Mateusi 4
4
Ãjãgai rõvijã wã'ã tarepe Jesu remẽwarà
(Maku 1.12-13; Rukasi 4.1-13)
1Ãmẽ ajaire, Janejare'e 'Ãg weraa Jesu tekoe'ãma kyty. A'e rupi Jesu ekoi rã'ĩ. A'e pè ãjãgai rõvijã wã'ã tarepe Jesu esa mijã. [Opota ipe ojimojõvijãoka Jesu pè mijã.]#Epr. 2.18; 4.15 2A'e rupi ekoi remẽ, nojimi'ui rã'ĩ tesõ Jesu iko. 40 'arà rõmõ tesõ a'evo ekoi, ajaate nikasi tesõ amyay pè ky'y. 3Ãmẽ jakatu ãjãgai rõvijã uu Jesu rã'ã, ijamyayay tè iko remẽ. Kee e'i epe ijupe:
– Aje ywete põ Janejare'e Ra'yry tè ene? e'i rã'ãga ijupe. A'e tè ene remẽ, aã takuru kõ emono tojinõ meju rõmõ neayvukasia rupi ãmẽ, e'i epe.
4– Ãnĩ! e'i Jesu ijupe. Kee e'i itõkõ Janejare'e ayvu ojikusiwa: “Ja'umã'ẽ poromokasi ke'ĩatu tè. Janejare'e ayvu mãerã tè poromokasi. Pirujẽ e'i maekwerà rupi ywesõ tijaiko”, e'i maekwerà, e'i Jesu ãjãgai rõvijã mogwe rã'ĩ.#T.M. 8.3
5Ajaire wã'ã tarepe mijẽ ãjãgai rõvijã. Jerusarẽ taa kyty weraa Jesu. Janejare'e moe'ea retã apyterà 'aryvo werojiupi, yvate'e tesõ mã'ẽ 'aryvo. Ãmẽ a'e 'aryvo tui kupa remẽ, e'i mijẽ Jesu pè. [Janejare'e ayvu rupi katu maevo sõ tite oporegeta ky'y.]
6– Haa! Aje ywete Janejare'e Ra'yry tè sõ ene remẽ, nepo kuwasi ike wyi neo, e'i rã'ãga. Neremãnõ'ãi nepo remẽ. Janejare'e nepãtavõtà tanemarama e'ã. Aepo jaa rè kee e'i itõkõ ojikusiwa Janejare'e kareta rè: “Janejare'e wemĩgwai yvapewarà kõ omuutà toja'a nere. A'e kõ nepykĩtà terejipyjuka e'ã takuru rè”, e'i maekwerà.#Jĩg. 91.11-12 [Epo awi esa!] e'i rã'ãga ipe ãjãgai rõvijã ijupe.
7Ãmẽ Jesu e'i ijupe:
– [Ãnĩ! Napõ'ãi neayvu rupi!] Kee e'i itõkõ Janejare'e ayvu jikusiwarerà: “Terã'ã e'ã ikõ rejupa nẽ”, e'i Janejare'e jane,#T.M. 6.16 e'i Jesu ãjãgai rõvijã pè imogwe mijẽ.
8Aja paire weraa mijẽ yvytyrapyte 'aryvo. Ikujaukwerà pè weraa. A'e pè pirujẽ ojisa katu mã'ẽ tè. Tõvijã wasu rerekoa kõ rè omã'ẽ kupa. Taa kõ rè. Ãmõ, yvy kõ rè. Ãmõ, jane atyry kõ rè. Kee e'i rã'ãga ãjãgai rõvijã Jesu pè:
– Emã'ẽ gatu rã'ĩ pirujẽ erokwa. Ikatuay wete pirujẽ, e'i. 9Ãwĩ ãwĩ kõ pirujẽ ojime'ẽ ije. Ajawyi ewyry kyty tepa jẽ ãwĩ kõ age'e ky'y, e'i. Nepota põ ãwĩ ãwĩ kõ ame'ẽ ene? Nepota remẽ, ãwĩ kõ ame'ẽtà ene. Ejimoenãpa'ã rã'ĩ erovake ajawyi emoe'e. Ãmẽ tè oromonookatà ãwĩ kõ 'arà kyty tè terejimojõvijã, e'i rã'ãga ijupe.
10Ãmẽ aepo e'i remẽ, Jesu e'i ijupe:
– Ãnĩ! Janejare'e ayvu jikusiwarerà itõkõ kee e'i: “Janejare'e rõmõ'ĩte teremojõvijã imomojy ipi. Ijayvu rupi rõmõ'ĩte ikõ tapeiko ipi nẽ”, e'i ijayvu jikusiwarerà.#T.M. 6.13 Noromoe'e'ãi ajawyi. Kuise'ẽ ikõ ejisyry eo ewyi nẽ! e'i Jesu ãjãgai rõvijã pè.
11Ameve ojirova Jesu wyi oo ky'y. Aja paire Janejare'e remĩgwai yvapewarà kõ tẽ tesõ uu Jesu rè oja'a ky'y.
Jesu poromo'e ypy remẽwarà
(Maku 1.14-15; Rukasi 4.14-15)
12Ãmẽ ajaire kovenatu Eroti#4.12 Jõvijã Eroti ra'yry mõ kovenatu Eroti. Eroti Ãtipa eu teve ijupe. Mat. 14.3; Mak. 6.17; Ruk. 3.19-20 omopã'ãoka Juwão poromojãmorĩ mã'ẽ. A'evoa ojenu Jesu pè. A'evo paire Karireja yvy kyty ojivy oo, [ke'ĩrõwã sa'u jõvijã rena pe wyi]. 13Nasare taa kyty rõwã oo opyta ajamã'ẽ. Kapanão taa kyty oo ojimoena. Pãranã Karireja pyri a'e taa. Semõrõ jeapyrerà kõ pytery pè ekoi.#4.13 Semõrõ eu tãmõ Jako amyry ra'yry mõ pè. Napitari teve Jako amyry ra'yry mõ. Ijeapyrerà kõ Karireja yvy pè ekoi kupa. Ãmõ, Napitari jeapyrerà kõ pytery pè teve ekoi. 14Janejare'e ayvukwerà mojenuarà Isajasi kee e'i amãtejẽ ikusiwa maekwerà rupi katu tè Jesu a'evo ekoi.
15“Semõrõ yvy wãnà kõ! Ãmõ, Napitari yvy wãnà kõ!
Ãmõ, Karireja pãranã pijarà rupiwarà kõ!
Ãmõ, yy Jotão ovae kytywarà kõ!
Ãmõ, Karireja yvy wãnà kõ, Juteu rõwã mãe kõ!
Eayvu rè pejapyaka rã'ĩ si!
16Janejare'e napekuwaive.
Tekoua e'eay rupi napekuwai peiko.
Ajawyi pãtõnusu rupi wata mãe kõ vo 'ejẽ pejẽ peiko.
Ajamã'ẽ kãramõ Janejare'e ojikuwaokatà peupe ky'y.
Okyje ai mãnõa wyi mãe kõ pè teve ojikuwaokatà.
[Wemimuu rã rupi ojikuwaokatà peupe.]
A'evo remẽ tekoua e'eay rupi peikotà ky'y.
Ãwitõ 'aryvo wata mãe kõ votà peiko ãmẽ ky'y”, e'i maekwerà.#Isa. 9.1-2
Aekwerà rupi katu Jesu ekoi ãmẽ, ãwisõ “aje” taoty Isajasi remikusiwarerà pè age'e remẽ ky'y.
17Ãmẽ Jesu Karireja yvy pè ekoi remẽ, Janejare'e ayvu rè poromotekokuwa ypy iko. Kee e'i:
– Ke'ĩ Janejare'e ojikuwaokatà Jõvijã wasu rõmõ. [Ajawyi tapejipy'amogeta ikõ amãtejẽ peneko rè age'e nẽ.] Tapejimosĩoka peaiwererà rè. Tapejimome'u amãtejẽ Janejare'e pè peaiwererà reitypypyipaoka, e'i Jesu imo'e kõ.#Mat. 3.2
Jesu opyteporo ypy wemimo'earà rã kõ remẽwarà
(Maku 1.16-20; Rukasi 5.2-11; Juwão 1.35-42)
18Ajaire Jesu opyteporo ypy wemimo'earà rã kõ, Karireja pãranã reme rupi wata iko remẽ. A'e pè kwaima'e kõ mõ wesa. Mõrijõ wesa, teke'yry revejẽ. A'e kõ pira mo'auta omomo momo ereko mãe kõ. A'evo tè iposikoa kõ ipi. Teke'yry pè Simão eu. Peturu eu teve ijupe. Ãmõ, imõmirĩ pè Aãtere eu. 19A'e kõ pè Jesu e'i:
– Ja'e tuve erupi! Poropyteporopa eremimo'earà kõ rõmõ tapeiko. Ajaire poromonookatà Janejare'e ayvukwerà tapemome'u jane kõ pè, e'i Jesu ijupe kõ.
20Ameve pira mo'auta oity tepe'yte oo Jesu rupi kupa ky'y. Awyje oo upi kupa.
21A'e pe wyi oo jẽ Jesu. Ãmõ kwaima'e kõ wesa mijẽ. Teke'yry, imõmirĩ reve. A'e kõ yarà pupe wapy pira mo'auta mokatu upa, uu reve. Semeneu eu tuu pè. Ta'yry teke'yry pè Tiaku eu. Imõmirĩ pè Juwão eu. A'e kõ pè teve Jesu e'i:
– Ja'e tuve erupi! e'i mijẽ.
22Ameve ojisyry tepe'yte oo Jesu rupi kupa. Awyje oo kupa. Uu oity yarà pupeve oo kupa. [A'evo Jesu opyteporo ypy wemimo'earà rã kõ remẽ.]
Jesu ayvukasia ojenu okwa remẽwarà
(Rukasi 6.17-19)
23Ajaire Karireja yvy rupi oo oo Jesu ipi. A'e rupi poromo'e Janejare'e ayvu rè jimo'ea retã kõ wyry rupi iko ipi. Janejare'e ayvu e'eay rè poromotekokuwa. Kee e'i:
– Age'e sõsi Janejare'e ojikuwatà penõvijã ywete rõmõ, penerekoa rõmõ, e'i.
Ãmõ, itekorã mãe kõ omokatupa erokwa ipi, pirujẽ.#Mat. 9.35; Mak. 1.39 24Ke'ĩrõwãwarà kõ pè Jesu rewarà ojenu. Sirija yvy rupi ojenu, iteetejẽ taa kõ rupi. Ajawyi itekorã mãe kõ weru eru Jesu kyty imokatuoka ijupe kupa ipi. Iteetejẽ weru kupa. Ãmõ, ayay mãe kõ weru eru kupa. Ãmõ, ãjãg ojimoemija ee mãe kõ weru eru kupa. Ãmõ, omãnõ mãnõ mãe kõ. Ãmõ, nipimãrãkuwai mãe kõ. Wãi wãisõ weru eru Jesu kyty kupa ky'y. Ãmẽ Jesu omokatu kõ, pirujẽ. 25Ajawyi ijatyray tesõ oo oo Jesu rakypy rupi kupa. Kejõ oo kupa. Karireja yvy wãnà kõ. Ãmõ, Tekapori#4.25 Tekapori pè “taa atyry 10 rõmõ” jaa tè. taa atyry wãnà kõ. Ãmõ, Jerusarẽ taa wãnà kõ. Ãmõ, Juteja yvy wãnà kõ. Ãmõ, Jotão ovae kytywarà kõ, kwaray ẽma kytywarà kõ. A'e a'e kõ Jesu rupi oo oo ky'y. Aty wasu oo upi ky'y.
Айни замон обунашуда:
Mateusi 4: oymNT
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.