Popular Bible Verses from Jenesis 6

Паҳн кунед

Mi eka ambazip miwikŋaim eŋgiiga gölmenöŋ malgeri, miaŋgöra Anutunöŋ möt bölim aŋguiga wösöbiriknöŋ uruŋi kokolak qeiga sihimbölö möta malök.

Gölme ambazip yeŋgö bölöŋamŋini mi keta bölökŋi aiga uruŋinaŋgö mötmöt areŋini pakpak mi nalö dop qösösök (qörörök) bölöŋanök pakpak aka malgeri, mi Kembunöŋ ehök.

Mewö jiyökmö, azi Noa yaŋön Kembugö jeŋe ak-kömukömu miwikŋaiyök.

Noagö gwölönarökurupŋi mieŋgö kösohotŋini mi kewö: Nahönurupŋi karöbut qetŋini Sem, Ham aka Jafet mi asuhuget. Noanöŋ ambazip sutŋine azi solanŋi köpösihitkö keuŋi qahö mala uruŋi Anutubuk jöhöba anda kaba malök.

Mewö möta mala keu kewö jiyök: “Ambazip miwikŋaim eŋgiali, nöŋön mönö mi gölmenöhök qeteköm eŋgimam. Ambazip, mirigö sömbupŋi, yuai bapŋinan köla ölölöŋgömakzei aka könakembagö neiŋi mi miwikŋaim eŋgialaŋgöra möt bölim aŋguba mi mönö qeköm eŋgimam.”

Ambazip gölme qakŋe malgetka qötöŋinan könahiba qariiga böraturupŋini mi mewöyök asuhuget. Asuhugetka nalö miaŋgöreŋ Anutugö nahönurupŋi yeŋön ambazip yeŋgö böraturupŋini eŋgeketka eksihimŋinambuk aketka eŋgek sorigeraŋgö dop mi pakpak eŋgömegetka anömurupŋini aket. Mewö aketka nalö miaŋgöreŋ Kembunöŋ keu kewö jiyök: “Gölme ambazipnöŋ silebuk nalö teteköŋi qahö mal öŋgömemö, yeŋön mönö kömume. Areŋini mewö al eŋgizal. Nalö kewöŋeyök könahiba malmalŋini mönö yambu 120 jaŋgö mi qahö oŋgita mal öŋgöme.” Anutugö nahönurupŋi yeŋön gölme ambazip yeŋgö böraturupŋini eŋgömegetka morö mem eŋgigetka nalö miaŋgöreŋ aka könaŋgep mewöyök azi weliwelipŋinambuk mönö asuhuba qariba gölmenöŋ malget. Möpŋaŋgö möpŋeyök bemurup qetbuŋaŋinambuk malgeri, yeŋön mönö mia aket.

Anutunöŋ Noa mewö akŋapkö jim kutum waŋgiiga miaŋgö dowök mönö tem köla mi pakpak ahök. Mewö mia aka mem teköyök.

Mewö eka Anutunöŋ Noagöra keu kewö jii mörök: “Ambazip yeŋgöra aka ayuhum eŋgieŋgi mi gölme körek dop köla ahöza. Miaŋgöra nöŋön ambazip pakpak mem kömum teköm eŋgimamgöra mönö keuni jöhöyal. Mötnöŋ, nöŋön mönö onöŋ gölme meleŋbi geiga yuai pakpak isikusukŋinambuk mi kömum teköme.

Miaŋgöra göŋön mönö suman ip köla miaŋön nangahöra waŋge kun meman. Miaŋgö uruŋi kutunöŋga uruŋi morömorö asuhume. Waŋgegö uruŋi aka sileŋi mi qandöŋnöŋ me gisak marasinöŋ kösiba ohom teköman.

Ambazip pakpak gölmenöŋ anda kaba malmalŋini mem bölim tekögetka miri gölme pakpak yeŋgö ahakmemeŋini mi goŋgiba aŋgöjörakŋinambuk aiga Anutunöŋ gölme uba tandökŋini mi mewö ehök.

Öŋgöba mala yuai malmalŋinambuk pakpak mi qahöwak teköbepuköra yeŋgöreŋök yahöt yahöt aziŋi aka ambiŋi mi dopŋine eŋguaŋgitnöŋga göbuk mohotŋe waŋgenöŋ öŋgöme.