Popular Bible Verses from Samz 32

Паҳн кунед

Senyè-a di, “Mwen kay enstwiʼw èk moutwéʼw ki chimen pou pwan. Mwen kay baʼw konsèy èk mwen kay kité zyé mwen asouʼw.

Sé an ou mwen ka séwé. Ou kay délivwé mwen lè mwen an twaka. Mwen ka chanté fò pou fè moun konnèt mannyè ou délivwé mwen.

Lè sala mwen konfésé péché mwen baʼw, mwen pa té séwéʼw movèzté mwen. Mwen di bay kò mwen, “Mwen kay konfésé tout fòt mwen bay Bondyé Senyè-a,” èk ou pawdonnen mwen èk ou pa pini mwen pou péché mwen.

Pa dé bon i bon pou moun-an Bondyé pawdonnen fòt li-a, èk i pa ka gadé sé péché-a i té fè-a.

Pa dé bon i bon pou moun-an Bondyé Senyè-a pa ka akizé pou movèzté-a i fè-a, moun-an ki pa ka viv an lavi kwennad-la.

Kon sa, sé pou tout sé moun ou-an ki ka adowéʼw-la pwédyé lè yo bizwenʼw. Lè twaka ka vini anlè yo menm kon an lawivyè gwo, i pa kay wivé anlè yo.