Popular Bible Verses from Mateus 11

Паҳн кунед

“Ãjag tỹ Topẽ vĩ ki króm ki kagtĩg nỹtĩ tugrĩn jagtar nỹtĩn kỹ iso kãmũ jẽg. Nén ũ tỹ ãjag mỹ jagy tĩn kỹ iso kãmũ jẽg. Ãjag krĩ tỹ sóg kãnhvy' henh ke mũ mỹr, ha mẽ,” he tóg.

“Inh mré kãmũ jẽg. Ãjag kanhrãn jé sóg ke mũ. Komẽr hã sóg vĩ tĩ. Inh pijé vẽsỹ ũn mág han tĩ'. Vĩ tar han vãnh sóg nĩ. Ãjag tỹ iso kãmũ kỹ ãjag krĩ vỹ há' henh mũ, ha vem nĩ.

Ijykre pijé kufy nĩ'. Isỹ ãjag mỹ nén tó mũ pijé han kórég nĩ',” he tóg.

Kỹ tóg ag mỹ: “inh jóg tóg, inh mỹ tovãnh kãn, ti tỹ nén han mũ kar ẽn ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé inh jóg ki kanhró nĩ gé'. Inh hã ne ti ki kanhró nĩ', isỹ tỹ ti kósin nĩn kỹ. Hã ra sóg ãjag mỹ ti kãmén jé kãtĩ mũ, sỹ ũn kuprẽg mũ ag mỹ, fag mỹ ke gé“ he tóg.

Kỹ tóg ag mỹ: “ha João mỹ ãjag tỹ nén vég mũ tag ti tó, ha mẽ,” he mũ. “Tag han inh tĩ, ha mẽ: ũn kyvó ag vỹ, isugrĩn ẽvãnh há nỹtĩ. Ũn kãnhgrĩ ag vỹ mũ há nỹtĩ, ũ tỹ vẽnh kaga kren vãnh han mũ ẽn ag krenkren han inh tĩ. Ũn kutu ag vỹ ẽmẽ há nỹtĩ ha, ũn kãgter mũ ag vỹ rĩnrĩr mãn kỹ nỹtĩ. Ũn jagtar ag vỹ Topẽ vĩ mẽg tĩ, ũ tỹ kanhkã tá nĩ ẽn tỹ tỹ ẽg pã'i nĩnh ke to.

To jykrén há han nĩ,” he tóg.