Génesis 12
12
Ndo Dio bayee Abram
1Naa nchaꞌon Ndo Dio ndache Abram: «Sathjixin ngain nuntheꞌa, ngain ni chujnia, ko ngain nchianduꞌa ndudaa, ko sathji ngain nunthe jaꞌan tsjaguꞌa. 2Ko jaꞌan sinthatsjé chujnia ko rukjan na̱ naa rajna anto jié. Jaꞌan sinthanchaon, mexinxin tsjé chujni ruchunxin na̱ jaꞌa, ko ixin jaꞌa tsunchaunxin tsjé chujni. 3Ko jaꞌan sinthanchaon chujni sinthanchaon jaꞌa, ko jianꞌa tsjiꞌi chujni sinthakininxin thi jianꞌa. Ko ixin jaꞌa sinthanchaunxin kainxin chujni jii nguixin nunthe.»
4Ko Abram sakjui inchin kuetuꞌen Ndo Dio, ko Lot kjui ngain Abram. Ko Abram bechunda nii kan ko the naꞌo nano are bachrjexin Harán. 5Ko sabikao chriꞌi, Sarai, ko Lot, xeꞌen xan choo, ko kain thi bechunda, ko kain chujni jeꞌe kueꞌna ngain nunthe Harán, ko bachrje na̱ ixin sakjui na̱ ngain nunthe Canaán. Kuthimejan biji na̱ ngain nunthe Canaán. 6Ko Abram bathukaꞌo na̱ nguii ngataꞌa nunthe Canaán ko biji na̱ ngain nunthe Siquem thi jii nthajie̱, nthathjao diꞌin More. Ko ni cananeo binthe na̱ ngain nunthe yaa. 7Ko Ndo Dio kununxin Ndo ngain Abram ko ndachro Ndo: «Chujni sachrjeninxin jaꞌa ruchjaꞌa na̱ nunthe jiꞌi.»
Ko ixin nthiꞌa kununxiꞌin Ndo Dio, Abram binchechjian naa giꞌi jitangi ixin binchesayexin Ndo Dio. 8Kuthimejan sakjui na̱ ngain naa jna jii nu thi chrinxin nchaꞌon ngain nunthe Bet-el, ko kjan binchechjian nchia ndaasin. Ko rajna Bet-el bithuꞌe nu thi chrinxin nchaꞌon, ko rajna Hai nu thi diataunxin nchaꞌon. Ko kai nthiꞌa binchechjian naa giꞌi jitangi binchesayexin Ndo Dio. 9Kuthimejan Abram sakjuixin nthiꞌa, ko yao ko yao sakjui na̱ ngain nunthe Neguev.
Abram biji ngain nunthe Egipto
10Ngain nchaꞌon teꞌa beꞌe jintha anto suji ngain nunthe Canaán, mexinxin sabiginthe na̱ ngain nunthe Egipto. 11Ko are uchiaon tediji na̱ Egipto, Abram ndache Sarai: «Tsjexin, jaꞌan nuna ixin jaꞌa naa nchrii anto chrjuin jii, 12ko are chujni Egipto sikon na̱ jaꞌa, rundachro na̱: “Nchrii jiꞌi chriꞌi Abram.” Kuthimejan ndasuen na na̱, ko jaꞌa tsajanda na̱ sarichon. 13Nthatsaꞌan ñao, ndachro ixin jaꞌa nchri chian, ko jañaa jian sincheꞌe na̱ ngajin na ko suenꞌa na na̱ ixin jaꞌa.»
14Ko jañaa kuꞌen, are Abram biji Egipto, ni egipcio bikon na̱ ixin chriꞌi anto chrjuin jii nchra. 15Ko ni thjengijna faraón are bikon na̱ nchra kjui na̱ bindache na̱ faraón ixin anto chrjuin jii nchra, ko bikao na̱ Sarai ngain faraón.
16Ko ixin bithuꞌe jian faraón ngain Abram, chjee kuleko, kuxinthaa, kulucho ko kucamello kunaꞌa ko kudaꞌa, ni xii ko ni nchrii ixin tsjengijna na̱. 17Ko Ndo Dio binchexruxinꞌa Ndo jiꞌi ixin Sarai, ko ruꞌan Ndo tsjé chin ngain faraón ko ngain ni chujnii. 18Mexinxin faraón jaikua bayee Abram ko ndache: «¿Keꞌe bincheꞌe ngajin ná? ¿Unda ndachjejinꞌa na ixin nchrii jiꞌi chriꞌa? 19¿Unda ndachro: “Nchri jiꞌi nchri chian”?, ¡mexinxin jaꞌan nchao rugarikiꞌan nchra! Aro jai nthiꞌi jii chriꞌa; ko ¡sathjixin ra nthiꞌi!» 20Kuthimejan faraón kuetuꞌen chujnii ixin rugantsje na̱ Abram ko kain thi bechunda.
Айни замон обунашуда:
Génesis 12: plsNT
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.