Enkiterunoto ENAITURUK
ENAITURUK
Ore ena arna naji ENKITERUNOTO teneibalunyeki neutu enaitera aaku. Elimu ena buku enkitobirata e shumata, enkiterunoto e tung'ani, enkiterunoto eng'oki o sina te nkop, neutu enaikuna Enkai peyie earare tung'ani. Eidimi aatoor ena buku aitaa irubat are sapuki:
1. Ematua 1 - 11. Eutu kuna matuan enkitobirata e nkop o enkatini e dukuya naipirta eishoi e tung'ani. Kidol tene atini e Adam o Hawa, Kain o Abel. Noa tenebo olairrag le nkare, o ltalet le Babilon.
2. Ematua 12 - 50 Enkatini nautu iloo nkakuyiaa le Israel. Ore ole dukuya na Abraham, laa yioloti apa oleng tenkaraki enkirukoto enye o enkisiligata enye Enkai. Nesuju ninye enkatini o layioni lenye Isak, o le nkakuyiaa lenye Yakobo, (laa ninye ake eji Israel), o layiok tomon aare le Yakobo, laa ninche epukunye iloshon tomon aare le Israel. Kisum enkatini o layioni obo le Yakobo oji Yosef laa ninye otorikuo Yakobo tenebo lkulikae ayiok meetu aamany o lmareita lenye Misiri.
Ore hoo duoo neeta ena buku inkatinin kumok naaipirta iltung'ana, ore enaituruk te pooki neutu imbaa naataasa Enkai. Eiteru autu inchere Enkai naitobira shumata, neiting'ie te nkisiligata najo elo Enkai dukuya adamu iltung'ana lenyena. Ore te mbuku pooki naa ore oltung'ani olioo oleng naa Enkai, laa ninye oiguanare neitame lelo ooas ng'ok, nerikoo neretu sii iltung'ana lenyena nererioo enkishui enye pooki. Ore ena buku musana oleng netisiraki apa peyie eshum inkatinin enkirukoto oo ltung'ana neretu meitudupai ina kirukoto.
Iorot oo matuan
Enkitobirata e nkop o tung'ani 1.1–2.25
Enkiterunoto oo ng'ok o sina 3.1-24
Eiteru te Adam o metabaiki Noa 4.1–5.32
Noa o lairrag le nkare 6.1–10.32
Olatalet le Babilon 11.1-9
Eiteru te Shem o metabaiki Abram 11.10-32
Iloo nkakuyiaa: Abraham, Isak, Yakobo 12.1–35.29
Eishoi e Esau 36.1-43
Yosef o ilalashera lenyena 37.1–45.28
Isiraeli etii Misiri 46.1–50.26
Айни замон обунашуда:
Enkiterunoto ENAITURUK: MBS
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
The Bible in Maasai © United Bible Societies, 1991.