Popular Bible Verses from Mt 10

Паҳн кунед

“Yataqachiñe anaquiaĝañiya da'me dojo' 'yaqatac, queda'me ami jama' nayi, qalaĝaja ena'am ta'le ami 'naĝanaĝatelpi jo'ne jamaĝauelo jogaa'me diquiya'ape. Chane'eja 'noota qom ami yatenaĝanaĝayaqa, aueñiya'ama jogaa'me nanayaqa, nataq'aen qaya'te anedaĝayaĝaqui, aueñiya'ama jogaa'me doqoto'pi.

Ñe'me jo'ne jetaque nec'alaĝategue da'me mach'e 'loyaĝac, qama'le qodoĝotaĝanec qomle, qalaĝaja ñe'me jo'ne jayem uajouem da'me 'loyaĝac, nach'eñe qamqa'me nec'alaĝategue qomle.

Ena'te at'oyiyalo gaa'me jo'ne yaqanate't ta'le ami yala't, qa'a ja yaqanate't ta'le yala't ñe'me adepaqali. Nach'edata da'me at'oyiyapega ñe'me jo'ne yaqanatet ta'le ami yamaĝauelo di'me ne'uaĝanaqa' ga'me loeco lo'olpi jo'ne payac 'lachaqa' qaedi yapalaĝat ñe'me adepaqali nataq'aen ga'me adapachi.

Nataq'aen ñe'me jo'ne ja yachitac jaga'me sodoso qaedi jayem equegue, ja tayet da'me ñauela't.

“Qom 'uo gamachaqaega jayem yotauan nale dajoya'agueta joga'me jiyaĝadipi, qama'le nach'e ena'am da'me jayem jotauan joga'me qom jajoya'aguet ñe'me Taĝadena' 'me na'ague di'me piyem. Qalaĝaja ga'me jo'ne jayem nemanec nale dajoya'agueta ga'me jiyaĝadipi, nach'e ena'am da'me jayem ñemanec joga'me qom jajoya'aguet ñe'me Taĝadena' 'me na'ague di'me piyem.

Anec'alaĝachidegue jogaa'me yeleua'ape, a'niyelaĝachiidijeguem jogaa'me joote yele'u, aueñi yoqovite' jogaa'me nolaĝa polio' lalataqa nataq'aen auamaqayidegue jogaa'me payagodipi lepaqa'li. Dojo' nañoqotaĝanaĝac ami qoyanema nayi: qaya'te lajo'vi ta'le oquiyot. Chane'eja ena'te auauoyi lajo'vi da'me auec'alaqataĝañi.

Chane'eja ena'te ami qolanaqayaqa, qa'a ami yataqachiñe anapaquiyalegue da'me lajo'viyaĝa'j gaa'me qayoĝode' mayodipi.

Ena'te auepíchitapega ta'le ñeda'a da'me 'lemaĝac jena'me aleua; da'me ñanaequena ca'li, ja yajouaĝat da'me ñedo'oquena da'me 'nemaĝac, dite da'me nalada't.