Popular Bible Verses from NAI VAKATEKIVU 17

Паҳн кунед

Sa ciwasagavulu ka ciwa na yabaki i Eparama, sa qai rairai vei Eparama ko Jiova, a sa kaya vua, Koi au na Kalou Kaukauwa: me dodonu na nomu i valavala vei au, ka mo kakua ni cala

ia ena sega ni vakatokai tiko na yacamu ko Eparama, sa na yacamu ga ko Eparaama; ni'u sa lewa vei iko mo tamadra na matanitu e vuqa

ia ka'u na vakataudeitaka na noqu veiyalayalati kei iko, kei ira talega na nomu kawa, e na nodra i tabatamata kecega, ka me veiyalayalati e tawa mudu, ka me'u sa nomu Kalou, ka me'u nodra Kalou talega na nomu kawa

Koi au, raica, sa tiko kei iko na noqu veiyalayalati, ia ko na tamadra na matanitu e vuqa

A sa kaya na Kalou, Ena sucu vakaidina e dua na luvemu-tagane vei Sera na watimu; ia ko na vakatoka na yacana ko Aisake, ia ka'u na vakataudeitaka vua na noqu veiyalayalati me veiyalayalati ka tawa mudu, vei ira na nona kawa era na muri koya.

ia ka'u na solia vei iko kei ira na nomu kawa, na vanua ko sa tiko vulagi kina, a vanua taucoko ko Kenani, ka me ra taukena ka tawa mudu; ia ka'u na nodra Kalou.

A sa cuva vakatoboicu ko Eparaama, ka dredre, ni sa kaya e lomana, Ena sucu beka na gone vua sa qai dua na drau na nona yabaki? ia ena vakasucu beka ko Sera, ni sa qai ciwasagavulu na nona yabaki?

Sa kaya talega vei Eparaama na Kalou, Ko Serai na watimu, mo kakua ni vakatoka na yacana ko Serai, sa na yacana ga ko Sera

Dou ciliva na kuli ni vusomudou; ia sa na kenai vakatakilakila oqo ni noqu veiyalayalati kei kemudou

Ia ka'u na vakataudeitaka na noqu veiyalayalati kei Aisake ga, ko koya na luvemu vei Sera o koya ena sucu e na kena gauna e na yabaki sa muri mai.

ia ko koya vei kemudou sa bogi walu ena cilivi, na gonetagane kecega e na nomudou i tabatamata kecega; ko koya sa sucu e vale, se voli e nai lavo mai vua na kai tani kece, sa sega ni nomu kawa: me cili ga, ko koya sa sucu e nomu vale, kei koya sa voli e na nomu i lavo: ia ena tu e na lewemudou nai vakatakilakila ni noqu veiyalayalati, me veiyalayalati ka tawa mudu.