Popular Bible Verses from San Lucas 23

Паҳн кунед

Ca dxuludé̱'e̱ Le̱' xaga béguaj, na' gunná Jesús: ―Xrae, bnite lau chee̱ benne' caní lawe' da quebe zaj nézene' bi na' dxelune'. Na' benne' dxjaque̱' wedil-la gulebeje̱' da dxunna bea' chee̱ xelezí'e̱ late' weaj zra lana Jesús.

Na' beche̱be Jesús: ―Da li dxapa' lue', ná'ate̱la súale̱quezu' neda' lu lataj chawe' chee̱ Dios.

Nadxa gunné̱': ―Jesús, xeajsá lazre' neda' gate su lau' nna be'u.

Nadxa gudxezre xa'a Jesús, dxenné̱': ―Xrae, lu na'u dxegu'a be' xu'a. Ca gunné̱' ca', na' gutie̱'.

Gate belezrine̱' lataj na' nazí le na, Calavera, da zéaje̱ na, Xi'a Zrita Xíchajdxu, na' buludé̱'e̱ Jesús xaga béguaj, ne cá'anqueze belune̱' chee̱ benne' we̱n da zrinnaj ca', tue̱' cuite̱' xabe̱la, ne xetúe̱' cuite̱' xéglala.

Guca ca wagubizra. Nadxa ca naca lu xe̱zr la xu guchul-la na cadxa bzrinte̱ na dxedá' chunna. Gubizra guchul-la na, na' ladxe' ze̱ lu xudau' bdxuaj na chúpala.

Gate benne' dxenná bé'ene̱' benne' dxjaque̱' wedil-la blé'ene̱' ca da guca, na' be̱ lá'ane̱' Dios, gunné̱': ―Da li, benne' nigá quebe bi da zrinnaj be̱ne̱'.