Popular Bible Verses from Lc 23

Паҳн кунед

Ax yic wan st'un̈n q'ue eb' Jesús, 'ix yaln 'ixtic: —Mamin, 'ac' niwnc'ojlal 'a eb', yujto man̈ yojcoc eb' tas wan sb'oni, xchi 'a Dios. Ax ewin soldado cha, xya'n ewin b'ul, yic tzpojn 'ec' ewin spichl Jesús 'a 'a.

Yuj cha, xyaln Jesús chi 'ixtc 'a winac: —Wal yel tzwal 'ayach, 'a yic jun c'u tic, 'oj a c'och wet' 'a jun paraíso sb'i, schi 'a winac.

Xlajw cha, xyaln pax win 'ixtc 'a Jesús: —Jesús, comnoc tzin a na coti, yic 'oj och Yajlil, xchi win 'a 'a.

Ax Jesús, caw 'ip 'ix 'awj cha'an̈, xyaln 'ixtic: —Mamin, tic tzwac' 'ab'enal in pixn 'a yol a c'ab', xchi 'a Dios. Xlajwn̈ej yaln jun cha, 'ix chami.

'Ix c'och eb' 'a jun lugar tzcuch Calavera. Ata 'ix st'un̈ q'ue eb' Jesús. 'Ix t'un̈x pax q'ue ewin 'ay smul cha, jun 'a swach' c'ab', jun 'a surito, junjn sculsal junjn eb'.

A yic wan yoch chimc'ual, 'ix 'och q'uic'q'uinl 'a smasnil yolyib'n̈q'uinal, masnto 'a las tres. 'Ix 'och q'uic'q'uinl 'a c'u. Ax te nip 'aych smacloc snan̈l yol yatut Dios, 'ix jat snan̈l te'.

Ax win capitan̈, 'ix yiln tas 'ix uji. 'Ix yaln win wach' paxti 'a Dios 'ixtic: —Wal yel, a jun winc tic, caw tojl snab'en, xchi winac.