Popular Bible Verses from Juan 19

Паҳн кунед

Tegin Jesús vino-choled kobzhagu, chogal: —Imi antin pato pél immal-imas. Tegin Jesús teob chogzhagu, nono yaku nad, ilgwen purkwis.

Imi Jesús aga wiis-choggu ede Pab-chogzhadbal pél immal imas, al Jesús Juanga-chogzhad-cholbal, Pab-kartagin nermakal-maidyob kunonigal, chogalzhun: —An ukul-ukul ito.

Tegin Jesús aga nan-takchagu, tegin e-chapin-pilaled-takchabalgu, Jesús aga e-nanga chogal: —Ome, imi antin, an purkwene-choggu, al we Juan an-anal pe-machiyob kunejun. Tegidgin Jesús Juanga chogalmo: —Imi we ome aga pe-nanyob pe takchunno. Imi teun-akar Juan e-neggin aga e-nanyob Jesús-e-nan-akwiszhun.

Tenal chulubmal Jesúszhe nonimalgu, taknonimal, Jesús inkwa pato purkwal-nai. Al chulubmal Jesús-tuwa kwen pichiszhulmal. Tenal chulub-walgwen ezhigin Jesús-tikal-eyurusgu, apka-pakal abe tibak arioal.

Tenal we immalmal-kujad, akpene Pab-kartagin choglejad-yopí kunoni. Tenal Pab-kartagin nermakal maido: Imi tulemal we tule-e-kal kwen piskojul-kuo. Ex. 12:46; Num. 9:12; Sal. 34:20 Tegin Pab kartagin nermakal maibaldo: Imi tulemal, tule-ezhigin-eyurulejad-takmalo. Zac. 12:10

Tegin Jesús Jerusalén-neg-kwebur-akar nodgu, aga nakrus-mai nad, Tule-Nono-Kal-Yal-neg-nugadzhe. Tenal we neg Hebreo-kakagin pimal Gólgota.

Tegin chulubmal tub-iko-nikad kwilomasmal, tegin kep Jesús-nonogin iko-kurkin chismalzhun. Tegin chulubmal erreyyob Jesúsgin mol-kwalugiid yosmalbal.