Popular Bible Verses from Matyu 8

Паҳн кунед

Agelak kɨlop agak, Taynen pɨlɨkebɨm? God nop gos nepɨm ak sɨkol gup agak. Anɨb agɨl tɨkjakɨl, kɨles gɨl agek, yɨgen awl dek ak sek, ñɨg pag apek ak sek kelɨgɨl, ned yek tek yek.

Agek Lom bɨ chɨm kadɨŋ gep bɨawl anɨb ak agak, Bɨawl, yad bɨ tep mel, kal yad ak ownɨmɨn tek ma lup agak. Pen yad nepin, bɨawl yad ak, ne yɨb awl mɨdeb, yad nop muk okok mɨdebin agak. Yad pen, yɨb awl mɨdebin, bɨ chɨm kadɨŋ gep okok kɨli yɨp muk okok mɨdebal agak. Olap nop Amnoŋ agen, ne amub agak. Olap nop Owan agen, ne owup agak. Bɨ wog gɨñeb yad anop Anɨb ak gɨnɨmɨn agen, ne anɨb ak gup agak. Anɨb ak, suŋ laŋ agɨl takaw anep agenɨmɨn, bɨ wog gɨñeb yad tap gup anop suŋ lɨnɨgab agak.

Anɨb agek, Jisas nɨŋɨd gos pal yɨbɨl lɨl, binɨb nop kɨdek gɨl apelak okok kɨlop agak, Bɨ anɨb awl man olap nɨb ak pen, yɨp gos lɨnɨg mɨdɨl chɨg tep yɨbɨl gup agak. Binɨb Yislel nɨb okok pen, ne yɨp gos lɨnɨgup ak anɨb ak tek gos ma nepal agak. Yad nepin, mɨdupsek yɨp gos anɨb ak ma nepal agak.

Jisas anɨb agɨl, Lom bɨ chɨm kadɨŋ gep bɨawl anɨb anop agak, Nad amnoŋ. Gos nepan anɨb ak tek nep gɨnɨgab agak. Anɨb agek, bɨ wog gɨñeb ne tap gak ak, won anɨb ak nep suŋ lak.

Anɨgek, kɨli gos pal awl yɨbɨl lɨl agɨlak, Bɨ anɨb awl bɨ tay tek mɨdeb agɨlak? Taydɨl agosup yɨgen awl dek ak sek, ñɨg pag apek ak sek agup tek kelɨgup agɨlak?