Popular Bible Verses from LUKE 18

Паҳн кунед

Sa qai tukuna ko Jisu vei iratou na tisaipeli e dua na vosa vakatautauvata me vakatavulici iratou me ratou dau masu tikoga ka kakua ni yalolailai.

Ena qai sega li ni vakatauca na Kalou na lewa dodonu ka vinaka vei ira na nona digitaki era sa dau tagi vua ena siga kei na bogi? Ena berabera li na kena yaco mai na nona veivuke? Au sa kaya oqo vei kemudou, ena yaco vakatotolo vei ira na nona vakataulewa dodonu ka vinaka. Ia ni sa lako mai na Luve ni Tamata, ena kunea li e vuravura na vakabauta?”

Sa qai kaya o koya, “Na ka sa sega ni rawa vei ira na tamata, sa rawa vua na Kalou.”

Ena dua na gauna balavu sa sega ni via cakava kina na turaganilewa e dua na ka, ia sa qai kaya vakaoqo e lomana e muri, ‘E dina ga ni'u sega ni rerevaka na Kalou se doka na tamata, ia ena vuku ni nona sa vakasosataki au tikoga kina na yada oqo, au na raica me soli vakaidina vua na nona dodonu. Kevaka e segai, ena vakaocai au ga baleta ni na lako tikoga mai vei au.’ ”

Au sa kaya vakaidina vei kemudou, o koya ena sega ni ciqoma na matanitu ni Kalou me vaka na gone lailai ena sega ni curu kina.”

Ia sa kacivi ira ga vua na gone ko Jisu, ka kaya, “Laivi ira na gone lalai me ra lako mai vei au, ka kakua ni tarovi ira, ni sa nodra na gone vakaoqo na matanitu ni Kalou.

Sa kaya vua ko Jisu, “Mo rai rawa! Sa vakabulai iko na nomu vakabauta!”

Sa qai kaya vua ko Jisu, “Na cava o vakatokai au kina ni'u vinaka? Sa sega ni dua e vinaka, na Kalou duadua ga.