Popular Bible Verses from Maleko 10

Паҳн кунед

Pea, koiape ko te Foha o te tagata nee mole haupe mo ia ke tauhi kia te ia, kae koteuhi ke tauhi ia pea ke ina foaki tona mauli moo totogi o he tokolahi.”

Nee fofoga e Sesu kia natou pea nee folafola‐age: “E mole lavai e te u tagata, kae e mole feia te Atua: he ko mea fuape e lavai e te Atua.”

Nee folafola leva e Sesu kia te ia: “Alu‐la, kua ke mauli i tau tui.” Pea, i te lakaga tonu aia, nee ala ai ona mata pea nee mulimuli leva ia kia te ia.

Pea koia ko te mea nee fakatahi e te Atua, e mole tonu ke veteki e te tagata.”

Pea nee fofoga leva ki ai e Sesu mo ofa kia te ia pea nee folafola‐age ki ai: “E kei ke hala mo he mea e tahi: alu, fakatau te u mea fuli e ke mau, foaki tona totogi ki te kau masisiva pea e ke mau he koloa i selo; pea ke hau o mulimuli kia te au.”

Pea folafola e Sesu kia te ia: “Kotea te mea e ke loto kau fai‐atu?” Pea nee tali‐age e te tagata kivi: “Aliki, pei kau sio.”

E mole tonu ke feia, i te lotolotoga o koutou; e aoga ke kehe ia: ko ae e fia maoluga ia koutou, e tonu ke liliu ia ko tautou tagata fekau

E mooni, e au tala‐atu, ko ae e mole ina tali te Puleaga o te Atua o hage he kii tamasii e mole hu ia ki ai.”

Pea e tokolahi natou nee mua e natou liliu o muli pea ko natou nee muli e natou liliu anai o mua.”

Kae, i te kamataaga o te malama‐nei, ko te Atua nee ina gaohi naua o tagata mo fafine. Pea koia e mavae te tagata mai tana tamai mo tana fae, pea ko naua e na liliu ko he sinope e tahi.