Kucangtsi 5
5
Rishi na Adamu
115 Ayine si kuci na rishi Adamu. Kiye ti Rimam kyae unde, awu kyae unde wu rukwer ijwe-wu. 2Awu kyae ba urom ti unda. Isim ti awu kyae mam pu wu aba, awu wae ira na ba, ama u kunn ba baa, “Unde.” 3Kiye ti Adamu som asang ukob kinjo ti rijweta (130), awu mbae umbae ti urom ti ru ijwe-wu, u kunn wu baa, “Seti.” 4Isim ti Adamu mbae Seti, awu som asang ukob itsongta (800), ama u mbae kyi anyisu ti arom tí tī anda. 5Asang-wu meme ka ukob itsongnje ti rijweta (930), ama awu cwu-wu.
6Seti nde asang ukob kinjo ti itsong (105), titawe awu mbae Enoshi, 7Isim ti awu mbae Enoshi, awu som asang ukob itsongta ka mbe itsongfaen (807), ama mbae kyi anyisu ti arom tí tī anda. 8Asang Seti meme ka ukob itsongnje ti rijwe asu ifaen (912), ama awu cwu-wu.
9Ti Enoshi nde asang mae-inje mbe rijwe (90), awu mbae Kenan. 10Isim ti awu mbae Kenan, awu som asang ukob itsongta mbe rijwe asu-itsong (815), ama u mbae kyi anyisu ti arom tí tī anda. 11Meme asang Enoshi si ukob itsongnje mbe itsong (905), ama awu cwu-wu.
12Kenan ama nde asang mae-ita mbe rijwe (70), u mbae Mahalalel. 13Isim ti awu mbae Mahalalel, awu som asang ukob itsongta ti mae ifaen (840), ama u mbae kyi anyisu ti arom tí tī anda. 14Meme asang Kenan ka ukob itsongnje ti rijwe (910), ama awu cwu-wu.
15Mahalalel nde asang mae-ita mbe itsong (65), u mbae Jared. 16Isim ti awu mbae Jared, Mahalalel som asang ukob itsongta ka mbe rijweta (830), u mbae kyi anyisu ti arom tí tī anda. 17Meme asang Mahalalel ka ukob itsongta ti mae-inje mbe rijwe asu itsong (895) ama awu cwu-wu.
18Jared nde asang ukob kinjo ti mae ita mbe ifaen (162), u mbae Enoki. 19Isim ti awu mbae Enoki, Jared som asang ukob itsongta (800), ama u mbae kyi anyisu ti arom tí tī anda. 20Meme asang Jared ka ukob itsongnje ti mae ita mbe ifaen (962), ama awu cwu-wu.
21Ti Enoki nde asang mae-ita mbe itsong (65), awu mbae Metusela. 22Isim ti awu mbae Metusela, Enoki kyang ikyin te Rimam asang ukob ita (300), u mbae kyi anyisu ti arom tí tī anda. 23Meme asang Enoki ka ukob ita ti mae-ita mbe itsong (365). 24Enoki kyang ikyin fifer te Rimam. Awu nung-wu iticwu be, ikyaen imi, Rimam ye ra wu tso ti unyang.
25Metusela nde asang ukob kinjo ti mae-inje mbe itsongfaen (187), u mbae Lameki. 26Isim ti awu mbae Lameki, Metusela som asang ukob itsongfaen ti mae-inje mbe ifaen (782), ama u mbae kyi anyisu ti arom tí tī anda. 27Patag asang Metusela ka ukob itsongnje ti mae ita mbe itsongnje (969), ama awu cwu-wu.
28Lameki ama nde asang ukob kinjo ti mae-inje mbe ifaen (182), u mbae umbae ti urom. 29Awu fa rinyi umbae wu baa, Nuhu, ku ri baa, “Uwae riben wu ti Yaweh faen ndembeb wu ne, umbae wune ti u nwangru ti, ama u ri jim ti utob yi rikaen na wande ti kpakang ti ati ku nde.” 30Isim ti a mbae Nuhu, Lameki som asang ukob itsong ti mae-inje mbe rijwe asu itsong (595), ama u mbae kyi anyisu ti arom tí tī anda. 31Meme asang Lameki ka ukob itsongfaen ti mae-ita mbe rijwe asu itsongfaen (777), ama awu cwu-wu.
32Nuhu, isim ti awu nde asang ukob itsong (500), awu mbae anyisu ti arom ita, Shem ti Ham, ti Jafeti.
Айни замон обунашуда:
Kucangtsi 5: kubNT
Лаҳзаҳои махсус
Паҳн кунед
Нусха
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Ftg.png&w=128&q=75)
Want to have your highlights saved across all your devices? Sign up or sign in
© Wycliffe Bible Translators, Inc. and
© The Nigeria Bible Translation Trust 1995, 2017