Popular Bible Verses from Jhone 19

Паҳн кунед

Whaniver he got tha drïnk, Jesus saed, “It's feenished!” Wi that, he bood hïs heid an he gien up hïs spïrit.

Eftèr thïs, knowin ïn hissel that iveriethin wus noo feenished, an sae as whut wus writ ïn tha Scrïptures micht cum aboot, Jesus saed, “A hae a druith on me.”

Whaniver Jesus catched sicht o hïs mither thonner, an tha follaer that he loved nearhan, he toul hïs mither, “Guid wumman, thon's yer sinn thonner.” An tae tha follaer he saed, “An thon's yer mither.” Frae that day an oor, that follaer tuk hir ïntae hïs ain hame.

But whaniver the' cum tae Jesus, an fun oot he wus aareadie deid, the' dïdnae brek hïs legs. Insteed o that, yin o tha sodgers püsht a pike ïntae Jesus's side, an that brocht oot a flush o bluid an wattèr.

Aa thïs happent sae as whut wus writ ïn Scrïpture wud cum aboot: “Nane o hïs banes wull be brauk,” an as anither pairt o Scrïpture says, “The' wull luk on tha yin the' hae pierced.”

Shoodèrin hïs ain cross, Jesus went oot tae tha Place o tha Skull (thon place the' caa “Golgotha” ïn tha Aramaic tung).

An tha sodgers plettit thoarns thegither tae mak a croon an the' set ït on hïs heid. An the' püt a purple goon on hïm.