᐅᐦᒋ ᑭ ᐅᔭᓱᐁᐧᐊᐧᐠ ᑭᑕ ᓂᐸᐦᐋᒋᐠ. 54ᒋᓴᐢ ᒫᑲ ᓇᒪᐋᐧᐨ ᒥᓇ ᒧᓯᐢ ᑭ ᐸᐹᒧᑌᐤ ᐃᑕ ᐁ ᐊᔮᔨᐟ ᒍᐊᐧ; ᒫᑲ ᑭ ᐃᑐᐦᑌᐤ ᐊᓂᑕ ᐊᐢᑭᕽ ᑭᓯᐋᐧᐠ ᐱᑲᐧᑕᐢᑲᒥᑳᕽ, ᐅᑌᓇᐤ ᐃᑊᕒᐁᐃᒼ ᐁ ᐃᓯᔨᐦᑳᑌᐠ, ᐁᑯᑌ ᒫᑲ ᑭ ᐃᐧᒉᐁᐧᐤ ᐅ ᑭᐢᑭᓄᐦᐊᒪᐋᐧᑲᓇ.
55ᐅ ᒪᔮᐢᑯᑖᑐ ᐃᐧᐦᑯᐦᑐᐃᐧᓂᐋᐧᐤ ᒫᑲ ᒍᐊᐧᐠ ᓵᓴᐩ ᑫᑳᐟ ᐅᑎᐦᒋᐸᔨᔨᐤ: ᒥᐦᒉᐟ ᒫᑲ ᐸᐹᒥ ᐃᑕ ᐅᐦᒋ ᑭ ᐯ ᐃᑐᐦᑌᐊᐧᐠ ᒉᕒᐅᓴᓬᐊᒥᕽ ᐁ ᑭ ᐃᑐᐦᑌᒋᐠ ᒪᐧᔦᐢ ᐅᑎᐦᒋᐸᔨᐠ ᒪᔮᐢᑯᑖᑐ ᐃᐧᐦᑯᐦᑐᐃᐧᐣ, ᑭᑕ ᐯᑭᐃᓱᒋᐠ. 56ᑭ ᓇᓇᑐᓇᐁᐧᐊᐧᐠ ᒫᑲ ᒋᓴᓴ, ᐅᒥᓯ ᐁ ᑭ ᐊᔨᑎᑐᒋᐠ, ᐁ ᓇᓂᐸᐃᐧᒋᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᑖᓂᓯ ᑭᔭᐋᐧᐤ ᐁᑌᔨᑕᒣᐠ, ᓇᒪᐃᐧᔭ ᒋ ᑭᑕ ᐃᐧ ᐯ ᐃᑐᐦᑌᐤ ᐃᐧᐦᑯᐦᑐᐃᐧᓂᕽ? 57ᐁᑲᐧ ᒫᑲ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᐹᕒᐊᓯᐊᐧᐠ ᑭ ᐃᑕᓱᐁᐧᐊᐧᐠ, ᑭᐢᐱᐣ ᐊᐃᐧᔭᐠ ᐊᔨᓯᔨᓂᐊᐧ ᑭᐢᑫᔨᑕᒥᔨᐟ ᐃᑕ ᐁ ᐊᔮᐟ, ᑭᑕ ᑭᐢᑭᔨᑕᒧᐃᐁᐧᔨᐟ ᑭᑕ ᑭ ᐅᑎᓈᒋᐠ.
Айни замон обунашуда:
ᓭᐣᐟ ᒑᐣ 11: KKMs
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.