Popular Bible Verses from SAN MARCOS 2

Паҳн кунед

Bi dyøj nʉr palabra‑nʉ́ car Jesús cja̱ bi da̱di: ―Cʉ cja̱hni cʉ jin te i cja, jin gui nesta médico. Nu yʉ i jñi̱ni, i nesta medico‑yʉ́. Nugö, jí̱ xtá ejcö pa gua nzoj yʉ cja̱hni yʉ i ma̱, jin te i tu̱. Xtá e̱je̱ pa gu nzoj yʉ cja̱hni yʉ i pa̱di xí dyøti ca rá nttzo. Dí ne gu föx‑yʉ́.

Nu car Jesús, bbʉ mí cca̱hti cʉ cja̱hni‑cʉ́, bi ba̱di, mí e̱me̱bijʉ. Nubbʉ́, bi xih car döhtji ca jí̱ mí tzö di hña̱ni: ―Nuquiguɛ, ʉm ttʉqui, dí xihqui, ya xí mperdonaqui ca rá nttzo ca xcú dyøte.

Cja̱ pé bi ma̱ guegue: ―Ca Ocja̱ bi dyøti na̱r pa na̱ dí tzöyajʉ pa da hmʉy rá zö yʉ cja̱hni. Jin gá dyøti na̱r pa gá nttzöya jøntjo pa di mandadobi yʉ cja̱hni da zu̱jpijʉ na̱r pa.

Nucʉ, jí̱ mí tzö di guatijʉ jabʉ már bbʉh car Jesús, como xquí ndo ndʉ cʉ cja̱hni, eso, bi xohtzijʉ hna pedazo car ña̱jcu̱, xøtze pʉ jabʉ már bbʉ guegue. Mí guadi mí xohtzijʉ ya, bi tsjöhmijʉ car döhtji, göhtjo co cár mfi̱di, gá nzøh pʉ jabʉ már bbʉh car Jesús.

Pe xtú xij nʉr palabra nʉ xtú xifi pa gui pa̱dijʉ, cierto dí ja̱ cam cargo hua jar jöy pa gu perdonabi ca rá nttzo ca xí dyøti yʉ cja̱hni, como guejcö dúr cja̱hni xpá bbɛnqui hua jar jöy.― Diguebbʉ ya car Jesús bi nzoh car hñøjø ca jí̱ mí tzö di hña̱ni, bi hñi̱na̱: ―Nuquiguɛ, dí xihqui ya, bböy, gui xox quer mfi̱dí, cja̱ gui me ir ngu̱.

Nugö xí ttajqui cam ttzɛdi, eso, dí pɛhtzi derecho gu xij nʉr hñøjø nʉ jin gui tzö da hña̱ni: “Dí perdonaqui ca rá nttzo ca xcú dyøte.” Guejtjo i jñɛjtjo bbʉ gu xifi: “Bböy, gui xox quer mfi̱di, cja̱ gui hño.”

Cja̱ car hñøjø ca múr döhtjijma̱ bi bbö nttzɛdi, bi xox cár mfi̱di, bi bøni. Göhtjo cʉ cja̱hni bi cca̱hti gá mbøni, már zö mír hño. Cja̱ bi hño í mʉyjʉ, bi ma̱jmʉ: ―¡Te tza rá nzɛh ca Ocja̱! ¡Jabʉ xtá nu̱jʉ hnar cosa di jñɛjmi nʉ́!