Popular Bible Verses from Johaneb 17

Паҳн кунед

Sa mîs ge a ama xuige ǁîna amab ǃnâ ǃanuǃanu re.

Tsî nē ǀamo ûib ge sats, ǀgui ama Elotsa ǂans tsî Jesub Xristub* sats ge sîba ǂans ti ra ǂâibasen.

“Tita ge ǁîgu ǀguiga ǀgoreba tama hâ, xawe ta ge hoan hîa ǁîgu di ǁkhāǁkhāsa xu tita ǃnâ ra ǂgomn tsîna ra ǀgoreba, în hoana ǀgui, sats, ti Îts tita ǃnâ tsî tita sats ǃnâ ǀguis ǁkhās khami. An ǁîna ǁkhāti sakhom ǃnâ ǀgui, ǃhūbaib nî sats ge tita sî ǃkhaisa ǂgomse.

ǃHūbaiba xu ǁîna ūbē ti ta ge ǂgan tsi tama hâ, xawe ta ge ǁînats nî ǂKhababa xu sâu ǃkhaisa ra ǂgan tsi.

Tita ge ǁîna ǁnā ǂkhaisib titats ge māba ge mā, în ǀgui sakhom a ǀgui khami. Tita ǁîn ǃnâ tsî satsa tita ǃnâ, în ǁîna ǀoasase ǀgui. În nē ǃhūbaib di khoena sats xa ta ge sîhe tsîts ǁîna titats ǀnams ǁkhās khami ǀnam ǃkhaisa ǂan.