Popular Bible Verses from Luka 5

Паҳн кунед

Mulosi'a lavulavu mukalu, xe ili'i la muvikalanu Saimoni aloxo 'o, “Navole nalai no kupa lixinu mo ngongi'a ta menexine ngasu'anu kaengenge sou ngano'a ta sinana mose'i.”

Ia Saimoni muvikalanu Iesu aloxo 'o, “Tila, no 'olovoxo lololi ano 'o, nexi texaxai ialuxu mo mutalo no anu lamana, ia tano'u sinana soxu vile uasi. Ia, mii vile uasi, nexi tamulinu vaikalameni mo tasu'anu kaenexe.” Ane'i mi'oxo aloxo ne, la mino'a ta sinana tavu'alo misevile, la kae ne lexe sou ukakaa.

Ia voxo se'i, la Anu u'umesi'a mo ulai no xalee lia e ta mitema ixolu no anu uasi sou mulinga noxou Lataua.

Anu aloxo nesi, la sou eni ene'e 'o sou a'avali'a ta mitema e milavusi'a lexe ane'i milaixe uasi. Eni ene'e 'o sou a'avali'a ta mitema e milavusi'a lexe ane'i mimasua sou ane'i ixiu tumali'au 'ilixo masua noxi'a.”

Saimoni mumaisou aloxo ne, la mutangatulu no talaxu Iesu sou muvikalanu aloxo 'o, “Tila, nalai va'axu noxilo, xo eni amitema sou 'ilixo masua.”

La sou Iesu mukoline'i aloxo 'o, “Ta mitema e ipipiena uasi ne, ilavusou ilai noxou itema sou pamauli sou pipiena uasi. Ia ta mitema e ipipienasi la ilai noxou.

La sou ane'i mivole sou milai no nano no tasi'i. Mixali no tasi'i, la mi'italonu mimii'a mukalusi, io mimulinu Iesu.

Ioxe, no voxo vile, la Iesu muxolu no tuala vile. La itema vile vulukali mu'oxonu mo mutaasou vasimolu mukalusi ne muxolu no tuala ane ne kalumo. Anu mumaisou Iesu, la mutangatulu no talaxu Iesu sou mulinga noxou, la muvikalanu aloxo 'o, “Tila, lexe nini nemasaxa, la nini napaipouleli no a vulukali 'o sou uxexesou vasimelo mo axali malemalenga noxou Lataua iou.” Xe Iesu mumexinu avolu sou mukasou, la muvikalanu aloxo 'o, “Eni emasaxa lexe nini naxali malemalenga.” La alaxu vilesisi 'o, la vulukali ne tasiauxu avile.

Ia uasi. A'alo sou mimii e Iesu mu'oxonu ne, ta mitema tavu'alo milavusou mukalu. La sou tavu'alo noxi'a mine'e sou milomu noxou, xe tavu'alo noxi'a e pipiena mu'oxone'i ne mine'e noxou sou lexe Anu upamauline'i.