Popular Bible Verses from CAKACAKA 2

Паҳн кунед

Sa qai kaya vei ira ko Pita, Dou veivutuni, ka papitaisotaki, koi kemudou yadua, e na yaca i Jisu Karisito, me bokoci kina na nomudoui valavala ca, ka dou na rawata na Yalo Tabu mei solisoli.

A ra sa qarava matua na nodrai vakavuvuli nai apositolo kei na veilomani, kei na dovi madrai, kei na masumasu.

A ra sa vakasinaiti kecega e na Yalo Tabu, a ra sa vakatekivu me vosataka na vosa tani eso, me vaka sa solia vei ira na Yalo Tabu me ra cavuta.

Sa qai lako vakasauri mai lomalagi e dua na rorogo, e vaka na cagi vakacevaruru kaukauwa, a sa vakasinaita na vale taucoko era sa tiko kina. A sa rairai vei ira na ka e vaka na veiyameyame ni bukawaqa sa dui veisebayaki, a sa tiko yadua vei ira vakaaduaga. A ra sa vakasinaiti kecega e na Yalo Tabu, a ra sa vakatekivu me vosataka na vosa tani eso, me vaka sa solia vei ira na Yalo Tabu me ra cavuta.

A ra sa gumatua sara e na lako ki na vale ni soro e na veisiga, a ra sa lomavata, a ra sa dovi madrai e na veivale, a ra sa kania na kedra e na marau kei na yalo dina, ni ra sa vakavinavinaka tiko vua na Kalou, a sa vinakati ira ko ira na tamata vakaaduaga. Ia na Turaga sa vakaikuritaka kivei ira nai soqosoqo lewe ni lotu, e na veisiga, na tamata era sa vakabulai tiko.

Sa kaya na Kalou, Ena yaco e na gauna maimuri, Ka’u na sovaraka na Yaloqu kivei ira na tamata kecega: A ra na parofisai kina ko ira na nomudou gonetagane kei ira na nomudou goneyalewa, Ia ena raica na raivotu eso ko ira na nomudou cauravou, Ia ena tadrataka na tadra eso ko ira na nomudou qase

Ia ko ira kecega sa vakabauta era sa tiko vata, a ra sa dui solia na nonai yau yadua me ra taukena vata; a ra sa volitaka na nodra vanua kei na nodrai yau, a ra sa vota kivei ira kecega, me vaka na nodra dui dravudravua.

Ia ena yaco, ko koya yadua ena masuta na yaca i Jiova, ena bula.

Ena vuki na mata-ni-siga me butobuto, Kei na vula me dra, Ena qai yaco emuri na siga i Jiova, Sa levu ka rogo tiko