Popular Bible Verses from Jenesis 22

Паҳн кунед

Miaŋgöra Abrahamnöŋ gölme miaŋgö qetŋi mi ‘Kembunöŋ miwikŋaiba netkima,’ jiba qerök. Nalö kewöŋe mewöŋanök keu kewö jimakze: “Kembunöŋ mi kunduŋe miwikŋaiba netkima.”

Mewö meleŋniga kewö jiyök: “Aisak nahöngi nanŋi mohotsirik urugan jöpaköm waŋgimakzani, i mönö waŋgita Moria gölmenöŋ anda kunduŋi kun kondel gihimami, miaŋgöreŋ öŋgöba i nöŋgö jöwöwöla ohoman.”

Mewö meleŋniga kewö jiyök: “Börögan mönö morögö qakŋe kude alman. Yaŋgö qakŋe yuai kun kude akŋan. Göŋön nahöngi mohotsirik mi nöŋgöra qahö aŋgön köljanaŋgöra könaŋamgi merak kewö möt yaközal: Gi Anutugö keu jitŋi oŋgitpanbuköra keŋgötki mörakzan.”

Mewö qesiiga iwiŋan kewö meleŋnök: “Nahöni, Anutu nanŋak mönö jöwöwöl ohohogö lamaŋi kun miwikŋaiba netkima. “Mewö meleŋniga toroqeba mohotŋamŋire anohot.

miaŋgöra nöŋön ölŋa gi kötuetköba ahumsehip gihibiga gwölönarökurupki yeŋön önöŋi qahö sehime. Sehigetka qötöŋinan mönö suep könakembagö seŋgelauŋi ewö akŋa aka köwet jitŋe sakösiŋ ahöm anjei, miaŋgö dop akŋa. Göhö gwölönarökurupki yeŋön mönö köhöiba kerökurupŋini eŋguba luhut ala siti gölmeŋini eŋguaŋgita aŋgön köla malme. Göŋön nöŋgö keuni tem köljani, miaŋgöra göhö gwölönarökurupki yeŋgöreŋök kungöra aka nöŋgö kötumötuetnan mönö gölmegö könagesö kambuŋi pakpak yeŋgö qakŋine öŋgöiga oyaeŋkoyaeŋ akŋe.”

Yuai mi asuhuiga nalö tosatŋi teköiga Anutunöŋ Abraham esapköm waŋgiyök. Qetŋi “Abraham!” qeriga yaŋön “Ni ki kinjal,” jiba meleŋnök.

Atöŋniga miaŋgöreŋök Kembugöreŋ garatanöŋ Suepnöhök Abrahamgöra kewö qerök: “Abraham, Abraham!” Mewö qeriga “Ni ki kinjal,” jiba meleŋnök.

Kembugö garataŋan Abrahamgöra Suepnöhök kunbuk kewö qeriga yahöt ahök: “Kembu nöŋön kewö jizal: Nanak nani qetni qeta jöjöpaŋ keu kewö jiba jim köhöizal: Göŋön silik ki aka nahöngi mohotsirik mia nöŋgöra qahö aŋgön köljani

Anda Anutunöŋ gölme jiyöhaŋgöreŋ aŋgota kinda jöwöwöl ohohogö altaŋi kun memba könöp miaŋgö qakŋe ala areŋgöyök. Areŋgöba nahönŋi Aisak jöhöba altanöŋ könöp qakŋe al waŋgiyök.