Popular Bible Verses from Luke 10

Паҳн кунед

နောထွောင်ကျော့ပေါ်။ ငေါ်ဟော် နန်တွို့ကွို မွှီဆွိုးမျော၊ ကန်းမီးကွောဂ်မျောကွို နန်းချေပွီးငေါ်တွို့ယယ့် ရန်ဆူဖှဂ်ရယ့် မာရ်နတ်ကွို အွောင်နောင်ဖွို့ အခွမ့်အော်နော်ကွို ပေးအောဂ်ထောပီဖှဂ်ရယ်။ အယ်းယော်ကျွောင့် နန်တွို့ကွို စော်အယော်ခေါ့မောင့် ထိခေါဂ်နော်ကျန်စေလောဂ်မောင်မဟွိပေါ်။

အယ်းအခေါ် ကွိုယ်တော်ခေါ့ “မာသ၊ နန်ဟော် အ‌ယော်ယော်ကွို စွိုးရိင်စိနောင့် အလုတ်မျောနေပေမယ့်လယ် အမင်တကာခေါ့ တကာလွိုအောဂ်ရယ့်အယော်ခေါ့ တခုပယ်း ဆိရယ်။ မာရိမောင်ကော အယ်းကွောင်းရယ့်အယော်ကွို ယွီးချာထောပွီးပီဖှဂ်လွို့ အယ်းယော်ကွို ဆူ့နောင်းခေါ့ ဖယ်ဆောလွို့မယော့တို့ဘူး” လွို့ မိင့်တိုမူလေရယ်။

အယ်းလူခေါ့ “ကျောင်းစော်မောင် နန့်ယယ့်အဆန်သခန်ဖှဂ်တိုမူရယ့် ဖရောဆန်ကွို ကွိုယ် စိနလုန်းဆုန်းပေါလုန်းနော့ ထွိဖိုပျော့ပွီး နန်တွို့အဆိညင်ဆိသမျော့နောင့် အစွမ်းကွိင် မေတ္တော်ထောခှဂ်ခန်ယော့မောင်ဖှဂ်ရယ်။ အယ်းအပှန် နန့်ယယ့် အိင်နီးခှန်းကွိုလယ်း ကွိုယ့်ကွိုကွိုယ် မေတ္တော်ထောခှဂ်ခန်သလွိုမျွိုး ခှဂ်ခန်ယော့မယ်လွို့ ရယ်းဆောထောပေါ်ရယ်” လွို့ ပှန်ပွီးရွှောဂ်တန်လေရယ်။

ဆပယ့်တိုတွို့ကွို မစေခွှဂ်ခန် ကွိုယ်တော်ခေါ့ ဆူတွို့ကွို ဟော်လွိုမျွိုးမိင့်တိုမူရယ်။ “ငေါ့ကွို လဂ်ခေါင်ယုန်ကျည်ဖွို့ အဆန်သင့်ဖှဂ်နေရယ့် လူအမျောဆိပေမယ့်လယ်း အယ်းဆူတွို့နောင်း မန်ဂလော်ဆတန်းကွောင်းကွို ဟိုးကျောဖျန့်ဝီပေးဖွို့ လူတွို့မောင်ကော နည်းနေရယ်။ အယ်းလူတွို့ဟော် ယွိဆိင်းဖွို့ အဆန်သင့်ဖှဂ်နေရယ့် ကျွီးမောကှာပနန်းရယ့် လာကွမ်းနောင့်တူရယ်။ ဟော်ပေမယ့်လယ်း အယ်းယော်ကွိုယွိဆိင်းဖွို့အတွ လုန်လွောဂ်ရယ့်အလုတ်ဆမောမျောမဆိပေါ်။ အယ်းယော်ကျွောင့် ယွိဆိင်းဆူယယ့်သခန် ဖရောဆန်နောင်းမောင် ယွိဆိင်းဖွို့အလုတ်ဆမောမျော မျောမျောစေခွှဂ်ပေးဖွို့ တွောင်းရွှောဂ်ကျော့ပေါ်။

အယ်းနွောဂ် ကွိုယ်တော်ခေါ့ ကျောင်းတတ်ဆရော်ကွို “နန့်ယယ့်အမျိုမောင် အယ်းလူဆုန်းယွောဂ်မောင် ဓမျှော့တောဂ်ခေါင်ယော့ရယ့် လူယယ့် စဂ်မှိင်ရယ့်အိင်နီးခှန်းဟော် စူလော” လွို့ မေးလေရယ်။ အယ်းအခေါ် ကျောင်းတတ်ဆရော်ခေါ့ “ဆူ့အပို ဆနောကျင်နော်ပွီး ကူညီပေးရယ့် လူဖှဂ်ပေါ်ရယ်” လွို့ ပှန်လယ်ဖှေကျောယော် ကွိုယ်တော်ခေါ့ “နန်ဟော်လယ်း ဆိုးပွီး လူတွို့ကွို ဟော်နည်းအတောင်း ပှုကှင့်ပေါ်” လွို့ မိင့်တိုမူလေရယ်။

အခု နန်တွို့ဟော် လူတွို့နောင်းကွို ဆတိထောပွီးဆိုးကျော့ပေါ်။ အကျွောင်းမောင်ကော ကူယော်ကာယော်မနေရယ့် သိုးငါလွိုမျွိုး နန်တွို့ကွို ရတ်စဂ်ကျောင်းကျုတ်ရယ့် ဝံပုလွေလွိုမျွိုး နန်တွို့ကွို ဆန့်ကျင်ကျော့မယ့် လူမျောနောင်းကွို ငေါ်စေသခွှဂ်တိုမူရယ့်အတွကျွောင့်ဖှဂ်ရယ်။